ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬೆಂಗಳೂರು ಮೆಟ್ರೋ ಆರೆಂಜ್ ಲೈನ್ ಮೂರನೇ ಹಂತದ ಕಾಮಗಾರಿಗೆ ಕೇಂದ್ರ ಸರ್ಕಾರ ಅನುಮೋದನೆ ನೀಡಿ ಒಂದು ವರ್ಷಕ್ಕೂ ಹೆಚ್ಚು ಸಮಯ ಕಳೆದಿದೆ. ಆದ್ರೆ ಪ್ರಾಯೋಗಿಕ ಕಾಮಗಾರಿ ಇನ್ನೂ ಆರಂಭವಾಗಿಲ್ಲ. 2024 ರಲ್ಲಿ ಪ್ರಧಾನಮಂತ್ರಿ ಶಿಲಾನ್ಯಾಸ ನೆರವೇರಿಸಿದ್ದರು, ಆದರೆ BMRCL ಇನ್ನೂ ಟೆಂಡರ್ ಪ್ರಕಟಿಸಿಲ್ಲ.
ಒಟ್ಟು 44.65 ಕಿ.ಮೀ ಉದ್ದದ ಆರೆಂಜ್ ಲೈನ್ ಯೋಜನೆ ಎರಡು ಪ್ರಮುಖ ಮಾರ್ಗಗಳನ್ನು ಒಳಗೊಂಡಿದೆ. ಮೊದಲ ಮಾರ್ಗ ಜೆ.ಪಿ. ನಗರ 4ನೇ ಹಂತದಿಂದ ಕೆಂಪಾಪುರವರೆಗೆ 32.15 ಕಿ.ಮೀ ಉದ್ದ ಹೊಂದಿದ್ದು, ಎರಡನೇ ಮಾರ್ಗ ಹೊಸಹಳ್ಳಿ-ಕಡಬಗೆರೆ 12.5 ಕಿ.ಮೀ ಉದ್ದವಾಗಿದೆ. ಈ ಯೋಜನೆಯ ಉದ್ದೇಶ ವಸತಿ ಪ್ರದೇಶಗಳು, ಕೈಗಾರಿಕಾ ವಲಯಗಳು ಮತ್ತು ಐಟಿ ಹಬ್ಗಳಿಗೆ ಸುಗಮ ಸಂಪರ್ಕ ಒದಗಿಸುವುದು.
ಇದನ್ನೂ ಓದಿ: Rice series 26 | ಸಿಂಪಲ್ ಆಗಿ ಮಾಡಿ ಆಲೂ ರೈಸ್ ಬಾತ್: ರುಚಿ ಸೂಪರ್!
ವಿಳಂಬದ ಪ್ರಮುಖ ಕಾರಣವೆಂದರೆ, ರಾಜ್ಯ ಸರ್ಕಾರ ಡಬಲ್ ಡೆಕ್ಕರ್ ಕಾರಿಡಾರ್ ನಿರ್ಮಿಸುವ ನಿರ್ಧಾರ ಕೈಗೊಂಡಿರುವುದು. ಈ ತಿದ್ದುಪಡಿ ವೆಚ್ಚ ಮತ್ತು ವಿನ್ಯಾಸದಲ್ಲಿ ದೊಡ್ಡ ಬದಲಾವಣೆ ತರಲಿದೆ. ಅಧಿಕಾರಿಗಳ ಪ್ರಕಾರ, ಇದರ ಪರಿಣಾಮವಾಗಿ ಯೋಜನೆಗೆ ಸುಮಾರು 9,000 ಕೋಟಿ ರೂ. ಹೆಚ್ಚುವರಿ ವೆಚ್ಚ ಸೇರ್ಪಡೆಯಾಗಬಹುದು.
ಇದರಿಂದ ಬೆಂಗಳೂರಿನ ಪಶ್ಚಿಮ ಮತ್ತು ದಕ್ಷಿಣ ಭಾಗದ ಪ್ರಯಾಣಿಕರು ಮೆಟ್ರೋ ಮೂಲಕ ಸುಗಮ ಸಂಚಾರದ ನಿರೀಕ್ಷೆ ತಾತ್ಕಾಲಿಕವಾಗಿ ತಳ್ಳಲ್ಪಟ್ಟಿದೆ. ಕಾಮಗಾರಿಯ ಆರಂಭದ ಖಚಿತ ದಿನಾಂಕದ ಅಭಾವದಲ್ಲಿ, ಯೋಜನೆಯ ಪೂರ್ಣಗತಿ ಮತ್ತು ವೆಚ್ಚದ ಕುರಿತು ಸಾರ್ವಜನಿಕರಲ್ಲಿ ನಿರಾಸೆ ಉಂಟಾಗಿದೆ.
