ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಟಾಲಿವುಡ್‌ನ ಬಹು ನಿರೀಕ್ಷಿತ ಸೈಕಾಲಜಿಕಲ್ ಥ್ರಿಲ್ಲರ್ ಚಿತ್ರ ಕಲಿಯುಗಂ ಈಗ ಓಟಿಟಿಯಲ್ಲಿ ಸ್ಟ್ರೀಮಿಂಗ್ ಆಗಲಿದೆ. ‘ಯು ಟರ್ನ್’ ಖ್ಯಾತಿಯ ನಟಿ ಶ್ರದ್ಧಾ ಶ್ರೀನಾಥ್ ಹಾಗೂ ‘ಕಾಂತಾರ’ ಚಿತ್ರದ ಮೂಲಕ ಗಮನ ಸೆಳೆದಿರುವ ನಟ ಕಿಶೋರ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿರುವ ಈ ಸಿನಿಮಾ, ಮೇ 9ರಂದು ತೆಲುಗು ಮತ್ತು ತಮಿಳು ಭಾಷೆಗಳಲ್ಲಿ ರಿಲೀಸ್ ಆಗಿತ್ತು.
ಈಗ ಕೇವಲ ಮೂರು ತಿಂಗಳಲ್ಲಿಯೇ ಈ ಚಿತ್ರ ಓಟಿಟಿ ಪ್ಲಾಟ್‌ಫಾರ್ಮ್ ಸನ್‌ನೆಕ್ಸ್ಟ್‌ನಲ್ಲಿ ಜುಲೈ 11ರಿಂದ ಸ್ಟ್ರೀಮಿಂಗ್ ಆಗುತ್ತಿದೆ. ಡೈರೆಕ್ಟರ್ ಪ್ರಮೋದ್ ಸುಂದರ್ ಅವರ ನಿರ್ದೇಶನದ ಮೊದಲ ಸಿನಿಮಾ ಇದಾಗಿದ್ದು, ಭಿನ್ನವಾದ ಕಥಾವಸ್ತುವು ಹಾಗೂ ಮನೋವಿಜ್ಞಾನದ ಥ್ರಿಲ್ಲಿಂಗ್ ಎಲಿಮೆಂಟ್ಸ್‌ ಈ ಚಿತ್ರಕ್ಕೆ ವಿಶೇಷತೆ ನೀಡಿವೆ.
ಚಿತ್ರದಲ್ಲಿ ಶ್ರದ್ಧಾ ಶ್ರೀನಾಥ್ ಅವರು ‘ಪರಿ’ ಹಾಗೂ ‘ಭೂಮಿ’ ಎಂಬ ಡ್ಯುಯಲ್ ಪಾತ್ರಗಳಲ್ಲಿ ಕಾಣಿಸಿಕೊಂಡರೆ, ನಟ ಕಿಶೋರ್ ಕೂಡ ‘ಶಕ್ತಿ’ ಮತ್ತು ‘ಸ್ಕೆಚ್’ ಎಂಬ ಎರಡು ವಿಭಿನ್ನ ಪಾತ್ರಗಳನ್ನೇ ನಿರ್ವಹಿಸಿದ್ದಾರೆ. ಡಾನ್ ವಿನ್ನ್ಸೆಂಟ್ ಸಂಗೀತ ನೀಡಿರುವ ಈ ಚಿತ್ರ, ಪ್ರೇಕ್ಷಕರಿಗೆ ಸೂಸಿರು ಹಿಡಿದಿಟ್ಟುಕೊಳ್ಳುವ ಥ್ರಿಲ್ಲಿಂಗ್ ಅನುಭವವನ್ನೇ ನೀಡಲಿದೆ.
ಸಂಕ್ಷಿಪ್ತವಾಗಿ ಹೇಳಬೇಕಾದರೆ, ಈ ಸಿನಿಮಾ ಥಿಯೇಟರ್‌ನಲ್ಲಿ ಮಿಸ್ ಮಾಡಿದವರು ಮನೆಯಲ್ಲಿಯೇ ಆರಾಮವಾಗಿ ಕುಳಿತುಕೊಂಡು ಈ ಮೂವಿಯನ್ನು ಈಗ ಸನ್‌ನೆಕ್ಸ್ಟ್‌ನಲ್ಲಿ ಎಂಜಾಯ್ ಮಾಡಬಹುದು.
