ಮುಖದ ಆರೈಕೆ ಮಹಿಳೆಯರಿಗೆ ಮಾತ್ರ ಎಂಬ ಕಲ್ಪನೆ ಈಗ ಹಳೆಯದಾಗಿದೆ. ಧೂಳು, ಬಿಸಿಲು, ಮಾಲಿನ್ಯ, ಶೇವಿಂಗ್ ಹಾಗೂ ಒತ್ತಡದಿಂದ ಪುರುಷರ ತ್ವಚೆಯೂ ಹಾನಿಗೊಳಗಾಗುತ್ತದೆ. ಆದ್ದರಿಂದ ತ್ವಚೆಯನ್ನು ಆರೋಗ್ಯಕರವಾಗಿ ಕಾಪಾಡಿಕೊಳ್ಳಲು ಪುರುಷರೂ ನಿಯಮಿತವಾಗಿ ಸ್ಕಿನ್ ಕೇರ್ ಮಾಡುವುದು ಅಗತ್ಯ.
ಮುಖವನ್ನು ದಿನಕ್ಕೆ ಎರಡು ಬಾರಿ ತೊಳೆಯಿರಿ
ಚರ್ಮದ ಪ್ರಕಾರಕ್ಕೆ ಹೊಂದುವ ಫೇಸ್ವಾಶ್ ಬಳಸಿ ಬೆಳಿಗ್ಗೆ ಹಾಗೂ ರಾತ್ರಿ ಮುಖವನ್ನು ತೊಳೆಯುವುದರಿಂದ ಧೂಳು, ಎಣ್ಣೆ ಮತ್ತು ಕೊಳಕು ನಿವಾರಣೆಯಾಗುತ್ತದೆ.
ಮಾಯಿಶ್ಚರೈಸರ್ ಬಳಸುವುದು ಮರೆಯಬೇಡಿ
ಎಣ್ಣೆಯುಕ್ತ ತ್ವಚೆಯಿದ್ದರೂ ಕೂಡ ಹಗುರವಾದ, ನಾನ್-ಕಾಮೆಡೋಜೆನಿಕ್ ಮಾಯಿಶ್ಚರೈಸರ್ ಬಳಸುವುದರಿಂದ ಚರ್ಮದ ತೇವಾಂಶ ಕಾಪಾಡಬಹುದು.
ಸನ್ಸ್ಕ್ರೀನ್ ಕಡ್ಡಾಯ
ಹೊರಗೆ ಹೋಗುವ ಮೊದಲು ಕನಿಷ್ಠ SPF 50 ಇರುವ ಸನ್ಸ್ಕ್ರೀನ್ ಹಚ್ಚುವುದು ಅಗತ್ಯ. ಇದು ಸೂರ್ಯನ ಹಾನಿಕಾರಕ ಕಿರಣಗಳಿಂದ ಚರ್ಮವನ್ನು ರಕ್ಷಿಸಿ ಕಪ್ಪಾಗುವುದು ಮತ್ತು ಅಕಾಲಿಕ ವಯಸ್ಸಾಗುವುದನ್ನು ತಡೆಯುತ್ತದೆ.
ಶೇವಿಂಗ್ ಬಳಿಕ ತ್ವಚೆಗೆ ಆರೈಕೆ ನೀಡಿ
ಶೇವಿಂಗ್ ನಂತರ ಆಲ್ಕೋಹಾಲ್ ರಹಿತ ಆಫ್ಟರ್ಶೇವ್ ಅಥವಾ ಸೌಮ್ಯ ಮಾಯಿಶ್ಚರೈಸರ್ ಬಳಸಿದರೆ ಚರ್ಮದ ಉರಿ ಮತ್ತು ಕಿರಿಕಿರಿ ಕಡಿಮೆಯಾಗುತ್ತದೆ.
ಸಾಕಷ್ಟು ನೀರು ಮತ್ತು ಆರೋಗ್ಯಕರ ಆಹಾರ ಸೇವಿಸಿ
ಹೆಚ್ಚು ನೀರು ಕುಡಿಯುವುದು, ಹಣ್ಣು-ತರಕಾರಿ ಸೇವಿಸುವುದು ಹಾಗೂ ಸಾಕಷ್ಟು ನಿದ್ರೆ ಮಾಡುವುದರಿಂದ ತ್ವಚೆ ಒಳಗಿನಿಂದಲೇ ಆರೋಗ್ಯಕರವಾಗಿರುತ್ತದೆ.
ತಜ್ಞರ ಸಲಹೆ: ಮೊಡವೆ, ಕಪ್ಪು ಕಲೆಗಳು, ಅತಿಯಾದ ಎಣ್ಣೆ ಅಥವಾ ಅಲರ್ಜಿ ಸಮಸ್ಯೆ ನಿರಂತರವಾಗಿ ಕಾಣಿಸಿದರೆ ಸ್ವಯಂ ಚಿಕಿತ್ಸೆಗಿಂತ ಚರ್ಮರೋಗ ತಜ್ಞರ ಸಲಹೆ ಪಡೆಯುವುದು ಉತ್ತಮ.
