ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಆಹಾರ ಸುರಕ್ಷತೆ ಕುರಿತು ಮತ್ತೊಮ್ಮೆ ಆತಂಕ ಹುಟ್ಟಿಸುವ ದುರಂತ ಘಟನೆ ಗುಜರಾತ್ನ ಅಹಮದಾಬಾದ್ನಲ್ಲಿ ಬೆಳಕಿಗೆ ಬಂದಿದೆ.
ಚಾಂದ್ಖೇಡಾ ಪ್ರದೇಶದಲ್ಲಿ ರೆಡಿಮೇಡ್ ದೋಸೆ ಹಿಟ್ಟು ಸೇವಿಸಿದ ಬಳಿಕ ಒಂದೇ ಕುಟುಂಬದ ಇಬ್ಬರು ಪುಟ್ಟ ಹೆಣ್ಣುಮಕ್ಕಳು ಮೃತಪಟ್ಟಿದ್ದು, ಪೋಷಕರು ಗಂಭೀರ ಸ್ಥಿತಿಯಲ್ಲಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಈ ಘಟನೆ ಸ್ಥಳೀಯರಲ್ಲಿ ಭಾರೀ ಆತಂಕ ಮತ್ತು ಅನುಮಾನಕ್ಕೆ ಕಾರಣವಾಗಿದೆ.
ಮಾಹಿತಿಯ ಪ್ರಕಾರ, ಕುಟುಂಬವು ಸ್ಥಳೀಯ ಡೈರಿಯಿಂದ ದೋಸೆ ಬ್ಯಾಟರ್ ಖರೀದಿಸಿ ಮನೆಯಲ್ಲಿ ದೋಸೆ ತಯಾರಿಸಿ ಸೇವಿಸಿತ್ತು. ಮರುದಿನ ಬೆಳಗ್ಗಿನಿಂದಲೇ ವಾಂತಿ ಮತ್ತು ಅಸ್ವಸ್ಥತೆ ಕಾಣಿಸಿಕೊಂಡಿದ್ದು, ಎಲ್ಲರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಚಿಕಿತ್ಸೆ ನಡುವೆಯೇ ಮೂರು ತಿಂಗಳ ಮಗು ರಹಾ ಹಾಗೂ ನಾಲ್ಕು ವರ್ಷದ ಅಕ್ಕ ಮಿಶ್ರಿ ಮೃತಪಟ್ಟಿದ್ದಾರೆ. ಪೋಷಕರಾದ ವಿಮಲ್ ಮತ್ತು ಭಾವನಾ ಪ್ರಜಾಪತಿ ಸದ್ಯ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಇದನ್ನೂ ಓದಿ:
ಈ ಪ್ರಕರಣದಲ್ಲಿ ಹಲವು ಅನುಮಾನಗಳು ಮೂಡಿವೆ. ವಿಶೇಷವಾಗಿ ಮೂರು ತಿಂಗಳ ಮಗುವಿಗೆ ಘನ ಆಹಾರ ನೀಡಲಾಗಿರಲಿಲ್ಲ ಎಂಬ ಪ್ರಶ್ನೆ ತನಿಖೆಗೆ ಹೊಸ ತಿರುವು ನೀಡಿದೆ. ತಾಯಿಯ ಆರೋಗ್ಯದ ಪರಿಣಾಮ ಎದೆಹಾಲಿನ ಮೂಲಕ ಸಮಸ್ಯೆ ಉಂಟಾಗಿದೆಯೇ ಎಂಬುದನ್ನೂ ಅಧಿಕಾರಿಗಳು ಪರಿಶೀಲಿಸುತ್ತಿದ್ದಾರೆ.
ಪೊಲೀಸರು ಪ್ರಕರಣವನ್ನು ಅನುಮಾನಾಸ್ಪದ ಸಾವು ಎಂದು ದಾಖಲಿಸಿಕೊಂಡಿದ್ದು, ಆಹಾರ ಮತ್ತು ಔಷಧ ಇಲಾಖೆ ಹಾಗೂ ಫೊರೆನ್ಸಿಕ್ ತಜ್ಞರು ಹಿಟ್ಟು ಮಾದರಿಗಳನ್ನು ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಿದ್ದಾರೆ. ಡೈರಿ ಮಾಲೀಕರು ಆರೋಪಗಳನ್ನು ತಳ್ಳಿಹಾಕಿದ್ದು, ನಿಜವಾದ ಕಾರಣ ವರದಿ ಬಂದ ಬಳಿಕವೇ ಸ್ಪಷ್ಟವಾಗಲಿದೆ.
