ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕ್ರಿಕೆಟ್ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪುತ್ರ ಅರುಣ್ ತೆಂಡೂಲ್ಕರ್ ಹಾಗೂ ಸಾನಿಯಾ ಚಾಂಧೋಕ್ ಅವರ ವಿವಾಹ ಸಮಾರಂಭದಲ್ಲಿ ಸಾರಾ ತೆಂಡೂಲ್ಕರ್ ಧರಿಸಿದ್ದ ವಿಶಿಷ್ಟ ಆಭರಣ ಎಲ್ಲರ ಗಮನ ಸೆಳೆದಿದೆ.
ಈ ಸಂದರ್ಭದಲ್ಲಿ ಸಾರಾ ತೆಂಡೂಲ್ಕರ್ ಪ್ರಸಿದ್ಧ ವಿನ್ಯಾಸಕರಾದ ಮನೀಷ್ ಮಲ್ಹೋತ್ರಾ ವಿನ್ಯಾಸದ ಸೀರೆಯನ್ನು ಧರಿಸಿದ್ದು, ಅದಕ್ಕೆ ಹೊಂದಿಕೊಂಡಂತೆ ಹೆರಿಟೇಜ್ ಮೀನಾಕರಿ ನೆಕ್ಲೆಸ್ನ್ನು ಧರಿಸಿದ್ದರು. ಜೈಪುರದ ಖ್ಯಾತ ಜ್ವೆಲರಿ ವಿನ್ಯಾಸಕರಾದ ಸುನಿತಾ ಶೇಖಾವತ್ ಅವರ ಸಂಗ್ರಹದಲ್ಲಿರುವ ಈ ವಿಶೇಷ ಆಭರಣವನ್ನು ಕೈಗಾರಿಕ ಕೌಶಲ್ಯದಿಂದ ತಯಾರಿಸಲಾಗಿದೆ.
ಇದನ್ನೂ ಓದಿ:
ಜ್ವೆಲರಿ ತಜ್ಞ ಪ್ರಿಯಾಂಶು ಗೋಯಲ್ ಅವರ ಪ್ರಕಾರ, ಈ ನೆಕ್ಲೆಸ್ನಲ್ಲಿ ಕುಂದನ್ ಸೆಟ್ ಪೊಲ್ಕಿಗಳು, ಹೂವಿನ ವಿನ್ಯಾಸಗಳು ಹಾಗೂ ಎಮರಾಲ್ಡ್ ಗಳು ಸೇರಿವೆ. ಮೀನಾಕರಿ ಕಲೆ ಬಳಸಿಕೊಂಡು ತಯಾರಿಸಲಾದ ‘ಕಾರ್ನೇಶನ್ ರಿವರ್ಸಿಬಲ್’ (ಎರಡೂ ಬದಿ ಧರಿಸಬಹುದಾದ) ನೆಕ್ಲೇಸ್ ಅನ್ನು ಸಿದ್ಧಪಡಿಸಲು ಸುಮಾರು 360 ಗಂಟೆಗಳಷ್ಟು ಸಮಯ ಬೇಕಾಗುತ್ತದೆ ಎಂದು ಅವರು ತಿಳಿಸಿದ್ದಾರೆ.
ಈ ನೆಕ್ಲೆಸ್ ಬೆಲೆ ಅಂದಾಜು 40 ಲಕ್ಷದಿಂದ 60 ಲಕ್ಷ ರೂಪಾಯಿ ನಡುವೆ ಇರಬಹುದು ಎಂದು ಹೇಳಿದ್ದಾರೆ. ಕೊಲಂಬಿಯನ್ ಎಮರಾಲ್ಡ್ ಮತ್ತು ಸೌತ್ ಸೀ ಪರ್ಲ್ ಗಳನ್ನು ಬಳಸಿ ಜೈಪುರದ ಕರಕುಶಲಕಾರರು ಅದನ್ನು ತಯಾರಿಸಿದ್ದಾರೆ.
