ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಬಾಲಿವುಡ್‌ನಟ, ಪಂಜಾಬಿ ಸಿಂಗರ್‌ ದಿಲ್ಜೀತ್ ದೋಸ್ಸಾಂಜ್‌ ವಿರುದ್ಧ ಗಂಭೀರ ಆರೋಪ ಎದುರಾಗಿದೆ.
ದಿಲ್ಲುಮಿನಾಟಿ’ ಹೆಸರಿನ ಟೂರ್ ಅನ್ನು ದಿಲ್ಜೀತ್ ದೊಸ್ಸಾಂಜ್ ಆಯೋಜಿಸಿದ್ದರು. ತಂಡವನ್ನು ಕಟ್ಟಿಕೊಂಡು ಅಮೆರಿಕ, ಆಸ್ಟ್ರೇಲಿಯಾ ಸೇರಿದಂತೆ ಹಲವು ದೇಶಗಳಲ್ಲಿ ದಿಲ್ಜೀತ್ ಲೈವ್ ಪ್ರದರ್ಶನ ನೀಡಿದರು.
ದಿಲ್ಜೀತ್ರ ಕಾನ್ಸರ್ಟ್ಗಳಿಗೆ ದಾಖಲೆ ಸಂಖ್ಯೆಯ ಪ್ರೇಕ್ಷಕರು ಆಗಮಿಸಿದ್ದರು. ಹಲವು ಪ್ರತಿಷ್ಠಿತ ಆಡಿಟೋರಿಯಮ್ಗಳಲ್ಲಿ ದಿಲ್ಜೀತ್ ಹಾಡಿದ್ದರು. ಈ ಟೂರ್ಗೆ ಆಯ ದೇಶದ ಭಾರತೀಯ ಮೂಲದ ಡ್ಯಾನ್ಸರ್ಗಳನ್ನು ಕಾರ್ಯಕ್ರಮಕ್ಕೆ ಬಳಸಿಕೊಳ್ಳಲಾಗಿತ್ತು. ಆದರೆ ಇವರ್ಯಾರಿಗೂ ಹಣ ಕೊಟ್ಟಿಲ್ಲ ಎಂದು ದಿಲ್ಜೀತ್ ಮೇಲೆ ಆರೋಪ ಕೇಳಿ ಬಂದಿದೆ. ಫ್ರೀಯಾಗಿ ಕೆಲಸ ಮಾಡಲಿ ಎಂದು ದಿಲ್ಜೀತ್ ಅಪೇಕ್ಷೆ ಪಟ್ಟಿದ್ದರು ಎಂದು ಟೀಂ ಹೇಳಿದೆ.
ಲಾಸ್ ಏಂಜಲ್ಸ್ನಲ್ಲಿ ನೆಲೆಸಿರುವ ಭಾರತೀಯ ಮೂಲದ ರಜತ್ ರಾಕಿ ಭಟ್ಟ, ದಿಲ್ಜೀತ್ ದೊಸ್ಸಾಂಜ್ ವಿರುದ್ಧ ಆರೋಪ ಮಾಡಿದ್ದಾರೆ. ದೇಸಿ ಕಲಾವಿದರನ್ನು ತಮ್ಮ ಲೈವ್ ಕಾನ್ಸರ್ಟ್ಗೆ ಬಳಸಿಕೊಂಡಿದ್ದರು. ಆದರೆ ಅವರಿಗೆ ಹಣ ನೀಡಲಾಗಿಲ್ಲ ಎಂದಿದ್ದಾರೆ.
