ವಿವಾಹಿತ ಜೀವನದಲ್ಲಿ ಗಂಡ-ಹೆಂಡತಿಯ ನಡುವಿನ ಬಾಂಧವ್ಯವು ಅವಿರತ ಪ್ರೀತಿ, ಸಹನೆ ಮತ್ತು ನಂಬಿಕೆಯಲ್ಲಿ ನಿಂತಿರಬೇಕು. ಕೆಲವೊಮ್ಮೆ ಹೆಂಡತಿ ಯಾವುದೇ ಕಾರಣವಿಲ್ಲದೆಯೇ ಕೋಪಗೊಂಡು ಮಾತನಾಡದೆ ಇರುವ ಸಂದರ್ಭಗಳು ಬರುತ್ತವೆ. ಇಂಥ ಸಂದರ್ಭಗಳಲ್ಲಿ ಗಂಡನು ತಾಳ್ಮೆಯಿಂದ ವರ್ತಿಸಿ, ಸಂಬಂಧವನ್ನು ಪುನಃ ನವೀಕರಿಸಬೇಕು.
ಶಾಂತವಾಗಿ ಆಲಿಸಿ
ಹೆಂಡತಿಗೆ ಕೋಪವಿರುವಾಗ, ತಕ್ಷಣ ತರ್ಕ ಅಥವಾ ವಿವರಣೆ ನೀಡುವುದರಿಂದ ಪರಿಸ್ಥಿತಿ ಮತ್ತಷ್ಟು ಗಂಭೀರವಾಗಬಹುದು. ಬದಲಿಗೆ ಅವಳ ಮಾತುಗಳನ್ನು ತಾಳ್ಮೆಯಿಂದ ಕೇಳಿ. ಇದರಿಂದ ನೀವು ಅವಳ ಭಾವನೆಗಳಿಗೆ ಮಾನ್ಯತೆ ನೀಡುತ್ತಿದ್ದೀರಿ ಎಂಬ ಸೂಚನೆ ದೊರೆಯುತ್ತದೆ.
ಮನದಾಳದಿಂದ ಕ್ಷಮೆ ಕೇಳಿ
ತಪ್ಪು ನಿಮ್ಮದೇ ಆಗಿರದಿದ್ದರೂ, ನಿಮ್ಮ ಮಾತು ಅಥವಾ ವರ್ತನೆ ಅವಳನ್ನು ನೋಯಿಸಿದ್ದರೆ, ಕ್ಷಮೆ ಕೇಳಿ. ಇದು ಸಂಬಂಧವನ್ನು ಉಳಿಸಿಕೊಳ್ಳುವ ಪ್ರೀತಿಯ ಸೂಚನೆ. ಕ್ಷಮೆಯ ಮಾತು ದೌರ್ಬಲ್ಯವಲ್ಲ, ಬದಲಿಗೆ ಬಾಂಧವ್ಯವನ್ನು ಬಲಪಡಿಸುವ ಶಕ್ತಿಯಾಗಿದೆ.
ಸ್ವಲ್ಪ ಸ್ಪೇಸ್ ನೀಡಿ
ಆಕೆಗೆ ಯೋಚನೆ ಮಾಡಲು ಅವಕಾಶ ನೀಡಿ. ಕೆಲವೊಮ್ಮೆ ಒಂಟಿತನವು ಭಾವನೆಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ನೀವು ಸ್ವಲ್ಪ ಕಾಲ ಒಬ್ಬಂಟಿಯಾಗಿ ಬಿಡುವುದು, ಬಳಿಕ ಶಾಂತ ಮನಸ್ಥಿತಿಯಲ್ಲಿ ಮಾತನಾಡಲು ಅವಕಾಶ ಸೃಷ್ಟಿಸುತ್ತದೆ.
ಸಣ್ಣ ಉಡುಗೊರೆ ನೀಡಿ
ಅವಳಿಗೆ ಇಷ್ಟವಿರುವ ಒಂದು ಹೂವು, ಸಿಹಿ ಅಥವಾ ಒಂದು ಕಿರು ಉಡುಗೊರೆ – ಇವೆಲ್ಲವೂ ಅವಳ ಮನಸ್ಸನ್ನು ಸಂತೈಸಬಹುದು. ಈ ಸಣ್ಣ ಅಚ್ಚರಿಗಳು “ನಾನು ನಿನ್ನ ಬಗ್ಗೆ ಕಾಳಜಿ ವಹಿಸುತ್ತಿದ್ದೇನೆ” ಎಂಬ ಸಂದೇಶವನ್ನು ನೀಡುತ್ತವೆ.
ನಿಜವಾದ ಭಾವನೆಗಳನ್ನು ಹಂಚಿಕೊಳ್ಳಿ
ಅವಳಿಗೆ ನೀವು ಎಷ್ಟು ಪ್ರೀತಿಸುತ್ತೀರಿ, ನಿಮ್ಮ ಜೀವನದಲ್ಲಿ ಅವಳ ಸ್ಥಾನ ಎಷ್ಟು ಮಹತ್ವಪೂರ್ಣ ಎಂಬುದನ್ನು ಸ್ಪಷ್ಟವಾಗಿ ಹೇಳಿ. ಪ್ರಾಮಾಣಿಕ ಭಾವನೆಗಳು ಯಾವ ಜಗಳವನ್ನಾದರೂ ಸರಿಪಡಿಸಬಲ್ಲವು.
ಜಗಳಗಳು ಬಂದಾಗ ಅದು ಸಂಬಂಧದ ಅಂತ್ಯವಲ್ಲ, ಬದಲಿಗೆ ಹೊಸ ಬದಲಾಗುವಿಕೆಯ ಪ್ರಾರಂಭ. ಈ ಮಾರ್ಗಗಳು ನಿಜವಾದ ಪ್ರೀತಿಯಂತೆ ಸರಳವಾಗಿದ್ದು, ಜೀವನ ಸಂಗಾತಿಯೊಂದಿಗೆ ಸದೃಢ ಸಂಬಂಧವನ್ನು ಕಟ್ಟಲು ನೆರವಾಗುತ್ತವೆ. ನಿಮ್ಮ ಹೆಂಡತಿಯ ಹೃದಯವನ್ನು ಗೆಲ್ಲೋಕೆ ಇದೇ ಅತ್ಯುತ್ತಮ ಮಾರ್ಗ.
