ಸಾಮಾಗ್ರಿಗಳು
ಪಾಲಕ್ ಸೊಪ್ಪು – ದೊಡ್ಡ ಗೊಂಚಲು
ಈರುಳ್ಳಿ – ದೊಡ್ಡ ಗಾತ್ರದ ಎರಡು
ಶುಂಠಿ – 1 ಇಂಚು
ಹಸಿ ಮೆಣಸಿನಕಾಯಿ – 2
ಅಜವಾನ – 1 ಟೀಸ್ಪೂನ್
ಧನಿಯಾ ಪುಡಿ – 1 ಟೀಸ್ಪೂನ್
ಉಪ್ಪು – ರುಚಿಗೆ ತಕ್ಕಷ್ಟು
ಅರಿಶಿನ – ಒಂದು ಚಿಟಿಕೆ
ಖಾರದ ಪುಡಿ – 1 ಟೀಸ್ಪೂನ್
ಅಕ್ಕಿ ಹಿಟ್ಟು – ಕಾಲು ಕಪ್
ಕಡಲೆ ಹಿಟ್ಟು – 1 ಕಪ್
ಬಿಸಿ ಎಣ್ಣೆ – ಡೀಪ್ ಫ್ರೈ ಮಾಡಲು ಬೇಕಾಗುವಷ್ಟು”
ಮಾಡುವ ವಿಧಾನ
ಮೊದಲು ಪಾಲಕ್ ಕಟ್ ಮಾಡಬೇಕಾಗುತ್ತದೆ. ಪಕೋಡಾ ಮಿಶ್ರಣಕ್ಕೆ ಅಗಲವಾದ ಪಾಲಕ್ ಎಲೆಗಳು ಹಾಗೆ ಇರಬೇಕಾಗುತ್ತದೆ. ಒಂದು ಪಾತ್ರೆಯಲ್ಲಿ ಕಟ್ ಮಾಡಿ ಪಾಲಕ್ ಎಲೆಗಳ ಜೊತೆಗೆ ಸಣ್ಣಗೆ ಹೆಚ್ಚಿದ ಈರುಳ್ಳಿ ಪೀಸ್ಗಳು, ಶುಂಠಿ, ಹಸಿ ಮೆಣಸಿನಕಾಯಿ, ಜೀರಿಗೆ, ಧನಿಯಾ ಪುಡಿ, ಉಪ್ಪು, ಅರಿಶಿನ, ಖಾರದ ಪುಡಿ, ಅಜವಾನ, ಅಕ್ಕಿ ಹಿಟ್ಟು ಮತ್ತು ಕಡಲೆಬೇಳೆ ಹಿಟ್ಟು ಸೇರಿಸಿ ಎಲ್ಲವನ್ನೂ ಒಮ್ಮೆ ಚೆನ್ನಾಗಿ ಮಿಶ್ರಣ ಮಾಡಬೇಕಾಗುತ್ತದೆ.
ನಂತರ ಹಿಟ್ಟಿನ ಮಿಶ್ರಣಕ್ಕೆ ಎರಡು ಟೀಸ್ಪೂನ್ ಎಣ್ಣೆಯನ್ನು ಹಾಕಿ. ಈ ಹಿಟ್ಟಿನ ಮಿಶ್ರಣವನ್ನು ಚಮಚದೊಂದಿಗೆ ಸರಿಯಾಗಿ ಕಲಸಿಕೊಳ್ಳಿ. ಒಲೆ ಆನ್ ಮಾಡಿ ಕಡಾಯಿ ಇಟ್ಟು, ಅದರೊಳಗೆ ಡೀಪ್ ಫ್ರೈ ಮಾಡಲು ಬೇಕಾಗುವಷ್ಟು ಎಣ್ಣೆ ಹಾಕಿಕೊಂಡು ಬಿಸಿ ಮಾಡಬೇಕಾಗುತ್ತದೆ. ಎಣ್ಣೆ ಚೆನ್ನಾಗಿ ಬಿಸಿಯಾದ ಬಳಿಕ ಅದರೊಳಗೆ ಪಾಲಕ್ ಪಕೋಡಾಗಳನ್ನು ಒಂದೊಂದಾಗಿ ಬಿಡಬೇಕಾಗುತ್ತದೆ. ಗೋಲ್ಡನ್‌ ಬ್ರೌನ್ ಆಗುವವರೆಗೂ ಕರಿದರೆ ಪಾಲಕ್ ಪಕೋಡಾ ರೆಡಿ
