ಮೀನು ಅಥವಾ ಚಿಕನ್ ತಿಂದು ತಕ್ಷಣ ಹಾಲು ಕುಡಿಯಬಾರದು ಎಂಬ ಮಾತು ನಿಮ್ಮ ಮನೆಯಲ್ಲಿ ಕೇಳಿರ್ತೀರ. ಹಿರಿಯರು “ಇದು ಆರೋಗ್ಯಕ್ಕೆ ಒಳ್ಳೆಯದಲ್ಲ” ಎಂದು ಎಚ್ಚರಿಸುತ್ತಾರೆ. ಆದರೆ ಇದಕ್ಕೆ ನಿಜವಾದ ಕಾರಣವೇನು ಎಂಬ ಪ್ರಶ್ನೆ ಹಲವರಿಗೂ ಮೂಡುತ್ತದೆ.
ಆಯುರ್ವೇದದ ಪ್ರಕಾರ ಮೀನು ಮತ್ತು ಹಾಲು ಪರಸ್ಪರ ವಿಭಿನ್ನ ಗುಣಗಳಿರುವ ಆಹಾರಗಳು. ಹಾಲು ಶೀತಸ್ವಭಾವದದ್ದು, ಮೀನು–ಮಾಂಸ ಉಷ್ಣಸ್ವಭಾವದದ್ದು ಎಂದು ಪರಿಗಣಿಸಲಾಗುತ್ತದೆ. ಈ ವಿರೋಧಾಭಾಸ ಜೀರ್ಣಕ್ರಿಯೆಯಲ್ಲಿ ತೊಂದರೆ ಉಂಟುಮಾಡಬಹುದು ಎನ್ನಲಾಗಿದೆ.
ಇದನ್ನೂ ಓದಿ:
ವೈಜ್ಞಾನಿಕ ದೃಷ್ಟಿಯಿಂದ ನೋಡಿದರೆ, ಹಾಲು ಮತ್ತು ಪ್ರೋಟೀನ್ ಸಮೃದ್ಧ ಮಾಂಸಾಹಾರವನ್ನು ಒಟ್ಟಿಗೆ ತೆಗೆದುಕೊಂಡಾಗ ಕೆಲವರಿಗೆ ಅಜೀರ್ಣ, ಹೊಟ್ಟೆ ಉಬ್ಬರ ಅಥವಾ ಅಸಹಜತೆ ಕಾಣಿಸಬಹುದು. ವಿಶೇಷವಾಗಿ ಲ್ಯಾಕ್ಟೋಸ್ ಅಸಹಿಷ್ಣುತೆ ಇರುವವರಿಗೆ ಹಾಲು ಕುಡಿಯುವುದರಿಂದಲೇ ಸಮಸ್ಯೆ ಉಂಟಾಗಬಹುದು. ಅದಕ್ಕೆ ಮೀನು ಅಥವಾ ಚಿಕನ್ ಸೇರಿಸಿದರೆ ಜೀರ್ಣಕ್ರಿಯೆ ಇನ್ನಷ್ಟು ಕಷ್ಟವಾಗಬಹುದು.
ಚರ್ಮದ ಸಮಸ್ಯೆಗಳು ಬರುತ್ತವೆ ಎಂಬ ಮಾತಿಗೂ ಸ್ಪಷ್ಟ ವೈಜ್ಞಾನಿಕ ಆಧಾರ ಕಡಿಮೆ. ಆದರೆ ದೇಹದ ಪ್ರತಿಕ್ರಿಯೆ ವ್ಯಕ್ತಿಗತವಾಗಿರುತ್ತದೆ. ಕೆಲವರಿಗೆ ಯಾವುದೇ ತೊಂದರೆ ಕಾಣಿಸದಿದ್ದರೂ, ಕೆಲವರಿಗೆ ಅಸ್ವಸ್ಥತೆ ಉಂಟಾಗಬಹುದು.
ಆದ್ದರಿಂದ ಮೀನು–ಚಿಕನ್ ತಿಂದ ಬಳಿಕ ತಕ್ಷಣ ಹಾಲು ಸೇವಿಸುವುದನ್ನು ತಪ್ಪಿಸುವುದು ಉತ್ತಮ. ಕನಿಷ್ಠ ಎರಡು–ಮೂರು ಗಂಟೆಗಳ ಅಂತರ ಇಟ್ಟುಕೊಂಡರೆ ಜೀರ್ಣಕ್ರಿಯೆಗೆ ಸಹಾಯಕವಾಗುತ್ತದೆ. ಆರೋಗ್ಯದ ವಿಷಯದಲ್ಲಿ ಎಚ್ಚರವೇ ಉತ್ತಮ ಮಾರ್ಗ.
