ಹಣ್ಣುಗಳನ್ನು ಹೆಚ್ಚಿ ಸ್ವಲ್ಪ ಸಮಯ ಪಕ್ಕಕ್ಕಿಟ್ಟರೆ ಅವು ಕಪ್ಪಾಗುವುದು ನೈಸರ್ಗಿಕ. ಗಾಳಿಯಲ್ಲಿರುವ ಆಕ್ಸಿಜನ್ ಜೊತೆ ಹಣ್ಣುಗಳು ಸಂಪರ್ಕಕ್ಕೆ ಬಂದಾಗ ಈ ಬಣ್ಣ ಬದಲಾವಣೆ ಉಂಟಾಗುತ್ತದೆ. ಆದರೆ ಕೆಲವು ಸರಳ ಗೃಹೋಪಾಯಗಳ ಮೂಲಕ ಇದನ್ನು ತಡೆಯಬಹುದು.
ನಿಂಬೆ ರಸದ ಬಳಕೆ
ಹಣ್ಣುಗಳ ತುಂಡುಗಳಿಗೆ ಕೆಲವು ಹನಿ ನಿಂಬೆ ರಸವನ್ನು ಸವರಿದರೆ ಅಥವಾ ನಿಂಬೆ ಬೆರೆಸಿದ ನೀರಿನಲ್ಲಿ ಅದ್ದಿ ತೆಗೆದರೆ ಅವುಗಳ ಬಣ್ಣ ಮತ್ತು ತಾಜಾತನ ದೀರ್ಘಕಾಲ ಉಳಿಯುತ್ತದೆ. ನಿಂಬೆಯಲ್ಲಿರುವ ವಿಟಮಿನ್ ಸಿ ಆಕ್ಸಿಡೀಕರಣವನ್ನು ತಡೆಯುತ್ತದೆ.
ಉಪ್ಪು ನೀರಿನ ಮ್ಯಾಜಿಕ್
ಒಂದು ಕಪ್ ನೀರಿಗೆ ಕಾಲು ಚಮಚ ಉಪ್ಪು ಬೆರೆಸಿ, ಅದರಲ್ಲಿ ಹೆಚ್ಚಿದ ಹಣ್ಣುಗಳನ್ನು 5 ನಿಮಿಷ ನೆನೆಸಿಡಿ. ನಂತರ ನೀರನ್ನು ಸೋಸಿ ಎತ್ತಿಟ್ಟರೆ ಹಣ್ಣುಗಳು ಕಪ್ಪಾಗುವುದಿಲ್ಲ.
ಜೇನುತುಪ್ಪದ ಮಿಶ್ರಣ
ಎರಡು ಕಪ್ ನೀರಿಗೆ ಎರಡು ಚಮಚ ಜೇನುತುಪ್ಪ ಬೆರೆಸಿ ಹಣ್ಣಿನ ತುಂಡುಗಳನ್ನು ಅದರಲ್ಲಿ ಮುಳುಗಿಸಿ. ಇದು ಹಣ್ಣುಗಳ ರುಚಿಯನ್ನು ಹೆಚ್ಚಿಸುವುದಲ್ಲದೆ, ಅವು ಕಪ್ಪಾಗದಂತೆ ರಕ್ಷಿಸುತ್ತದೆ.
ಏರ್-ಟೈಟ್ ಕಂಟೇನರ್ ಬಳಸಿ
ಹಣ್ಣುಗಳನ್ನು ಹೆಚ್ಚಿದ ತಕ್ಷಣ ಗಾಳಿ ಆಡದ ಪಾತ್ರೆಗಳಲ್ಲಿ ಅಥವಾ ಝಿಪ್-ಲಾಕ್ ಕವರ್ಗಳಲ್ಲಿ ಇಟ್ಟು ಫ್ರಿಡ್ಜ್ನಲ್ಲಿಟ್ಟರೆ ಅವುಗಳ ಬಣ್ಣ ಬದಲಾಗುವುದಿಲ್ಲ.
ಈ ದಿನನಿತ್ಯದ ಸರಳ ಹಂತಗಳನ್ನು ಅನುಸರಿಸುವ ಮೂಲಕ ನಿಮ್ಮ ನೆಚ್ಚಿನ ಹಣ್ಣುಗಳನ್ನು ಸದಾ ತಾಜಾವಾಗಿ ಸವಿಯಬಹುದು!
