ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಖ್ಯಾತ ಹಾಸ್ಯ ನಟ ಬ್ರಹ್ಮಾನಂದಂ ಮನೆಯಲ್ಲಿ ಮದುವೆ ಸಂಭ್ರಮ ಮನೆ ಮಾಡಿದೆ. ಅವರ ಎರಡನೇ ಮಗ ಸಿದ್ಧಾರ್ಥ್ ಡಾ.ಐಶ್ವರ್ಯಾ ಅವರನ್ನು ವರಿಸಲಿದ್ದಾರೆ. ಇತ್ತೀಚೆಗಷ್ಟೇ ಇವರಿಬ್ಬರ ನಿಶ್ಚಿತಾರ್ಥ ಸಮಾರಂಭ ಅದ್ಧೂರಿಯಾಗಿ ನೆರವೇರಿತ್ತು. ಈಗ ಮದುವೆ ದಿನಾಂಕ ಹತ್ತಿರ ಬಂದಿದ್ದು, ಅತಿಥಿಗಳಿಗೆ ಆಮಂತ್ರಣಗಳನ್ನು ಕಳುಹಿಸಲಾಗುತ್ತಿದೆ. ಈ ಅನುಕ್ರಮದಲ್ಲಿ ಬ್ರಹ್ಮಾನಂದಂ ಪ್ರಗತಿ ಭವನದಲ್ಲಿ ತೆಲಂಗಾಣ ಮುಖ್ಯಮಂತ್ರಿ ಕೆಸಿಆರ್ ಅವರನ್ನು ಭೇಟಿ ಮಾಡಿ ಮದುವೆಗೆ ಆಹ್ವಾನಿಸಿದರು.
ಹೈದರಾಬಾದ್‌ನಲ್ಲಿ ನಡೆಯಲಿರುವ ತಮ್ಮ ಕಿರಿಯ ಪುತ್ರ ಸಿದ್ಧಾರ್ಥ್ ಅವರ ವಿವಾಹ ಸಮಾರಂಭದಲ್ಲಿ ಪಾಲ್ಗೊಳ್ಳುವಂತೆ ಬ್ರಹ್ಮಾನಂದಂ ಅವರು ತಮ್ಮ ಕುಟುಂಬ ಸದಸ್ಯರೊಂದಿಗೆ ಸಿಎಂ ಕೆಸಿಆರ್‌ಗೆ ಆಹ್ವಾನ ನೀಡಿದರು. ಅವರೇ ಸ್ವತಃ ಬಿಡಿಸಿದ ತಿರುಮಲ ಶ್ರೀವಾರಿಯ ರೇಖಾಚಿತ್ರವನ್ನು ಉಡುಗೊರೆಯಾಗಿ ನೀಡಿದರು. ಈ ಸಂದರ್ಭದಲ್ಲಿ ಮುಖ್ಯಮಂತ್ರಿಗಳು ಅವರಿಗೆ ಶುಭ ಹಾರೈಸಿದರು. ಮುಖ್ಯಮಂತ್ರಿಯನ್ನು ಭೇಟಿಯಾದವರಲ್ಲಿ ಬ್ರಹ್ಮಾನಂದ ಅವರ ಪತ್ನಿ ಮತ್ತು ಹಿರಿಯ ಮಗ ಗೌತಮ್ ಇದ್ದರು.
ಬ್ರಹ್ಮಾನಂದಂ ಹಾಸ್ಯನಟ ಮಾತ್ರವಲ್ಲದೆ ಉತ್ತಮ ಕಲಾವಿದರು ಎಂಬುದು ಗೊತ್ತೇ ಇದೆ. ಪೆನ್ಸಿಲ್ ಡ್ರಾಯಿಂಗ್‌ನಲ್ಲಿಯೂ ಅವರು ನಿಪುಣರು. ಲಾಕ್ ಡೌನ್ ಸಮಯದಲ್ಲಿ ಅವರು ಅನೇಕ ರೇಖಾಚಿತ್ರಗಳನ್ನು ಬಿಡಿಸಿದ್ದಾರೆ. ಅವರ ಆಪ್ತರು ಮತ್ತು ಚಿತ್ರರಂಗದ ಗಣ್ಯರಿಗೆ ಅವುಗಳನ್ನು ಉಡುಗೊರೆಯಾಗಿ ನೀಡಲಾಯಿತು.
