ಮನೆಗೆಲಸದ ಒತ್ತಡ, ವೃದ್ಧಾಪ್ಯ ಮತ್ತು ಜೀವನಶೈಲಿಯಿಂದಾಗಿ ಬಹುತೆಕ ಮಹಿಳೆಯರು ಶಾರೀರಿಕ ಹಾಗೂ ಮಾನಸಿಕ ಆರೋಗ್ಯ ಸಮಸ್ಯೆಗಳನ್ನು ಅನುಭವಿಸುತ್ತಿದ್ದಾರೆ. ತಜ್ಞರ ಅಭಿಪ್ರಾಯದಂತೆ, ಸಮಯದಲ್ಲಿಯೇ ಮುನ್ನೆಚ್ಚರಿಕಾ ಕ್ರಮಗಳನ್ನು ತೆಗೆದುಕೊಂಡರೆ ಬಹುಮಟ್ಟಿಗೆ ಈ ಸಮಸ್ಯೆಗಳನ್ನು ತಡೆಯಬಹುದು.
ಪೌಷ್ಟಿಕತೆ ಸಮತೋಲನದ ಆಹಾರ:
ದೈನಂದಿನ ಆಹಾರದಲ್ಲಿ ವಿಟಮಿನ್‌ಗಳು, ಖನಿಜಗಳು ಮತ್ತು ಪ್ರೋಟೀನ್ ಇರುವ ಆಹಾರಗಳನ್ನು ಒಳಗೊಂಡಿರಲಿ. ಮೊಸರು, ಸೋಯಾಬೀನ್, ಬೀನ್ಸ್, ಬೆಳ್ಳುಳ್ಳಿ, ಈರುಳ್ಳಿ, ಮತ್ತು ಹಣ್ಣುಗಳ ಸೇವನೆ ಉತ್ತಮ. ವಿಟಮಿನ್ ಡಿ, ಕ್ಯಾಲ್ಸಿಯಂ, ಮತ್ತು ಒಮೆಗಾ-3 ಯುಕ್ತ ಆಹಾರಗಳು ಮಹಿಳೆಯರ ದೇಹಕ್ಕೆ ಬಹುಪಾಲು ಬಲ ನೀಡುತ್ತವೆ.
ಸೂಪರ್ ಫುಡ್ಸ್ ಮತ್ತು ಪ್ರೋಬಯಾಟಿಕ್‌ಗಳು:
ಬಾಳೆಹಣ್ಣು, ಓಟ್ಸ್, ಅಗಸೆಬೀಜ, ಪಿಸ್ತಾ ಮುಂತಾದ ಆಹಾರಗಳು ಉತ್ತಮ ಕೊಬ್ಬನ್ನು ಒದಗಿಸುತ್ತವೆ. ಮೊಸರು, ಕಡಲೆ, ಲೈಕೋಪೀನ್‌ ಯುಕ್ತ ಟೊಮೆಟೋಗಳು ಕ್ಯಾನ್ಸರ್ ಮುಂತಾದ ರೋಗಗಳನ್ನು ತಡೆಯುವಲ್ಲಿ ಸಹಕಾರಿ.
40 ವರ್ಷದ ನಂತರ ವಿಶೇಷ ಕಾಳಜಿ:
40 ವರ್ಷ ಮೀರುವ ಮಹಿಳೆಯರು ತಕ್ಕ ಪೌಷ್ಟಿಕ ಆಹಾರ ಸೇವಿಸಬೇಕು, ನಿಯಮಿತ ನಿದ್ರೆ, ಹಾಗೂ ವ್ಯಾಯಾಮವನ್ನೂ ಪಾಲಿಸಬೇಕು. ಈ ಸಮಯದಲ್ಲಿ ಬಿಪಿ, ಶುಗರ್, ಥೈರಾಯ್ಡ್ ಸಮಸ್ಯೆಗಳ ಸಾಧ್ಯತೆ ಹೆಚ್ಚಿರುತ್ತದೆ.
ಸಂತಾನೋತ್ಪತ್ತಿಯ ನಂತರದ ಆರೈಕೆ:
ಮಕ್ಕಳ ಜನನದ ನಂತರ ದೇಹದಲ್ಲಿ ಬದಲಾವಣೆಗಳು ಸಂಭವಿಸುತ್ತವೆ. ತೂಕ ಹೆಚ್ಚಳದಿಂದ ಹಲವಾರು ಕಾಯಿಲೆಗಳ ಸಂಭವವಿರುತ್ತದೆ. ಸರಿಯಾದ ಆಹಾರ ಮತ್ತು ಶಾರೀರಿಕ ಚಟುವಟಿಕೆಗಳಿಂದ ದೀರ್ಘಕಾಲ ಆರೋಗ್ಯ ಕಾಪಾಡಿಕೊಳ್ಳಬಹುದು.
ಆರೋಗ್ಯಕರ ಆಹಾರ ಮತ್ತು ಸರಿಯಾದ ಜೀವನಶೈಲಿಯಿಂದ ಮಹಿಳೆಯರು ತಮ್ಮ ದೈನಂದಿನ ಆರೋಗ್ಯ ಸಮಸ್ಯೆಗಳನ್ನು ಕಡಿಮೆ ಮಾಡಬಹುದು. ಮುನ್ನೆಚ್ಚರಿಕೆಯೇ ಆರೋಗ್ಯವಂತ ದಿನಚರಿಯ ಕೀಲಿ.
