ಹೋಳಿ ಹಬ್ಬ ಅಂದರೆ ಬಣ್ಣಗಳ ಸಂಭ್ರಮ. ಆದರೆ ಮಾರುಕಟ್ಟೆಯಲ್ಲಿ ಸಿಗುವ ರಾಸಾಯನಿಕ ಬಣ್ಣಗಳು ಚರ್ಮ ಹಾಗೂ ಕಣ್ಣುಗಳಿಗೆ ಹಾನಿ ಉಂಟುಮಾಡಬಹುದು. ಅದಕ್ಕಾಗಿಯೇ ಈ ಬಾರಿ ನೈಸರ್ಗಿಕ ಬಣ್ಣಗಳನ್ನು ಮನೆದಲ್ಲೇ ತಯಾರಿಸುವುದು ಉತ್ತಮ ಆಯ್ಕೆ. ಸುಲಭವಾಗಿ ಸಿಗುವ ಸಾಮಗ್ರಿಗಳಿಂದ ಸುರಕ್ಷಿತ ಬಣ್ಣಗಳನ್ನು ಮಾಡಬಹುದು.
ಹಳದಿ ಬಣ್ಣ:
ಅರಿಶಿನ ಪುಡಿಯನ್ನು ಕಡಲೆ ಹಿಟ್ಟು ಅಥವಾ ಅಕ್ಕಿ ಹಿಟ್ಟಿನೊಂದಿಗೆ ಮಿಶ್ರಣ ಮಾಡಿದರೆ ಮೃದುವಾದ ಹಳದಿ ಬಣ್ಣ ಸಿದ್ಧವಾಗುತ್ತದೆ. ಇದು ಚರ್ಮಕ್ಕೆ ಹಾನಿಯಿಲ್ಲ.
ಗುಲಾಬಿ/ಕೆಂಪು ಬಣ್ಣ:
ಬೀಟ್ರೂಟ್ ತುಂಡುಗಳನ್ನು ನೀರಿನಲ್ಲಿ ಕುದಿಸಿ ಆ ನೀರನ್ನು ತಣ್ಣಗಾಗಲು ಬಿಡಿ. ಇದರಿಂದ ನೈಸರ್ಗಿಕ ಗುಲಾಬಿ ಬಣ್ಣ ಸಿಗುತ್ತದೆ. ಒಣಗಿಸಿ ಪುಡಿ ಮಾಡಿದರೆ ಒಣ ಬಣ್ಣವೂ ತಯಾರಿಸಬಹುದು.
ಇದನ್ನೂ ಓದಿ:
ಹಸಿರು ಬಣ್ಣ:
ಪಾಲಕ್ ಅಥವಾ ಕೊತ್ತಂಬರಿ ಎಲೆಗಳನ್ನು ರುಬ್ಬಿ ನೀರಿನಲ್ಲಿ ಮಿಶ್ರಣ ಮಾಡಿದರೆ ಹಸಿರು ಬಣ್ಣ ಸಿಗುತ್ತದೆ. ಒಣಗಿಸಿ ಪುಡಿ ರೂಪದಲ್ಲೂ ಬಳಸಬಹುದು.
ಕಿತ್ತಳೆ ಬಣ್ಣ:
ಚೆಂಡು ಹೂಗಳನ್ನು ಒಣಗಿಸಿ ಪುಡಿ ಮಾಡಿದರೆ ಕಿತ್ತಳೆ ಬಣ್ಣ ಸಿಗುತ್ತದೆ.
ಈ ರೀತಿಯಾಗಿ ತಯಾರಿಸಿದ ನೈಸರ್ಗಿಕ ಬಣ್ಣಗಳು ಪರಿಸರ ಸ್ನೇಹಿ ಹಾಗೂ ಆರೋಗ್ಯಕರ. ಮಕ್ಕಳಿಗೂ ಸುರಕ್ಷಿತ. ಹೋಳಿ ಹಬ್ಬವನ್ನು ಹರ್ಷದಿಂದ ಆಚರಿಸುವಾಗ ಆರೋಗ್ಯದ ಕಡೆಗೂ ಗಮನ ಕೊಡುವುದು ಅಗತ್ಯ.
