ಹೊಸದಿಗಂತ ಡಿಜಿಟಲ್ ಡೆಸ್ಕ್:
ತಾಂತ್ರಿಕ ದೋಷದಿಂದಾಗಿ ಕೇರಳದಲ್ಲಿ ಸಿಲುಕಿದ್ದ ಬ್ರಿಟಿಷ್ ಎಫ್ -35 ಫೈಟರ್ ಜೆಟ್ ಯುಕೆಗೆ ಮರಳಿದೆ.
ಜೂನ್ 14 ರಂದು ಹೈಡ್ರಾಲಿಕ್ ಸಮಸ್ಯೆಯಿಂದ ಎಫ್-35 ಯುದ್ಧ ವಿಮಾನ ತಿರುವನಂತಪುರಂ ಅಂತಾರಾಷ್ಟ್ರೀಯ ನಿಲ್ದಾಣದಲ್ಲಿ ತುರ್ತು ಭೂಸ್ಪರ್ಶ ಮಾಡಿತ್ತು. ಬಳಿಕ ಈ ಯುದ್ಧ ವಿಮಾನದ ಸಮಸ್ಯೆ ಪರಿಹರಿಸಲು ಬ್ರಿಟನ್ನಿಂದ ಎಂಜಿನಿಯರ್ಗಳ ತಂಡ ಆಗಮಿಸಿದ್ದರೂ ಟೇಕ್ ಆಫ್ ಸಾಧ್ಯವಾಗಿರಲಿಲ್ಲ. ಇದರಿಂದ ತಿಂಗಳಿಗೂ ಹೆಚ್ಚು ದಿನ ಯುದ್ಧ ವಿಮಾನ ಇಲ್ಲೇ ಉಳಿಯುವಂತಾಗಿತ್ತು. ಬಳಿಕ ನುರಿತ ತಜ್ಞರ ಮತ್ತೊಂದು ತಂಡ ಬ್ರಿಟನ್ನಿಂದ ಆಗಮಿಸಿ, ಸಮಸ್ಯೆ ಪರಿಹರಿಸಿದೆ. ಇದರಿಂದಾಗಿ ಎಫ್ 35 ಯುದ್ಧ ವಿಮಾನ ಇಂದು ಹಾರಾಟ ನಡೆಸಿದೆ.
ವಿಮಾನ ದುರಸ್ತಿಗಾಗಿ 25 ಬ್ರಿಟಿಷ್ ಎಂಜಿನಿಯರ್ಗಳ ತಂಡವು ಬ್ರಿಟಿಷ್ ರಾಯಲ್ ಏರ್ ಫೋರ್ಸ್‌ನ ವಿಮಾನದಲ್ಲಿ ತಿರುವನಂತಪುರಂ ವಿಮಾನ ನಿಲ್ದಾಣಕ್ಕೆ ಬಂದಿತ್ತು. ಕೆಲ ದಿನಗಳ ರಿಪೇರಿ ಪ್ರಯತ್ನದ ನಂತರ ಎಫ್ -35 ರ ದೋಷ ಸಂಪೂರ್ಣವಾಗಿ ಸರಿಪಡಿಸಲಾಗಿದೆ. ಬಳಿಕ ವಿಮಾನವು ವಿಮಾನವಾಹಕ ನೌಕೆಗೆ ಮರಳಿದೆ.
ಜೂನ್ 14 ರಂದು ತುರ್ತು ಲ್ಯಾಡಿಂಗ್ ಮಾಡಿದ್ದ ಯುಕೆ ಎಫ್ -35 ಬಿ ವಿಮಾನ ಇಂದು ತಿರುವನಂತಪುರಂ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಟಿತು. ಜುಲೈ 06 ರಿಂದ ಯುಕೆ ಎಂಜಿನಿಯರಿಂಗ್ ತಂಡವು ದುರಸ್ತಿ ಮಾಡಿ, ಸುರಕ್ಷತಾ ಪರಿಶೀಲನೆಗಳನ್ನು ಪೂರ್ಣಗೊಳಿಸಿದೆ. ಇದರಿಂದಾಗಿ ವಿಮಾನವು ಸಕ್ರಿಯ ಸೇವೆಯನ್ನು ಪುನಾರಾರಂಭಿಸಲು ಅವಕಾಶ ಮಾಡಿಕೊಟ್ಟಿತು. ಈ ವೇಳೆ ವಿಮಾನ ನಿಲ್ದಾಣದ ಅಧಿಕಾರಿಗಳು ಮತ್ತು ಭಾರತದ ಅಧಿಕಾರಿಗಳು ನೀಡಿದ ಸಹಾಯಕ್ಕೆ ಕೃತಜ್ಞರಾಗಿದ್ದೇವೆ. ಭಾರತದ ಜೊತೆ ರಕ್ಷಣಾ ಸಹಭಾಗಿತ್ವವನ್ನು ಇನ್ನಷ್ಟು ಬಲಿಷ್ಟಗೊಳಿಸಲು ನಾವು ಕಾತರರಾಗಿದ್ದೇವೆ ಎಂದು ಬ್ರಿಟಿಷ್ ಹೈಕಮಿಷನ್ ವಕ್ತಾರರು ತಿಳಿಸಿದ್ದಾರೆ.
ತಿರುವನಂತಪುರದಲ್ಲಿ ತುರ್ತು ಲ್ಯಾಂಡಿಂಗ್ ಆದ ಬ್ರಿಟಿಷ್ ನೌಕಾಪಡೆಯ F-35B, ವಿಶ್ವದ ಅತ್ಯಂತ ದುಬಾರಿ ಮತ್ತು ಅತ್ಯಾಧುನಿಕ ಯುದ್ಧ ವಿಮಾನಗಳಲ್ಲಿ ಒಂದಾಗಿದೆ. ಈ ಯುದ್ಧ ವಿಮಾನ 110 ಮಿಲಿಯನ್ ಡಾಲರ್ ಮೌಲ್ಯವನ್ನು ಹೊಂದಿದೆ. ಎಫ್ – 35 ಐದನೇ ತಲೆಮಾರಿನ ಫೈಟರ್ ಜೆಟ್ ಇದಾಗಿದೆ. ಬ್ರಿಟನ್ನ ಹೆಚ್ಎಂಎಸ್ ಪ್ರಿನ್ಸ್ ಆಫ್ ವೇಲ್ಸ್ ಕ್ಯಾರಿಯರ್ ಸ್ಟ್ರೈಕ್ ಗ್ರೂಪ್ಗೆ ಸೇರಿದೆ.
