ಹೊಸದಿಗಂತ ಡಿಜಿಟಲ್ ಡೆಸ್ಕ್:
ತುಂಗಭದ್ರಾ ಜಲಾಶಯದ ಇತಿಹಾಸದಲ್ಲೇ ಇಂದು ಸುವರ್ಣಾಕ್ಷರಗಳಲ್ಲಿ ಬರೆಯುವ ದಿನ. ಕೊಪ್ಪಳ ಜಿಲ್ಲೆಯ ಮುನಿರಾಬಾದ್ನಲ್ಲಿ ನೂತನ 33 ಸ್ಪಿಲ್ವೇ ಗೇಟುಗಳ ಭವ್ಯ ಲೋಕಾರ್ಪಣೆ ಕಾರ್ಯಕ್ರಮದ ಬೆನ್ನಲ್ಲೇ, ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ತೆಲಂಗಾಣದ ಕೋಟ್ಯಂತರ ರೈತರಿಗೆ ಕೇಂದ್ರ ಸರ್ಕಾರ ಗುಡ್ ನ್ಯೂಸ್ ಒಂದನ್ನು ರವಾನಿಸಿದೆ.
ಪರ್ಯಾಯ ‘ನವಲಿ ಜಲಾಶಯ’ಕ್ಕೆ ಗ್ರೀನ್ ಸಿಗ್ನಲ್!
ತುಂಗಭದ್ರಾ ಜಲಾಶಯದಲ್ಲಿ ದಶಕಗಳಿಂದ ಭಾರೀ ಪ್ರಮಾಣದ ಹೂಳು ತುಂಬಿರುವುದರಿಂದ ನೀರಿನ ಸಂಗ್ರಹಣಾ ಸಾಮರ್ಥ್ಯ ಕುಸಿದಿತ್ತು. ಇದಕ್ಕೆ ಪರ್ಯಾಯವಾಗಿ ಕೊಪ್ಪಳ ಜಿಲ್ಲೆಯ ಕನಕಗಿರಿ ತಾಲೂಕಿನ ನವಲಿ ಬಳಿ ‘ನವಲಿ ಬ್ಯಾಲೆನ್ಸಿಂಗ್ ಜಲಾಶಯ’ ನಿರ್ಮಿಸಬೇಕೆಂಬ ರೈತರ ಹೋರಾಟಕ್ಕೆ ಕೊನೆಗೂ ಜಯ ಸಿಕ್ಕಿದೆ. ಮೂರೂ ರಾಜ್ಯಗಳು ಒಮ್ಮತದಿಂದ ಸಿದ್ಧಪಡಿಸಿರುವ ಪ್ರಸ್ತಾವನೆಗೆ ಕೇಂದ್ರ ಜಲಶಕ್ತಿ ಸಚಿವಾಲಯವು ಅನುಮೋದನೆ ನೀಡಲು ಸಮ್ಮತಿಸಿದೆ.
ಕೇಂದ್ರ ಮತ್ತು ಮೂರು ರಾಜ್ಯಗಳ ಜಂಟಿ ಹೂಡಿಕೆ
ಈ ಬೃಹತ್ ಯೋಜನೆಗೆ ತಗಲುವ ಒಟ್ಟು ವೆಚ್ಚವನ್ನು ಕೇಂದ್ರ ಸರ್ಕಾರ ಮತ್ತು ಮೂರೂ ರಾಜ್ಯಗಳು ಒಟ್ಟಾಗಿ ಹಂಚಿಕೊಳ್ಳಲಿವೆ. ಈ ಯೋಜನೆಯಿಂದಾಗಿ ತುಂಗಭದ್ರಾ ಡ್ಯಾಂನಲ್ಲಿ ಹೂಳಿನಿಂದ ನಷ್ಟವಾಗುತ್ತಿರುವ ಸುಮಾರು 30 ಟಿಎಂಸಿ ನೀರಿನ ಕೊರತೆಯನ್ನು ನವಲಿ ಜಲಾಶಯದಲ್ಲಿ ಸಂಗ್ರಹಿಸಿ, ಕರಾವಳಿ ಮತ್ತು ಬಯಲುಸೀಮೆಯ ರೈತರ ಬೆಳೆಗಳಿಗೆ ಸಕಾಲದಲ್ಲಿ ನೀರು ಹರಿಸಲು ಅನುಕೂಲವಾಗಲಿದೆ.
ಇದನ್ನೂ ಓದಿ:
33 ಹೊಸ ಗೇಟ್ಗಳ ಸುರಕ್ಷತೆ: ಆತಂಕ ದೂರ!
ಕಳೆದ ಬಾರಿ 19ನೇ ಕ್ರೆಸ್ಟ್ ಗೇಟ್ ಕೊಚ್ಚಿಹೋದಾಗ ಮೂರೂ ರಾಜ್ಯಗಳ ರೈತರು ಬೆಳೆ ಒಣಗುವ ಭೀತಿಯಲ್ಲಿದ್ದರು. ಆದರೆ ಈಗ ಜಲಸಂಪನ್ಮೂಲ ಇಲಾಖೆಯು ದಾಖಲೆ ಅವಧಿಯಲ್ಲಿ ಎಲ್ಲಾ 33 ಸ್ಪಿಲ್ವೇ ಗೇಟುಗಳನ್ನು ಯಶಸ್ವಿಯಾಗಿ ಬದಲಾಯಿಸಿ ಲೋಕಾರ್ಪಣೆ ಮಾಡಿರುವುದರಿಂದ ಡ್ಯಾಂನ ಸುರಕ್ಷತೆ ಹೆಚ್ಚಿದೆ. ಇದರ ಜೊತೆಗೆ ಕೇಂದ್ರದ ಈ ಹೊಸ ಪ್ರಕಟಣೆಯು ಅನ್ನದಾತರ ಸಂತಸವನ್ನು ಇಮ್ಮಡಿಗೊಳಿಸಿದೆ.
