ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಮೆಟ್ರೋದ ಪಿಂಕ್ ಲೈನ್‌ ಸುರಂಗ ಮಾರ್ಗದ ಕಾಮಗಾರಿ 2025ರ ಮಾರ್ಚ್ ವೇಳೆಗೆ ಪೂರ್ಣಗೊಳ್ಳಲಿದೆ ಎಂದು ಡಿಸಿಎಂ ಹಾಗೂ ಬೆಂಗಳೂರು ಅಭಿವೃದ್ಧಿ ಸಚಿವ ಡಿಕೆ ಶಿವಕುಮಾರ್ ಹೇಳಿದರು. ಸುರಂಗ ಮಾರ್ಗದ ಕಾಮಗಾರಿ ಪರಿಶೀಲನೆ ನಡೆಸಿದ ನಂತರ ಮಾತನಾಡಿದ ಅವರು, ಮೆಟ್ರೋ ಸುರಂಗ ಮಾರ್ಗದ ಕಾಮಗಾರಿ ನಡೆಯುತ್ತಿದೆ. ಸುರಂಗ ಮಾರ್ಗದಲ್ಲಿ ಒಟ್ಟು 18 ಮೆಟ್ರೋ ನಿಲ್ದಾಣಗಳು ಇರಲಿದೆ ಎಂದರು.
ಅಧಿಕಾರಿಗಳ ಮಾಹಿತಿ ಪ್ರಕಾರ ಸುರಂಗ ಮಾರ್ಗವು 21.26 ಕಿ.ಮೀ. ಇರಲಿದ್ದು, ಡಬಲ್ ಲೇನ್ ಇರಲಿದೆ. 4 ಪ್ಯಾಕೇಜ್ನಲ್ಲಿ ಯೋಜನೆ ಇದ್ದು ಶೇ 75 ರಷ್ಟು ಕಾಮಗಾರಿ ಪೂರ್ಣಗೊಂಡಿದೆ ಎಂದು ಡಿಕೆ ಶಿವಕುಮಾರ್ ಹೇಳಿದರು. ಲಕ್ಕಸಂದ್ರ ಮೆಟ್ರೋ ವೀಕ್ಷಣೆ ಮುಗಿಸಿದ ನಂತರ ಅವರು ಎಂಜಿ ರಸ್ತೆ ಟನಲ್‌ಗೆ ತೆರಳಿ ವೀಕ್ಷಿಸಿದರು.
ಕಾಳೇನ ಅಗ್ರಹಾರದಿಂದ ತಾವರೆಕೆರೆವರೆಗೆ 6 ನಿಲ್ದಾಣಗಳೊಂದಿಗೆ 7.50 ಕಿಮೀ ಎಲಿವೇಟೆಡ್ ವಿಭಾಗವನ್ನು ಒಳಗೊಂಡಿದೆ ಮತ್ತು ಡೈರಿ ಸರ್ಕಲ್‌ನಿಂದ ನಾಗವಾರದವರೆಗೆ 12 ನಿಲ್ದಾಣಗಳೊಂದಿಗೆ 13.76 ಕಿಮೀ ಭೂಗತ ವಿಭಾಗವನ್ನು ಒಳಗೊಂಡಿದೆ” ಎಂದು ಬಿಎಂಆರ್‌ಸಿಎಲ್ ತಿಳಿಸಿದೆ.
ಒಂಬತ್ತು ಸುರಂಗ ಕೊರೆಯುವ ಯಂತ್ರಗಳನ್ನು (ಟಿಬಿಎಂ) ಸುರಂಗ ಕಾಮಗಾರಿಗೆ ತೊಡಗಿಸಲಾಗಿದೆ ಎಂದು ಬಿಎಂಆರ್‌ಸಿಎಲ್ ತಿಳಿಸಿದೆ.
