ಭಾರತದಲ್ಲಿ ಪ್ರತಿದಿನ ಲಕ್ಷಾಂತರ ಜನರು ರೈಲಿನಲ್ಲಿ ಪ್ರಯಾಣಿಸುತ್ತಾರೆ. ಅವರ ಅನುಕೂಲತೆ, ಭದ್ರತೆ ಮತ್ತು ಆರಾಮಕ್ಕಾಗಿ ಭಾರತೀಯ ರೈಲ್ವೆ ಹಲವು ಮಹತ್ವದ ನಿಯಮಗಳನ್ನು ಜಾರಿಗೊಳಿಸಿದೆ. ವಿಶೇಷವಾಗಿ ರಾತ್ರಿ ವೇಳೆ ಪ್ರಯಾಣಿಸುವವರಿಗೆ ಈ ನಿಯಮಗಳು ಅನುಸರಿಸಲು ಕಡ್ಡಾಯ. ಇಲ್ಲದಿದ್ದರೆ ದಂಡ ಹಾಗೂ ಕಾನೂನು ಕ್ರಮ ಎದುರಾಗಬಹುದು.
ರಾತ್ರಿ ಸಮಯಕ್ಕೆ ಅನ್ವಯಿಸುವ ಪ್ರಮುಖ ನಿಯಮಗಳು
ರೈಲ್ವೆ ಇಲಾಖೆ ಸಂಜೆಯ 10 ಗಂಟೆಯ ನಂತರ ಪ್ರಯಾಣಿಕರು ಶಿಸ್ತುಪಾಲನೆ ಮಾಡಬೇಕು ಎಂದು ನಿಗದಿಪಡಿಸಿದೆ. ಈ ನಿಯಮಗಳು ನಗುವಂತಿದ್ದರೂ ಸಹ ಅನುಸರಿಸುವುದು ಬೇರೆಯವರ ವಿಶ್ರಾಂತಿಗೆ ಸಹಾಯ ಮಾಡುತ್ತದೆ:
ರಾತ್ರಿ 10 ಗಂಟೆಯ ನಂತರ ಟಿಟಿಇ (TTE) ಯಾವುದೇ ಪ್ರಯಾಣಿಕರ ಟಿಕೆಟ್ ಪರಿಶೀಲನೆ ಮಾಡಲು ಬರುವಂತಿಲ್ಲ.
ನೈಟ್ ಲೈಟ್‌ಗಳ ಹೊರತು ಬೇರೆಯ ಎಲ್ಲಾ ದೀಪಗಳನ್ನು ಆರಿಸಲಾಗುತ್ತದೆ.
ಸಂಗೀತ ಅಥವಾ ಜೋರಾಗಿ ಮಾತುಕತೆ ನಿಷೇಧ – ಇಯರ್‌ಫೋನ್ ಇಲ್ಲದೆ ಹಾಡು ಕೇಳುವುದು ಅಥವಾ ಗ್ರೂಪ್ ಚರ್ಚೆಗಳು ನಿಷಿದ್ಧ.
ಮಧ್ಯದ ಬಂಕ್‌ ತೆರೆದರೆ ಕೆಳಗಿನ ಬಂಕ್‌ ಪ್ರಯಾಣಿಕರು ಆಕ್ಷೇಪಿಸಲು ಸಾಧ್ಯವಿಲ್ಲ.
ರಾತ್ರಿ 10 ಗಂಟೆಯ ನಂತರ IRCTC ಆಹಾರ ನೀಡುವುದಿಲ್ಲ. ಆದರೆ ಇ-ಕ್ಯಾಟರಿಂಗ್‌ನಿಂದ ಮುಂಗಡ ಆಹಾರ ಆರ್ಡರ್ ಮಾಡಬಹುದು.
ಲಗೇಜ್ ನಿಯಮಗಳ ಬಗ್ಗೆ ಸಹ ಎಚ್ಚರಿಕೆ ಅವಶ್ಯಕ
ಪ್ರತಿ ದರ್ಜೆಯ ಕೋಚ್‌ಗೆ ತಕ್ಕಮಟ್ಟದಲ್ಲಿ ಉಚಿತ ಲಗೇಜ್ ಮಿತಿ ಇರುತ್ತದೆ:
ಎಸಿ ಕೋಚ್‌: 70 ಕೆಜಿ ಉಚಿತ, ಹೆಚ್ಚಿದರೆ ಶುಲ್ಕ ವಸೂಲಾಗುತ್ತದೆ.
ಸ್ಲೀಪರ್ ಕ್ಲಾಸ್‌: 40 ಕೆಜಿ ಉಚಿತ.
ಎರಡನೇ ಕ್ಲಾಸ್‌: 35 ಕೆಜಿ ಉಚಿತ.
ಹೆಚ್ಚುವರಿ ಸಾಮಾನುಗಳನ್ನೂ ತೆಗೆದುಕೊಂಡು ಹೋಗಬಹುದು, ಆದರೆ ಆಯಾ ಪ್ರಮಾಣದ ಮೇಲೆ ಶುಲ್ಕ ವಿಧಿಸಲಾಗುತ್ತದೆ.
ಈ ನಂಬರ್‌ ಸೇವ್ ಮಾಡಿ
ರೈಲಿನಲ್ಲಿ ಪ್ರಯಾಣಿಸುವಾಗ ತಕ್ಷಣ ನೆರವು ಬೇಕಾದರೆ, ಈ ವಾಟ್ಸ್‌ಅ್ಯಪ್ ನಂಬರ್‌ (9881193322) ಗೆ “HI” ಎಂದು ಮೆಸೇಜ್ ಕಳಿಸಿ. ಬಳಿಕ ಲಭ್ಯವಾಗುವ ಮೆನುಗಳ ಮೂಲಕ ನೀವು:
PNR ಸ್ಟೇಟಸ್ ಪರಿಶೀಲನೆ
ಫುಡ್ ಆರ್ಡರ್
ರೈಲಿನ ಲೈವ್ ಲೋಕಶನ್
ಟಿಕೆಟ್ ರಿಟರ್ನ್
“Rail Madad” ಸೆಕ್ಷನ್ ಮೂಲಕ ದೂರು ಸಲ್ಲಿಸುವ ಅವಕಾಶವಿದೆ. ಇವುಗಳನ್ನು ಬಳಸಿಕೊಂಡು ತಕ್ಷಣ ರೈಲ್ವೆ ಪೊಲೀಸರು ಅಥವಾ ಸಿಬ್ಬಂದಿ ಸಂಪರ್ಕಿಸಬಹುದು.
