ಇಂದಿನ ಡಿಜಿಟಲ್ ಯುಗದಲ್ಲಿ WhatsApp ಎಲ್ಲರ ದಿನಚರಿಯ ಭಾಗವಾಗಿದೆ. ಸ್ನೇಹಿತರು, ಕುಟುಂಬಸ್ಥರು, ಸಹೋದ್ಯೋಗಿಗಳೊಂದಿಗೆ ಸಂಪರ್ಕದಲ್ಲಿರಲು ಈ ಸಂದೇಶ ಸೇವೆ ಬಹುಮುಖ್ಯ. ಆದರೆ ಕಚೇರಿ ಅಥವಾ ಸಾರ್ವಜನಿಕ ಸ್ಥಳದಲ್ಲಿ ಲ್ಯಾಪ್‌ಟಾಪ್ ಅಥವಾ ಡೆಸ್ಕ್‌ಟಾಪ್‌ನಲ್ಲಿ WhatsApp ವೆಬ್ ಬಳಸದಾಗ, ಅದೆಷ್ಟೇ ವೈಯಕ್ತಿಕವಾದ ಚಾಟ್‌ಗಳೂ ಇತರರ ಕಣ್ಣಿಗೆ ಬೀಳಬಹುದಾದ ಸಂಭವವಿದೆ.
ಈಗ, ಈ ಸಮಸ್ಯೆಗೆ ಸುಲಭ ಪರಿಹಾರವೊಂದಿದೆ – Google Chrome Privacy Extension for WhatsApp Web. ಇದರ ಬಳಕೆಯ ಮೂಲಕ, ನೀವು ಚಾಟ್‌, ಪ್ರೊಫೈಲ್ ಫೋಟೋ, ಲಾಸ್ಟ್ ಸೀನ್ ಮುಂತಾದ ಮಾಹಿತಿಗಳನ್ನು ಮರೆಮಾಡಬಹುದು.
ಕ್ರೋಮ್‌ನಲ್ಲಿ Privacy Extension ಹೇಗೆ ಇನ್ಸ್ಟಾಲ್ ಮಾಡುವುದು?
ಮೊದಲು ಕ್ರೋಮ್ ಬ್ರೌಸರ್ ತೆರೆಯಿರಿ ಮತ್ತು Google ಗೆ ನ್ಯಾವಿಗೇಟ್ ಮಾಡಿ. ಸರ್ಚ್‌ ಪಟ್ಟಿಯಲ್ಲಿ, “Privacy Extension for WhatsApp Web”ಎಂದು ನಮೂದಿಸಿ.
ನಂತರದಲ್ಲಿ ಹುಡುಕಾಟ ಫಲಿತಾಂಶಗಳಿಂದ, ಸೂಕ್ತವಾದ ಲಿಂಕ್ ಅನ್ನು ಆಯ್ಕೆಮಾಡಿ. ಇದು ನಿಮ್ಮನ್ನು Extension ಪೇಜ್‌ಗೆ ಮರುನಿರ್ದೇಶಿಸುತ್ತದೆ, ಅಲ್ಲಿ “Chrome ಗೆ ಸೇರಿಸಿ” ಬಟನ್ ಬಲಭಾಗದಲ್ಲಿದೆ.
“ಕ್ರೋಮ್‌ಗೆ ಸೇರಿಸಿ” ಮೇಲೆ ಕ್ಲಿಕ್ ಮಾಡಿ. ದೃಢೀಕರಣ ಪಾಪ್-ಅಪ್ ಕಾಣಿಸಿಕೊಳ್ಳುತ್ತದೆ; ಮುಂದುವರಿಯಲು “Add Extension” ಆಯ್ಕೆಮಾಡಿ. ನಂತರ ಅದನ್ನು ಯಶಸ್ವಿಯಾಗಿ ಇನ್ಸ್ಟಾಲ್ ಮಾಡಲಾಗುತ್ತದೆ ಮತ್ತು ನಿಮ್ಮ Chrome ಬ್ರೌಸರ್‌ಗೆ ಸೇರಿಸಲಾಗುತ್ತದೆ.
Extension ನಿಂದ ಹೈಡ್ ಮಾಡಬಹುದಾದ ಅಂಶಗಳು:
ಪ್ರೊಫೈಲ್ ಫೋಟೋ
ಲಾಸ್ಟ್ ಸೀನ್ / ಆನ್‌ಲೈನ್ ಸ್ಟೇಟಸ್
ಇನ್‌ಕಮಿಂಗ್ ಮೆಸೇಜ್‌ಗಳು
ಪ್ರೆಸ್ ಮಾಡಿದರೆ ಮೆಸೇಜ್ ಓಪನ್ ಆಗುವ ವ್ಯವಸ್ಥೆ
ಬಳಕೆದಾರರ ಹೆಸರುಗಳು ಅಥವಾ ಡಿಸ್ಪ್ಲೇ ನೇಮ್‌ಗಳು
Extension ಅನ್ನು ನಿರ್ವಹಿಸುವ ವಿಧಾನ:
Chrome ಟೂಲ್‌ಬಾರ್‌ನಲ್ಲಿರುವ Extension ಐಕಾನ್ ಕ್ಲಿಕ್ ಮಾಡಿ.
‘Privacy for WhatsApp Web’ ಆಯ್ಕೆಮಾಡಿ.
ಹೈಡ್ ಮಾಡಬೇಕಾದ ಅಂಶಗಳ ಪಕ್ಕದಲ್ಲಿರುವ ಟಾಗಲ್ ಬಟನ್ ಆನ್ ಮಾಡಿ.
ಒಮ್ಮೆ ನಿಮ್ಮ ಸೆಟ್ಟಿಂಗ್‌ಗಳನ್ನು ಮಾಡಿ ಇಟ್ಟ ಮೇಲೆ, ಮುಂದಿನ ಬಾರಿ Chromeನಲ್ಲಿ WhatsApp Web ತೆರೆಯುವಾಗ, ನೀವು ಆಯ್ಕೆ ಮಾಡಿದ ಅಂಶಗಳು ಮಸುಕಾಗಿ ತೋರುತ್ತವೆ. ಇದು ಅಪ್ರತೀಕ್ಷಿತ ಕಣ್ಣುಗಳಿಂದ ನಿಮ್ಮ ಚಾಟ್‌ಗಳನ್ನು ರಕ್ಷಿಸುತ್ತದೆ.
