ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಪಶ್ಚಿಮ ಬಂಗಾಳದಲ್ಲಿ ಅಮಾನವೀಯ ಘಟನೆಯೊಂದು ನಡೆದಿದ್ದು, ರೀಲ್ಸ್ ಗಾಗಿ ಐಫೋನ್ 14 ಖರೀದಿಸಲು ದಂಪತಿ ತನ್ನ ಎಂಟು ತಿಂಗಳ ಮಗುವನ್ನೇ ಮಾರಾಟ ಮಾಡಿದ ಘಟನೆ ನಡೆದಿದೆ.
ಕೋಲ್ಕತ್ತಾ ಬಳಿಯ ಪಾನಿಹಟಿಯ ಗಂಗಾನಗರ ಪ್ರದೇಶದಲ್ಲಿ ದೇಶಾದ್ಯಂತ ತಮ್ಮ ಪ್ರಯಾಣದ Instagram ರೀಲ್ಗಳನ್ನು ಚಿತ್ರೀಕರಿಸಲು ಐಫೋನ್ ಖರೀದಿಸಿದ್ದಾರೆ.
ಇದೀಗ ತಾಯಿ ಸತಿ ಘೋಷ್ ಅವರನ್ನುಬಂಧಿಸಲಾಗಿದೆ. ತಲೆಮರೆಸಿಕೊಂಡಿರುವ ತಂದೆ, ಜಯದೇವ್ ಘೋಷ್ ತೀವ್ರ ಶೋಧ ನಡೆಯುತ್ತಿದೆ ಎಂದು ಪೊಲೀಸ್ ಅಧಿಕಾರಿಗಳು ಹೇಳಿದ್ದಾರೆ.
ಮಹಿಳೆ ದಿಘಾ ಮತ್ತು ಮಂದರ್ಮೋನಿಯಂತಹ ಸ್ಥಳಗಳಿಗೆ ಪ್ರಯಾಣಿಸಲು ಮತ್ತು Instagram ರೀಲ್ಸ್ ಶೂಟ್ ಮಾಡಲು iPhone 14 ಅನ್ನು ಖರೀದಿಸಲು ಹಣಕ್ಕಾಗಿ ಮಗುವನ್ನು ಮಾರಾಟ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾಳೆ.
ಇದೇ ವೇಳೆ ಈ ಹಿಂದೆ ತಮ್ಮ ಏಳು ವರ್ಷದ ಮಗಳನ್ನು ಮಾರಾಟ ಮಾಡಲು ತಂದೆ ಯತ್ನಿಸಿದ್ದರು ಎಂಬ ಅಂಶವೂ ಬಹಿರಂಗವಾಗಿದೆ. ಮಾನವ ಕಳ್ಳಸಾಗಣೆ ಆರೋಪದ ಮೇಲೆ ಮಗುವನ್ನು ಖರೀದಿಸಿದ ದಂಪತಿ ಮತ್ತು ಮಹಿಳೆಯ ವಿರುದ್ಧವೂ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
