ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ತಾಯಿಯ ಗರ್ಭದೊಳಗಿರುವ ಪುಟ್ಟ ಮಗುವಿನೊಳಗೆ ಮತ್ತೊಂದು ಭ್ರೂಣ ಪತ್ತೆಯಾಗಿರುವ ಘಟನೆ ಮಹಾರಾಷ್ಟ್ರದಲ್ಲಿ ನಡೆದಿದೆ.
ಇದು ಅತಿ ಅಪರೂಪದ ಘಟನೆಯಾಗಿದ್ದು, ಪ್ರತಿ 200ರಲ್ಲಿ ಒಂದು ಈ ರೀತಿಯ ಪ್ರಕರಣಗಳಿರುತ್ತವೆ. ಎರಡು ದಿನಗಳ ಹಿಂದೆ 32 ವರ್ಷದ ಮಹಿಳೆಯೊಬ್ಬರಿಗೆ ಸೋನೋಗ್ರಫಿ ನಡೆಸಿದಾಗ ಸರ್ಕಾರಿ ಆಸ್ಪತ್ರೆಯಲ್ಲಿ ಭ್ರೂಣದಲ್ಲಿ ಭ್ರೂಣದ ಪ್ರಕರಣ ಪತ್ತೆಯಾಗಿದೆ. ಭಾರತದಲ್ಲಿ ಕೇವಲ 15-20 ಪ್ರಕರಣಗಳು ಇಲ್ಲಿಯವರೆಗೆ ವರದಿಯಾಗಿವೆ.
ನಾನು ಆರಂಭದಲ್ಲಿ ಆಶ್ಚರ್ಯಚಕಿತನಾದೆ, ಎಚ್ಚರಿಕೆಯಿಂದ ಸ್ಕ್ಯಾನಿಂಗ್ ರಿಪೋರ್ಟ್ ಪರಿಶೀಲಿಸಿದೆ. ಆಗ ಮಗುವಿನೊಳಗೆ ಭ್ರೂಣ ಇರುವುದು ದೃಢಪಟ್ಟಿದೆ. ಮಹಿಳೆಗೆ 9 ತಿಂಗಳಾಗಿವೆ, ಇನ್ನು ಕೆಲವೇ ದಿನಗಳಲ್ಲಿ ಆಕೆ ಮಗುವಿಗೆ ಜನ್ಮ ಕೊಡುವವಳಿದ್ದಳು, ಆದರೆ ಹಿಂದೆ ಮಾಡಿರುವ ಯಾವ ಸ್ಕ್ಯಾನಿಂಗ್ಗಳಲ್ಲೂ ಇದು ಪತ್ತೆಯಾಗಿರಲಿಲ್ಲ ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.
ಇದು ಅಪರೂಪದ ಸ್ಥಿತಿಯಾಗಿದ್ದು, ಹಿಂದಿನ ಸೋನೋಗ್ರಫಿಯಲ್ಲೂ ಕೂಡ ಪತ್ತೆಯಾಗಿರಲಿಲ್ಲ. ಒಂದೆರಡು ದಿನ ನಾನು ವಿವರವಾದ ಅಧ್ಯಯನ ಮಾಡಿದ್ದೇವೆ. ಅವಳಿ ಮಕ್ಕಳಿರುವ ಕೆಲ ಕೇಸ್‌ನಲ್ಲಿ ಈ ರೀತಿ ಆಗುತ್ತದೆ ಎಂದಿದ್ದಾರೆ.
