ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಮಿಯಾಮಿಯಲ್ಲಿ ನಡೆದ ಫಿಫಾ ವಿಶ್ವಕಪ್ನ ರೋಚಕ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಅರ್ಜೆಂಟೀನಾ ತಂಡ ಕೇಪ್ ವರ್ಡೆ ವಿರುದ್ಧ 3-2 ಗೋಲುಗಳ ಅಂತರದಿಂದ ಜಯಗಳಿಸಿದೆ. ಈ ವಿರೋಚಿತ ಗೆಲುವಿನೊಂದಿಗೆ ಮೆಸ್ಸಿ ಪಡೆ ಟೂರ್ನಿಯ 16ರ ಹಂತಕ್ಕೆ ಅಧಿಕೃತವಾಗಿ ಪ್ರವೇಶಿಸಿದೆ.
ಮೆಸ್ಸಿ ಐತಿಹಾಸಿಕ ಗೋಲು; ಕೇಪ್ ವರ್ಡೆ ತಿರುಗೇಟು
ಪಂದ್ಯದ 29ನೇ ನಿಮಿಷದಲ್ಲೇ ನಾಯಕ ಲಿಯೋನೆಲ್ ಮೆಸ್ಸಿ ಅದ್ಭುತ ಗೋಲು ಬಾರಿಸಿ ಅರ್ಜೆಂಟೀನಾಗೆ ಆರಂಭಿಕ ಮುನ್ನಡೆ ತಂದುಕೊಟ್ಟರು. ಇದು ಮೆಸ್ಸಿ ವೃತ್ತಿಜೀವನದ 20ನೇ ವಿಶ್ವಕಪ್ ಗೋಲು ಎಂಬ ಐತಿಹಾಸಿಕ ದಾಖಲೆಗೆ ಸಾಕ್ಷಿಯಾಯಿತು. ಆದರೆ, ಬಿಗಿ ಆಟ ಪ್ರದರ್ಶಿಸಿದ ಕೇಪ್ ವರ್ಡೆಯ ಡೆರಾಯ್ ಡುವಾರ್ಟೆ ಭರ್ಜರಿ ಗೋಲು ಗಳಿಸಿ 1-1 ರಿಂದ ಸಮಬಲ ಸಾಧಿಸಿದರು.
ಮಾರ್ಟಿನೆಜ್ ಕಮಾಲ್; ಹೈ-ವೋಲ್ಟೇಜ್ ಫೈಟ್
ಬಳಿಕ ಮ್ಯಾಂಚೆಸ್ಟರ್ ಯುನೈಟೆಡ್ ಡಿಫೆಂಡರ್ ಲಿಸಾಂಡ್ರೊ ಮಾರ್ಟಿನೆಜ್ ಅರ್ಜೆಂಟೀನಾ ಪರ ಎರಡನೇ ಗೋಲು ದಾಖಲಿಸಿ ತಂಡಕ್ಕೆ ಮತ್ತೆ ಮುನ್ನಡೆ ನೀಡಿದರು. ಆದಾಗ್ಯೂ, ಪಟ್ಟು ಬಿಡದ ಕೇಪ್ ವರ್ಡೆ (ಬ್ಲೂ ಶಾರ್ಕ್ಸ್) ತಂಡ ಮತ್ತೊಂದು ಗೋಲು ಹೊಡೆದು ಪಂದ್ಯವನ್ನು 2-2 ರಿಂದ ಸಮಬಲಗೊಳಿಸಿ ಟ್ವಿಸ್ಟ್ ನೀಡಿತು.
ಹೆಚ್ಚುವರಿ ಸಮಯದಲ್ಲಿ ಗೆಲುವಿನ ಸಿಕ್ಸರ್!
ಪಂದ್ಯ ಮುಕ್ತಾಯದ ಹೆಚ್ಚುವರಿ ಸಮಯದಲ್ಲಿ ಲಿಯೋನೆಲ್ ಮೆಸ್ಸಿ ನೀಡಿದ ಪಿನ್-ಪಾಯಿಂಟ್ ಪಾಸ್ ಅನ್ನು ಕ್ರಿಸ್ಟಿಯನ್ ರೊಮೆರೊ ಗೋಲಾಗಿ ಪರಿವರ್ತಿಸಲು ಯತ್ನಿಸಿದರು. ಈ ವೇಳೆ ಎದುರಾಳಿ ಆಟಗಾರ ಡೈನಿ ಬೋರ್ಗೆಸ್ ಅವರ ಸ್ವಂತ ಗೋಲಿನ (Own Goal) ನೆರವಿನಿಂದ ಅರ್ಜೆಂಟೀನಾ 3-2 ಮುನ್ನಡೆ ಕಾಯ್ದುಕೊಂಡು ಸ್ಮರಣೀಯ ಗೆಲುವು ದಾಖಲಿಸಿತು.
