ಹಿಂದು ಧರ್ಮದಲ್ಲಿ ಗೋಮಾತೆಗೆ ವಿಶೇಷ ಸ್ಥಾನವಿದೆ. ಶಿವನಿಗೆ ಅತ್ಯಂತ ಪ್ರಿಯವಾದ ಸೋಮವಾರ ಸಂಜೆ ಪೂಜೆ ಮುಗಿದ ನಂತರ ಗೋವಿಗೆ ಆಹಾರ ದಾನ ಮಾಡುವುದರಿಂದ ಸಕಲ ದೋಷಗಳು ನಿವಾರಣೆಯಾಗಿ, ಇಷ್ಟಾರ್ಥಗಳು ಈಡೇರುತ್ತವೆ ಎಂಬ ನಂಬಿಕೆಯಿದೆ.
ಗೋವಿಗೆ ನೀಡುವ ದಾನ ಮತ್ತು ಅದರಿಂದ ಸಿಗುವ ಫಲಗಳು
- ಬೆಲ್ಲ ಮತ್ತು ಗೋಧಿ: ಸೋಮವಾರ ಸಂಜೆ ಗೋವಿಗೆ ಬೆಲ್ಲ ಹಾಗೂ ಗೋಧಿಯನ್ನು ತಿನ್ನಿಸುವುದರಿಂದ ಜಾತಕದಲ್ಲಿರುವ ಚಂದ್ರ ದೋಷ ನಿವಾರಣೆಯಾಗಿ, ಸಮಾಜದಲ್ಲಿ ಗೌರವ ಮತ್ತು ವೃತ್ತಿಜೀವನದಲ್ಲಿ ಯಶಸ್ಸು ಲಭಿಸುತ್ತದೆ.
- ಹಸಿರು ಹುಲ್ಲು: ಹಸುವಿಗೆ ಹಸಿರು ಹುಲ್ಲನ್ನು ನೀಡಿದರೆ ಬುಧ ಗ್ರಹದ ಅನುಗ್ರಹ ದೊರೆತು, ವ್ಯಾಪಾರ-ವಹಿವಾಟಿನಲ್ಲಿ ಬಂಪರ್ ಲಾಭ ಹಾಗೂ ಕುಟುಂಬದಲ್ಲಿ ನೆಮ್ಮದಿ ನೆಲೆಸುತ್ತದೆ.
- ಅಕ್ಕಿ ಮತ್ತು ಸಕ್ಕರೆ: ಸಂಜೆ ಪೂಜೆಯ ಬಳಿಕ ಅಕ್ಕಿ ಅಥವಾ ಸಕ್ಕರೆಯನ್ನು ಗೋವಿಗೆ ನೀಡಿದರೆ ಮನಸ್ಸಿನ ಒತ್ತಡ ಕಡಿಮೆಯಾಗಿ, ಆರ್ಥಿಕ ಸಂಕಷ್ಟಗಳು ತಕ್ಷಣವೇ ದೂರವಾಗುತ್ತವೆ.
- ನೆನೆಸಿದ ಬೇಳೆ: ಕಡಲೆ ಬೇಳೆಯನ್ನು ಗೋಮಾತೆಗೆ ನೀಡಿದರೆ ಗುರು ಗ್ರಹದ ಬಲ ಹೆಚ್ಚಿ, ಮನೆಯಲ್ಲಿ ಸಂತಾನ ಭಾಗ್ಯ ಹಾಗೂ ಶುಭ ಕಾರ್ಯಗಳು ನೆರವೇರುತ್ತವೆ.
ನೆಮ್ಮದಿ ತರುವ ಸರಳ ಪರಿಹಾರ
ಸೋಮವಾರ ಸಂಜೆ ಮನೆಯಲ್ಲಿ ದೀಪಾರಾಧನೆ ಮಾಡಿದ ನಂತರ, ಮೊದಲ ಚಪಾತಿ ಅಥವಾ ರೊಟ್ಟಿಗೆ ಸ್ವಲ್ಪ ಬೆಲ್ಲವಿಟ್ಟು ಗೋವಿಗೆ ನೀಡಿದರೆ 33 ಕೋಟಿ ದೇವತೆಗಳ ಆಶೀರ್ವಾದದೊಂದಿಗೆ ಲಕ್ಷ್ಮೀ ದೇವಿಯ ಕೃಪೆ ಸದಾ ನಿಮ್ಮ ಮೇಲಿರುತ್ತದೆ.
