ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಕಾಂಗ್ರೆಸ್ ನ ಭಾರತ್‌ ಜೋಡೋಯಾತ್ರೆ ಶುಕ್ರವಾರ ಆಂಧ್ರಪ್ರದೇಶದಿಂದ ಕರ್ನಾಟಕಕ್ಕೆ ಪುನಃ ಪ್ರವೇಶಿಸಿದೆ. ಈ ನಡುವೆ ಪಾದಯಾತ್ರೆ ನಡೆಸುತ್ತಿರುವ ರಾಹುಲ್ ಗಾಂಧಿ ಹೆಣ್ಣುಮಗಳೊಬ್ಬಳನ್ನು ಹೆಗಲ ಮೇಲೆ ಕೂರಿಸಿಕೊಂಡು ನಡೆಯುತ್ತಿರುವ ವಿಡಿಯೋ ಭಾರೀ ವೈರಲ್ ಆಗುತ್ತಿದೆ.
ಭಾರತ್‌ ಜೋಡೋ ಪಾದಯಾತ್ರೆ ನಡೆಸುತ್ತಿರುವ ಪಕ್ಷದ ನಾಯಕ ರಾಹುಲ್ ಗಾಂಧಿ ಮಗುವನ್ನು ಹೆಗಲ ಮೇಲೆ ಹೊತ್ತುಕೊಂಡು ಸಿಹಿತಿಂಡಿ ನೀಡಿದ್ದಾರೆ.
ಆಂಧ್ರಪ್ರದೇಶದ ಕರ್ನೂಲ್‌ನಲ್ಲಿರುವ ಮಂತ್ರಾಲಯದ ದೇವಸ್ಥಾನದ ವೃತ್ತದಲ್ಲಿ ಪುನರಾರಂಭಗೊಂಡ ಪಾದಯಾತ್ರೆ ಬೆಳಿಗ್ಗೆ 10 ಗಂಟೆಗೆ ಕರ್ನಾಟಕದ ರಾಯಚೂರಿನ ಪಂಚಮುಖಿ ಕಮಾನು ತಲುಪಿತು. ಕಾಂಗ್ರೆಸ್ ಮೂಲಗಳ ಪ್ರಕಾರ, ಪಕ್ಷದ ನಾಯಕಿ ಪ್ರಿಯಾಂಕಾ ಗಾಂಧಿ ಶನಿವಾರ ಯಾತ್ರೆಗೆ ಸೇರುವ ಸಾಧ್ಯತೆಯಿದೆ.
ಏತನ್ಮಧ್ಯೆ, ಕಾಂಗ್ರೆಸ್ ತನ್ನ ಟ್ವೀಟರ್‌ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡಿದ್ದು ದೇಶದ ಉಜ್ವಲ ಭವಿಷ್ಯವು ಬಲವಾದ ಭುಜಗಳ ಮೇಲೆ ಸವಾರಿ ಮಾಡುತ್ತದೆ ಎಂದು ಬರೆದುಕೊಂಡಿದೆ.
“ಯಾತ್ರೆಗೆ ನೀಡಿದ ಅದ್ಭುತ ಪ್ರತಿಕ್ರಿಯೆಗಾಗಿ ಆಂಧ್ರಪ್ರದೇಶದ ಜನರಿಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ಇಲ್ಲಿನ ಜನರೊಂದಿಗೆ ನಾನು ಅನುಭವಿಸಿದ ಪ್ರೀತಿಯ ಬಾಂಧವ್ಯವು ಆಳವಾದ ಮತ್ತು ಬಲವಾದದ್ದು. ಕಾಂಗ್ರೆಸ್ ಈ ಪ್ರೀತಿಯನ್ನು ಕಠಿಣ ಪರಿಶ್ರಮದಿಂದ ಮರುಪಾವತಿಸಲಾಗುತ್ತದೆ. ಆಂಧ್ರಪ್ರದೇಶದ ಜನತೆಗೆ ನೀಡಿರುವ ಭರವಸೆಗಳನ್ನು ಈಡೇರಿಸುತ್ತೇವೆ” ಎಂದು ರಾಹುಲ್ ಗಾಂಧಿ ಟ್ವೀಟ್‌ ಮಾಡಿದ್ದಾರೆ.
देश का उज्ज्वल भविष्य,
मजबूत कंधों पर सवार है,और कदम से कदम मिला कर
चलने को भी तैयार है।#BharatJodoYatra pic.twitter.com/v5Y2tGMNub— Bharat Jodo (@bharatjodo) October 21, 2022
