ಮನುಷ್ಯನ ದೇಹದಲ್ಲಿ ವಯಸ್ಸು ಹೆಚ್ಚಾದಂತೆ, ಅದರ ಪರಿಣಾಮಗಳು ಚರ್ಮದಲ್ಲಿ ಸ್ಪಷ್ಟವಾಗಿ ಕಾಣಿಸಿಕೊಳ್ಳುತ್ತವೆ. 40ರ ನಂತರ ಚರ್ಮದಲ್ಲಿ ಸುಕ್ಕುಗಳು, ಮೃದುವಾದ ರೇಖೆಗಳು ಹಾಗೂ ಉಜ್ವಲತೆಯ ಕೊರತೆ ಕಾಣಿಸಿಕೊಳ್ಳುವುದು ಸಾಮಾನ್ಯ. ಈ ಸ್ಥಿತಿಯನ್ನು ಕಡಿಮೆ ಮಾಡುವುದು ಕೇವಲ ಹೊರಗಿನಿಂದ ಮಾತ್ರವಲ್ಲ, ಆಹಾರ ಶೈಲಿಯಲ್ಲಿ ಬದಲಾವಣೆ ಮಾಡುವುದು ಬಹುಮುಖ್ಯ. ಹೀಗಾಗಿ ಈ 5 ಆ್ಯಂಟಿ ಏಜಿಂಗ್ ಆಹಾರಗಳನ್ನು ನಿಮ್ಮ ದೈನಂದಿನ ಆಹಾರದಲ್ಲಿ ಸೇರಿಸಿ.
ಪಪ್ಪಾಯಿ – ಚರ್ಮದ ಸ್ಥಿತಿಸ್ಥಾಪಕತೆ ಮತ್ತು ಹೊಳೆಯಲು ಸಹಾಯ ಮಾಡುತ್ತದೆ:
ಪಪ್ಪಾಯಿಯಲ್ಲಿ ವಿಟಮಿನ್ ಎ, ಸಿ ಮತ್ತು ಇ ಹೆಚ್ಚಿದ್ದು, ಚರ್ಮದ elasticity ಉಳಿಸಲು ಸಹಾಯ ಮಾಡುತ್ತದೆ. ಇದರಲ್ಲಿರುವ ಪೆಪೈನ್ ಎಂಬ ಎಂಜೈಮ್ ಚರ್ಮದ ಮೇಲಿನ ಮೃತಕೋಶಗಳನ್ನು ತೆಗೆದುಹಾಕಿ ಹೊಸ ಚರ್ಮವನ್ನು ಉಂಟುಮಾಡಲು ಸಹಕಾರಿಯಾಗುತ್ತದೆ. ದಿನವೂ ಬೆಳಗಿನ ಉಪಾಹಾರದಲ್ಲಿ ಪಪ್ಪಾಯಿ ಸೇವಿಸಿದರೆ, ಚರ್ಮದ ಜೋತಿ ಉಳಿಯುತ್ತದೆ.
ಬೆರಿಹಣ್ಣುಗಳು – ಶಕ್ತಿ ತುಂಬಿದ ಆಂಟಿಆಕ್ಸಿಡೆಂಟ್‌ಗಳ ತಾಣ:
ಸ್ಟ್ರಾಬೆರಿ, ಬ್ಲೂಬೆರಿ, ರಾಸ್ಪ್ಬೆರಿ ಮೊದಲಾದ ಬೆರಿಹಣ್ಣುಗಳಲ್ಲಿ ಆಂಥೋಸಯಾನಿನ್, ವಿಟಮಿನ್ ಸಿ ಮತ್ತು ಇ ಇರುತ್ತದೆ. ಈ ಫಲಗಳು ಚರ್ಮವನ್ನು ಸೂರ್ಯನ ಕಿರಣಗಳು ಹಾಗೂ ಮಾಲಿನ್ಯದಿಂದ ರಕ್ಷಿಸಿ, ಆಂಟಿಏಜಿಂಗ್ ಪರಿಣಾಮವನ್ನು ತಡೆಯುತ್ತವೆ.
ಬ್ರೊಕೊಲಿ – ಕಾಲಜನ್ ಹೆಚ್ಚಿಸಲು ಪ್ರಮುಖ:
ಬ್ರೊಕೊಲಿ ಒಂದೇ ಸಮಯದಲ್ಲಿ ವಿಟಮಿನ್ ಸಿ, ಕೇ, ಫೈಬರ್ ಹಾಗೂ ಆಂಟಿಆಕ್ಸಿಡೆಂಟ್‌ಗಳಿಂದ ಕೂಡಿದೆ. ಈ ತರಕಾರಿಯು ದೇಹದಲ್ಲಿ ಕಾಲಜನ್ ಉತ್ಪಾದನೆಗೆ ಪ್ರೇರಣೆ ನೀಡುತ್ತದೆ, ಇದು ಚರ್ಮದ ಗಟ್ಟಿತನವನ್ನು ಉಳಿಸಲು ಬಹುಪಾಲು ಪಾತ್ರವಹಿಸುತ್ತದೆ.
ಪಾಲಕ್ ಸೊಪ್ಪು – ಚರ್ಮಕ್ಕೂ ಕೂದಲಿಗೂ ಉತ್ತಮ ಆಹಾರ:
ಪಾಲಕ್ ಸೊಪ್ಪಿನಲ್ಲಿ ವಿಟಮಿನ್ ಎ, ಸಿ, ಕೆ, ಮತ್ತು ಐರನ್ ಹಾಗೂ ಮೆಗ್ನೆಶಿಯಂ ಇರುತ್ತದೆ. ಇದು ಚರ್ಮವನ್ನು ತೇವವಾಗಿ, ಮೃದುವಾಗಿ ಕಾಯ್ದುಕೊಳ್ಳುತ್ತೆ. ಜೊತೆಗೆ ಕೂದಲು ಸ್ಟ್ರಾಂಗ್ ಆಗಿರಲು ಸಹಾಯ ಮಾಡುತ್ತದೆ.
ಬಾದಾಮಿ – ವಿಟಮಿನ್ ಇಯ ಶ್ರೇಷ್ಠ ಮೂಲ:
ಪ್ರತಿದಿನ 4-5 ಬಾದಾಮಿ ತಿನ್ನುವುದರಿಂದ ವಿಟಮಿನ್ ಇ ಲಭ್ಯವಾಗುತ್ತದೆ. ಇದು ಚರ್ಮವನ್ನು ತೇವಗೊಳಿಸಲು, ಸೌಂದರ್ಯವನ್ನು ಉಳಿಸಿಕೊಳ್ಳಲು, ಹಾಗೂ ಸೂರ್ಯನ ಕಿರಣಗಳಿಂದ ರಕ್ಷಿಸಲು ಸಹಾಯ ಮಾಡುತ್ತದೆ.
ಈ ಆಹಾರಗಳ ಸೇವನೆ ದೈನಂದಿನ ಜೀವನಶೈಲಿಯಲ್ಲಿ ಕೇವಲ ಆರೋಗ್ಯವಂತರಾಗಿ ಇರಲು ಮಾತ್ರವಲ್ಲದೆ, ಯವ್ವನದಿಂದ ಕೂಡಿರುವ ಚರ್ಮವನ್ನು ಪಡೆಯಲು ಸಹ ಸಹಕಾರಿಯಾಗುತ್ತದೆ. ಹೊರಗಿನ ಕ್ರೀಮ್‌ಗಿಂತ ಒಳಗಿನ ಆಹಾರ ಕ್ರಮ ಹೆಚ್ಚು ಪರಿಣಾಮಕಾರಿಯಾಗಿದೆ ಎಂಬುದನ್ನು ಮರೆಯಬೇಡಿ.(Disclaimer: ಈ ಲೇಖನವು ಸಾರ್ವಜನಿಕ ಮೂಲಗಳಿಂದ ಸಂಗ್ರಹಿಸಿದ ಮಾಹಿತಿಯಾಧಾರಿತವಾಗಿದೆ.)
