ಬೇಕಾಗುವ ಪದಾರ್ಥಗಳು:
* ಸ್ವಲ್ಪ ಪೈನಾಪಲ್ ತುಂಡುಗಳು
* 1 ಕಪ್ ಹಾಲು
* 2 ಚಮಚ ಸಕ್ಕರೆ
* 1 ಚಮಚ ಕಾರ್ನ್‌ಫ್ಲೋರ್
* ಸ್ವಲ್ಪ ವೆನಿಲ್ಲಾ ಎಸೆನ್ಸ್
* ಸ್ವಲ್ಪ ಬಿಸ್ಕತ್ತು (ಕ್ರಷ್ ಮಾಡಿದ್ದು)
* ಸ್ವಲ್ಪ ಒಣ ಹಣ್ಣುಗಳು (ಬಾದಾಮಿ, ಗೋಡಂಬಿ)
ತಯಾರಿಸುವ ವಿಧಾನ:
ಒಂದು ಪಾತ್ರೆಯಲ್ಲಿ ಹಾಲಿಗೆ ಕಾರ್ನ್‌ಫ್ಲೋರ್ ಮತ್ತು ಸಕ್ಕರೆ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ. ಇದನ್ನು ಕಡಿಮೆ ಉರಿಯಲ್ಲಿ ಬಿಸಿ ಮಾಡಿ, ನಿರಂತರವಾಗಿ ಕೈಯಾಡಿಸುತ್ತಾ ದಪ್ಪಗಾಗಲು ಬಿಡಿ. ಮಿಶ್ರಣ ದಪ್ಪವಾದ ನಂತರ ಗ್ಯಾಸ್ ಆಫ್ ಮಾಡಿ, ವೆನಿಲ್ಲಾ ಎಸೆನ್ಸ್ ಸೇರಿಸಿ. ಮಿಶ್ರಣ ತಣ್ಣಗಾದ ಮೇಲೆ ಅದಕ್ಕೆ ಸಣ್ಣಗೆ ಕತ್ತರಿಸಿದ ಪೈನಾಪಲ್ ತುಂಡುಗಳನ್ನು ಸೇರಿಸಿ. ಒಂದು ಪುಡ್ಡಿಂಗ್ ಬೌಲ್ ಅಥವಾ ಗ್ಲಾಸ್ ತೆಗೆದುಕೊಂಡು ಅದರ ಕೆಳಗೆ ಸ್ವಲ್ಪ ಕ್ರಷ್ ಮಾಡಿದ ಬಿಸ್ಕತ್ತು ಹಾಕಿ. ಅದರ ಮೇಲೆ ಪೈನಾಪಲ್ ಪುಡ್ಡಿಂಗ್ ಮಿಶ್ರಣವನ್ನು ಹಾಕಿ. ಅಂತಿಮವಾಗಿ ಅದರ ಮೇಲೆ ಮತ್ತೆ ಸ್ವಲ್ಪ ಕ್ರಷ್ ಮಾಡಿದ ಬಿಸ್ಕತ್ತು ಮತ್ತು ಒಣ ಹಣ್ಣುಗಳನ್ನು ಹಾಕಿ ಅಲಂಕರಿಸಿ. ಇದನ್ನು 2-3 ಗಂಟೆಗಳ ಕಾಲ ಫ್ರಿಡ್ಜ್‌ನಲ್ಲಿಟ್ಟು ನಂತರ ತಣ್ಣಗೆ ಸವಿಯಿರಿ.
