ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಪೆಟ್ರೋಲ್ ಬಂಕ್‌ಗೆ ಹೋದಾಗ ಸೆಲ್ ಫೋನ್ ನಲ್ಲಿ ಮಾತನಾಡಬೇಡಿ ಎಂಬ ಸೂಚನಾ ಫಲಕ ಇರುತ್ತದೆ. ಸೂಚನೆಗೆ ಕಿವಿಗೊಡದೆಯೇ ಕೆಲವರು ರಿಸ್ಕ್ ತೆಗೆದುಕೊಳ್ಳುತ್ತಾರೆ. ಹಣ ಕೊಡುವಾಗ ಸೆಲ್ ಫೋನ್ ಬಳಸುತ್ತೇವೆ.. ಕರೆಯಲ್ಲಿ ಮಾತನಾಡಿದರೆ ಏನಾಗುತ್ತದೆ? ಎಂಬ ವಾದಕ್ಕೆ ಬರುತ್ತಾರೆ. ಆದರೆ ಇದರ ಹಿಂದಿನ ಸತ್ಯ ತಿಳಿದರೆ ದಂಗಾಗುತ್ತೀರಿ.
ಪೆಟ್ರೋಲ್ ಬಂಕ್ ಗಳಲ್ಲಿ ಸೆಲ್ ಫೋನ್ ನಲ್ಲಿ ಮಾತನಾಡುತ್ತಾ ಪ್ರಾಣ ಕಳೆದುಕೊಂಡವರಿದ್ದಾರೆ, ತೀವ್ರವಾಗಿ ಗಾಯಗೊಂಡವರೂ ಇದ್ದಾರೆ. ಅದಕ್ಕೆ ಕಾರಣ ಮೊಬೈಲ್ ಫೋನ್‌ನಿಂದ ಬಿಡುಗಡೆಯಾಗುವ ರೇಡಿಯೇಷನ್. ಇಂದು ಮಾರುಕಟ್ಟೆಯಲ್ಲಿರುವ ಪ್ರತಿಯೊಂದು ಸ್ಮಾರ್ಟ್ ಫೋನ್ ನಿಂದ ರೇಡಿಯೇಶನ್ ಬರುತ್ತದೆ. ನಿಮ್ಮ ಮೊಬೈಲ್‌ನಲ್ಲಿ ಈ ವಿಕಿರಣದ SAR (ನಿರ್ದಿಷ್ಟ ಹೀರಿಕೊಳ್ಳುವ ಮಟ್ಟ) ಮಟ್ಟವು 1.6 ಕ್ಕಿಂತ ಕಡಿಮೆಯಿದ್ದರೆ, ಅದು ಅಪಾಯಕಾರಿ ಅಲ್ಲ ಎಂದು ಅರ್ಥ. ಅದೇ 3.5 ಕ್ಕಿಂತ ಹೆಚ್ಚಿದ್ದರೆ ಅದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಪೆಟ್ರೋಲ್ ಬಂಕ್ ನಲ್ಲಿ ಇಷ್ಟೊಂದು ರೇಡಿಯೇಷನ್ ಇರುವ ಮೊಬೈಲ್ ಫೋನ್ ಬಳಸಿದರೆ ಅಪಘಾತವಾಗುವ ಸಂಭವ ತುಂಬಾ ಹೆಚ್ಚಿರುತ್ತದೆ. ನಿಮ್ಮ ಮೊಬೈಲ್ ನಲ್ಲಿ ಎಷ್ಟು ರೇಡಿಯೇಶನ್ ಇದೆ ಎಂದು ತಿಳಿಯಬೇಕಾದರೆ *#07# ಕೋಡ್ ಟೈಪ್ ಮಾಡಿ ಚೆಕ್ ಮಾಡಿ.
ಪೆಟ್ರೋಲ್ ಬಂಕ್‌ನಲ್ಲಿ ಪಾವತಿಗಳನ್ನು ಸೆಲ್ ಫೋನ್‌ಗಳ ಮೂಲಕ ಮಾಡಲಾಗುತ್ತದೆ. ಆಗ ತೊಂದರೆ ಆಗಲ್ವಾ ಎಂದು ಪ್ರಶ್ನಿಸುವುದಾದರೆ..ಖಂಡಿತಾ ಇಲ್ಲ ಏಕೆಂದರೆ, ಪಾವತಿ ಮಾಡುವಾಗ ವಿಕಿರಣವು ಕರೆ ಮಾಡುವಾಗ ವಿಕಿರಣಕ್ಕಿಂತ ಕಡಿಮೆಯಿರುತ್ತದೆ. ಇದು ಹೆಚ್ಚಿನ ಅಪಾಯವನ್ನು ಉಂಟುಮಾಡದ ಕಾರಣ ಫೋನ್ ಪಾವತಿಯನ್ನು ಅನುಮತಿಸಲಾಗಿದೆ. ಹಾಗಾಗಿ ಪೆಟ್ರೋಲ್ ಬಂಕ್‌ನಲ್ಲಿ ಫೋನ್ ಮಾತಾಡುವ ಮೊದಲು ಈ ವಿಷಯಗಳ ಬಗ್ಗೆ ತಿಳಿದಿರುವುದು ಅವಶ್ಯಕ.
