ಮಳೆಗಾಲದಲ್ಲಿ ಸಾಮಾನ್ಯವಾಗಿ ಎಲ್ಲರ ಅಡುಗೆಮನೆಯಲ್ಲಿಯೂ ಎದುರಾಗುವ ಒಂದು ಸಮಸ್ಯೆ ಅಂದ್ರೆ ಉಪ್ಪು ನೀರಾಗಿ ಕರಗೋದು. ಅಡುಗೆಮನೆಗೆ ತೇವ ಜಾಸ್ತಿಯಾದಾಗ ಉಪ್ಪು ಬೇಗನೆ ನೀರಾಗುತ್ತೆ. ಈಗ ಉಪ್ಪಿನ ಬೆಲೆ ಕೂಡ ಜಾಸ್ತಿಯಾಗಿದೆ, ಅದನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳೋದು ಅತ್ಯವಶ್ಯ. ಅದಕ್ಕೆ ಇವತ್ತು ನಾವು ಕೆಲವು ಟಿಪ್ಸ್ ಕೊಡುತ್ತೇವೆ. ಈ ಟ್ರಿಕ್ಸ್ ಎಷ್ಟು ಲಾಭದಾಯಕವಾಗಿವೆ ಅಂದ್ರೆ, ನಿಮ್ಮ ಅಡುಗೆಮನೆಯಲ್ಲಿ ಉಪ್ಪು ಯಾವತ್ತೂ ಒಣಗಿಯೇ ಇರುತ್ತದೆ.
ಲವಂಗ ಬಳಕೆ: ಲವಂಗಗಳಲ್ಲಿ ತೇವಾಂಶವನ್ನು ಹೀರಿಕೊಳ್ಳುವ ಶಕ್ತಿ ಇದೆ. ಉಪ್ಪಿನ ಡಬ್ಬಿಯಲ್ಲಿ ಕೆಲವು ಲವಂಗ ಹಾಕಿದರೆ, ಅಡುಗೆಮನೆಯ ತೇವದ ಪರಿಣಾಮ ಉಪ್ಪಿಗೆ ಬೀಳುವುದಿಲ್ಲ.
ಅಕ್ಕಿ: ಹಸಿ ಅಕ್ಕಿಯನ್ನು ಸಣ್ಣ ಕಪ್ಪು ಬಟ್ಟೆಯಲ್ಲಿ ಹಾಕಿ ಅದನ್ನು ಕಟ್ಟಿ ಉಪ್ಪಿನಲ್ಲಿ ಇಡಬೇಕು. ಅಕ್ಕಿ ತೇವವನ್ನು ಹೀರಿಕೊಳ್ಳುತ್ತದೆ ಮತ್ತು ಉಪ್ಪು ಒಣವಾಗಿರುತ್ತದೆ.
ಹುರುಳಿ: ಒಣಗಿದ ಹುರುಳಿಯನ್ನು ಸಣ್ಣ ಬಟ್ಟೆಯಲ್ಲಿ ಹಾಕಿ ಉಪ್ಪಿನ ಬಾಕ್ಸಿನಲ್ಲಿ ಇರಿಸಿ. ಇದು ಸಹ ತೇವಾಂಶವನ್ನೆಳೆಯುವ ಮೂಲಕ ಉಪ್ಪನ್ನು ಸುರಕ್ಷಿತವಾಗಿಡುತ್ತದೆ.
ಸಂಗ್ರಹ ಕ್ರಮ: ಉಪ್ಪನ್ನು ಯಾವತ್ತೂ ಒಣ ಸ್ಥಳದಲ್ಲಿ, ಗಾಳಿಯಾಡದ ಗಾಜು ಅಥವಾ ಪ್ಲಾಸ್ಟಿಕ್ ಡಬ್ಬಿಯಲ್ಲಿ ಇಡುವುದು ಉತ್ತಮ. ಒಲೆ ಅಥವಾ ಸಿಂಕ್ ಹತ್ತಿರದ ತೇವ ವಾತಾವರಣದ ಸ್ಥಳದಲ್ಲಿಟ್ಟರೆ ಉಪ್ಪು ನೀರಾಗುತ್ತದೆ.
