ಅಡುಗೆಗೆ ಬಣ್ಣ, ರುಚಿ, ಪರಿಮಳ ನೀಡುವುದಲ್ಲದೆ, ಆರೋಗ್ಯಕ್ಕೆ ಅಪಾರ ಲಾಭ ನೀಡುವ ಅರಿಶಿಣ (Turmeric) ನಮ್ಮ ಅಡುಗೆಮನೆಯ ಅತ್ಯವಶ್ಯಕ ಮಸಾಲೆ. ಈ ಅರಿಶಿಣ ಹಾಳಾಗದಂತೆ ಮತ್ತು ಅದರ ಔಷಧೀಯ ಗುಣಗಳು ಹಾಗೆಯೇ ಉಳಿಯುವಂತೆ ಮಾಡಬೇಕಾದರೆ, ಸರಿಯಾದ ಶೇಖರಣಾ ವಿಧಾನವನ್ನು ಅನುಸರಿಸುವುದು ಬಹಳ ಮುಖ್ಯ. ಇಲ್ಲಿ ನಿಮ್ಮ ಅರಿಶಿಣವನ್ನು ಉತ್ತಮವಾಗಿ ಸಂರಕ್ಷಿಸುವ 4 ಪ್ರಮುಖ ವಿಧಾನಗಳಿವೆ:
ಗಾಳಿಯಾಡದ ಡಬ್ಬ ಮತ್ತು ಒಣ ಚಮಚ ಬಳಸಿ:
ಅರಿಶಿಣ ಪುಡಿಯನ್ನು ಗಾಳಿಯಾಡದ, ಗಾಜು ಅಥವಾ ಸ್ಟೀಲ್ ಡಬ್ಬದಲ್ಲಿ ಹಾಕಿ. ನೇರ ಸೂರ್ಯ ಬೆಳಕು, ಶಾಖ, ತೇವಾಂಶದ ಸಂಪರ್ಕವಿಲ್ಲದ ತಂಪಾದ ಸ್ಥಳದಲ್ಲಿ ಇರಿಸಿ. ಪದೇಪದೇ ಒದ್ದೆಯಾದ ಚಮಚ ಬಳಸಿ ಅರಿಶಿಣ ತೆಗೆದುಕೊಂಡರೆ ಅದು ತೇವಾಂಶವನ್ನು ಸೆಳೆದು ಬೇಗನೆ ಹಾಳಾಗಬಹುದು. ಹೀಗಾಗಿ ಒಣ ಚಮಚ ಬಳಸಿ.
ಹಸಿ ಅರಿಶಿಣನ ಬೇರು ಸರಿಯಾಗಿ ಒಣಗಿಸಿ ಶೇಖರಿಸಿ:
ಹಸಿ ಅರಿಶಿಣನವನ್ನು ಶುದ್ಧಗೊಳಿಸಿ ಸಂಪೂರ್ಣವಾಗಿ ಒಣಗಿಸಿ. ನಂತರ ಇದನ್ನು ಪೇಪರ್ ಟವಲ್‌ನಲ್ಲಿ ಸುತ್ತಿ ಜಿಪ್‌ಲಾಕ್ ಚೀಲದಲ್ಲಿ ಹಾಕಿ, ಫ್ರಿಜ್‌ನ ತರಕಾರಿ ವಿಭಾಗದಲ್ಲಿ ಇಡಬಹುದು. 2–3 ವಾರಗಳವರೆಗೆ ತಾಜಾ ಇರಬಹುದು. ಸುಮಾರು ತಿಂಗಳ ಶೇಖರಣೆಗೆ ತುಂಡುಮಾಡಿ ಫ್ರೀಜ್‌ ಮಾಡಿ.
ಸಾಂಪ್ರದಾಯಿಕ ಒಣಗಿಸುವ ವಿಧಾನ:
ಅರಿಶಿಣ ಬೇರುಗಳನ್ನು ಸಣ್ಣ ಹೋಳುಗಳಾಗಿ ಕತ್ತರಿಸಿ ಬಿಸಿಲಿನಲ್ಲಿ ಪೂರ್ತಿಯಾಗಿ ಒಣಗಿಸಿ. ನಂತರ ಇದನ್ನು ಪುಡಿಮಾಡಿ ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿ. ಬೇ ಎಲೆ ಅಥವಾ ಬೇವಿನ ಎಲೆಗಳನ್ನು ಸೇರಿಸಿ ಕೀಟ, ಫಂಗಸ್‌ಗಳಿಂದ ರಕ್ಷಿಸಬಹುದು.
ಕತ್ತಲೆಯಾದ ತಂಪಾದ ಸ್ಥಳ ಆಯ್ಕೆ ಮಾಡಿ:
ಅರಿಶಿಣ ಪುಡಿಯನ್ನು ತಂಪಾದ, ನೇರ ಬೆಳಕು ತಲುಪದಂತಿರುವ ಕ್ಯಾಬಿನೆಟ್ ಅಥವಾ ಶೆಲ್ಫ್‌ನಲ್ಲಿ ಇರಿಸಿ. ಬೆಳಕು ಮತ್ತು ಉಷ್ಣತೆ ಅದರ ರುಚಿ ಬಣ್ಣ ಹಾಗೂ ಔಷಧೀಯ ಶಕ್ತಿಯನ್ನು ಹಾಳುಮಾಡಬಹುದು.
ಈ ಸರಳ ನಿಯಮಗಳನ್ನು ಪಾಲಿಸಿದರೆ, ನಿಮ್ಮ ಮನೆಮದ್ದುಗಳ ಅರಿಶಿಣವು ವರ್ಷಗಟ್ಟಲೆ ಅಚ್ಚುಕಟ್ಟಾಗಿ ಉಳಿಯುವುದು ಖಚಿತ. “ಅರಿಶಿಣ ಸಾಧಾರಣ ಮಸಾಲೆಯಲ್ಲ – ಇದು ಬಂಗಾರದಷ್ಟು ಅಮೂಲ್ಯ” ಎನ್ನುವುದನ್ನು ಮರೆಯಬೇಡಿ!
