ನಮ್ಮ ಅಡುಗೆಮನೆಯಲ್ಲಿ ಅಥವಾ ಹಬ್ಬದ ಸಿಹಿ ಪದಾರ್ಥಗಳಲ್ಲಿ ಗೇರುಬೀಜ ಸಾಮಾನ್ಯ. ಆದರೆ ಇದು ಬರೀ ರುಚಿಗಾಗಿ ಬಳಸುವ ವಸ್ತುವಲ್ಲ, ಇದರಲ್ಲಿ ಪ್ರೋಟೀನ್, ವಿಟಮಿನ್ ಮತ್ತು ಅಗತ್ಯ ಖನಿಜಾಂಶಗಳ ದೊಡ್ಡ ಭಂಡಾರವೇ ಅಡಗಿದೆ. ಗೇರುಬೀಜ ತಿನ್ನುವುದರಿಂದ ಸಿಗುವ ಪ್ರಮುಖ ಲಾಭಗಳು ಇಲ್ಲಿವೆ:
ಗೇರುಬೀಜದಲ್ಲಿ ‘ಒಲೆಕ್ ಆಮ್ಲ’ ಹೆಚ್ಚಾಗಿರುತ್ತದೆ. ಇದು ದೇಹದಲ್ಲಿರುವ ಕೆಟ್ಟ ಕೊಲೆಸ್ಟ್ರಾಲ್ ಕಡಿಮೆ ಮಾಡಿ, ಹೃದಯದ ಕವಾಟುಗಳು ಸುಗಮವಾಗಿ ಕಾರ್ಯನಿರ್ವಹಿಸಲು ನೆರವಾಗುತ್ತದೆ.
ಇದರಲ್ಲಿರುವ ಮೆಗ್ನೀಸಿಯಮ್ ಮತ್ತು ಕ್ಯಾಲ್ಸಿಯಂ ಅಂಶವು ಮೂಳೆಗಳನ್ನು ಸದೃಢಗೊಳಿಸುತ್ತದೆ. ಬೆಳೆಯುವ ಮಕ್ಕಳಿಗೆ ಮತ್ತು ವಯಸ್ಸಾದವರಿಗೆ ಇದು ಅತ್ಯುತ್ತಮ ಆಹಾರ.
ಸುಸ್ತು ಅಥವಾ ನಿರಾಸಕ್ತಿಯಿಂದ ಬಳಲುತ್ತಿರುವಾಗ ಬೆರಳೆಣಿಕೆಯಷ್ಟು ಗೇರುಬೀಜ ತಿಂದರೆ ತಕ್ಷಣದ ಚೈತನ್ಯ ಸಿಗುತ್ತದೆ. ಇದರಲ್ಲಿರುವ ಒಮೆಗಾ-3 ಫ್ಯಾಟಿ ಆಸಿಡ್ ಮೆದುಳಿನ ಕಾರ್ಯಕ್ಷಮತೆಯನ್ನು ಹೆಚ್ಚಿಸುತ್ತದೆ.
ಗೇರುಬೀಜದಲ್ಲಿ ‘ಜಿಯಾಕ್ಸಾಂಥಿನ್’ ಎಂಬ ಉತ್ಕರ್ಷಣ ನಿರೋಧಕವಿದೆ. ಇದು ಕಣ್ಣಿನ ರೆಟಿನಾವನ್ನು ರಕ್ಷಿಸಿ, ದೃಷ್ಟಿ ದೋಷಗಳನ್ನು ತಡೆಯಲು ಸಹಕಾರಿ.
ಗೇರುಬೀಜದಲ್ಲಿ ನಾರಿನಂಶ ಸಮೃದ್ಧವಾಗಿರುವುದರಿಂದ, ಇದನ್ನು ಸೇವಿಸಿದರೆ ದೀರ್ಘಕಾಲ ಹಸಿವಾಗುವುದಿಲ್ಲ. ಇದು ಅತಿಯಾಗಿ ತಿನ್ನುವುದನ್ನು ತಡೆದು ತೂಕ ಇಳಿಸಲು ಪರೋಕ್ಷವಾಗಿ ಸಹಾಯ ಮಾಡುತ್ತದೆ.
