ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಅಲ್ ಜಜೀರಾ ಭಯೋತ್ಪಾದಕ ಸುದ್ದಿವಾಹಿನಿಯಾಗಿದ್ದು, ಇದರ ಪ್ರಸಾರವನ್ನು ದೇಶದಲ್ಲಿ ಸ್ಥಗಿತಗೊಳಿಸಲಾಗುವುದು ಎಂದು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ತಿಳಿಸಿದ್ದಾರೆ.
ಈ ಸುದ್ದಿವಾಹಿನಿ ಪ್ರಚೋದಿಸುವ ಕಾರ್ಯ ಮಾಡುತ್ತಿದೆ ಎಂದಿರುವ ಅವರು, ಇದಕ್ಕೆ ದೇಶದಲ್ಲಿ ಅವಕಾಶ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಸುದ್ದಿವಾಹಿನಿ ಸ್ಥಗಿತ ಕುರಿತಾಗಿ ಸಂಸತ್‌ನಲ್ಲಿ ಕಾನೂನು ಅಂಗೀಕಾರವಾದ ಬೆನ್ನಿಗೇ ನೆತನ್ಯಾಹು ಈ ಹೇಳಿಕೆ ನೀಡಿದ್ದಾರೆ.
ಇತ್ತ ಈ ಹೇಳಿಕೆಗೆ ಪ್ರತಿಕ್ರಿಯೆ ನೀಡಿರುವ ಅಲ್ ಜಜೀರಾ, ಇಸ್ರೇಲ್ ಪ್ರಧಾನಿ ನಮ್ಮ ವಿರುದ್ಧ ಮಾಡಿರುವ ‘ಪ್ರಚೋದನೆ’ ಆರೋಪ ಹಾಸ್ಯಾಸ್ಪದ ಸುಳ್ಳು ಎಂದಿದೆ. ನಮ್ಮ ವಾಹಿನಿಯಲ್ಲಿ ವೃತ್ತಿಪರ ವರದಿ ಪ್ರಸಾರ ಮಾಡುವುದನ್ನು ಮುಂದುವರಿಸುತ್ತದೆ. ನಮ್ಮ ಸಿಬ್ಬಂದಿ, ಕಚೇರಿಗಳ ಸುರಕ್ಷತೆಗೆ ಬೆಂಜಮಿನ್ ಅವರೇ ಜವಾಬ್ದಾರರು ಎಂದು ಹೇಳಿದೆ.
