ಚಳಿಗಾಲದ ತಂಪು ಗಾಳಿ ಮತ್ತು ಮುಂಜಾನೆಯ ಮಂಜು ನೋಡಲು ಹಿತವೆನಿಸಿದರೂ, ಹವ್ಯಾಸಿ ವಾಕಿಂಗ್ ಮಾಡುವವರಿಗೆ ಇದು ಸವಾಲಿನ ಸಮಯ. ವಿಶೇಷವಾಗಿ ಈ ಕೆಳಗಿನ ಆರೋಗ್ಯ ಸಮಸ್ಯೆಗಳನ್ನು ಹೊಂದಿರುವವರು ಚಳಿಗಾಲದಲ್ಲಿ ಅತಿಯಾದ ಚಳಿ ಇರುವಾಗ ವಾಕಿಂಗ್ ಹೋಗುವುದನ್ನು ತಪ್ಪಿಸಬೇಕು ಅಥವಾ ಮುನ್ನೆಚ್ಚರಿಕೆ ವಹಿಸಬೇಕು.
ಹೃದಯ ಸಂಬಂಧಿ ಕಾಯಿಲೆಗಳು
ಚಳಿಗಾಲದಲ್ಲಿ ರಕ್ತನಾಳಗಳು ಸಂಕುಚಿತಗೊಳ್ಳುತ್ತವೆ, ಇದರಿಂದ ರಕ್ತದೊತ್ತಡ ಹೆಚ್ಚಾಗುತ್ತದೆ. ಹೃದಯಕ್ಕೆ ರಕ್ತವನ್ನು ಪಂಪ್ ಮಾಡಲು ಹೆಚ್ಚಿನ ಶ್ರಮ ಬೇಕಾಗುತ್ತದೆ. ತೀವ್ರ ಚಳಿಯಲ್ಲಿ ವಾಕಿಂಗ್ ಮಾಡುವುದರಿಂದ ಹೃದಯಾಘಾತದ ಅಪಾಯ ಹೆಚ್ಚಿರಲಿದೆ.
ಅಸ್ತಮಾ ಮತ್ತು ಶ್ವಾಸಕೋಶದ ಸಮಸ್ಯೆ
ಚಳಿಗಾಲದ ಒಣ ಮತ್ತು ತಂಪಾದ ಗಾಳಿಯು ಶ್ವಾಸಕೋಶದ ನಾಳಗಳನ್ನು ಕುಗ್ಗಿಸುತ್ತದೆ. ಇದು ಉಸಿರಾಟದ ತೊಂದರೆ, ಕೆಮ್ಮು ಅಥವಾ ಅಸ್ತಮಾ ಅಟ್ಯಾಕ್ಗೆ ಕಾರಣವಾಗಬಹುದು. ಉಸಿರಾಟದ ತೊಂದರೆ ಇರುವವರು ಬಿಸಿಲು ಬಂದ ಮೇಲೆ ವಾಕಿಂಗ್ ಹೋಗುವುದು ಉತ್ತಮ.
ಕೀಲು ನೋವು ಮತ್ತು ಸಂಧಿವಾತ
ಚಳಿಯ ವಾತಾವರಣದಲ್ಲಿ ಕೀಲುಗಳ ಸುತ್ತಲಿನ ಸ್ನಾಯುಗಳು ಬಿಗಿಯಾಗುತ್ತವೆ. ಇದರಿಂದ ಕೀಲು ನೋವು ಮತ್ತು ಮಂಡಿ ನೋವು ಇರುವವರಿಗೆ ವಾಕಿಂಗ್ ಮಾಡುವುದು ಹಿಂಸೆಯಾಗಬಹುದು ಮತ್ತು ನೋವು ಉಲ್ಬಣಿಸಬಹುದು.
ಸೈನಸೈಟಿಸ್ ಮತ್ತು ಮೈಗ್ರೇನ್
ತಂಪು ಗಾಳಿ ನೇರವಾಗಿ ತಲೆಗೆ ಬಡಿದಾಗ ಸೈನಸ್ ಸಮಸ್ಯೆ ಇರುವವರಿಗೆ ತಲೆನೋವು ಅಥವಾ ಮೂಗು ಕಟ್ಟುವಿಕೆ ಉಂಟಾಗುತ್ತದೆ. ಇದು ಮೈಗ್ರೇನ್ ಪೀಡಿತರಲ್ಲಿ ತೀವ್ರ ತಲೆನೋವನ್ನು ಪ್ರಚೋದಿಸಬಹುದು.
