ಹೊಸದಿಗಂತ ಡಿಜಟಲ್‌ ಡೆಸ್ಕ್
ನಿವೃತ್ತಿ ಹೊಂದಿದ ಹಿರಿಯ ಉದ್ಯೋಗಿಗಳಿಗೆ ಮತ್ತು ಪಿಂಚಣಿದಾರರಿಗೆ ಕೇಂದ್ರ ಸರಕಾರ ಸಿಹಿ ಸುದ್ದಿಯನ್ನು ನೀಡಿದ್ದು, ಇನ್ನು ಪಿಂಚಣಿಗೆ ಸಂಬಂಧಿಸಿದ ಎಲ್ಲಾ ಸೌಲಭ್ಯಗಳಿಗಾಗಿ ಸರ್ಕಾರಿ ಇಲಾಖೆಗಳನ್ನ ಸುತ್ತಬೇಕಾಗಿಲ್ಲ. ಕೇಂದ್ರ ಸರ್ಕಾರವು ಪಿಂಚಣಿದಾರರು ಮತ್ತು ನಿವೃತ್ತ ಹಿರಿಯ ನಾಗರಿಕರ ಅನುಕೂಲಕ್ಕಾಗಿ ‘ಏಕ ಗವಾಕ್ಷಿ’ ಪೋರ್ಟಲ್ ಪರಿಚಯಿಸುವುದಾಗಿ ಘೋಷಿಸಿದೆ.
ಈ ಕುರಿತು ಮಾಹಿತಿ ನೀಡಿದ ಕೇಂದ್ರ ಸಚಿವ ಜಿತೇಂದ್ರ ಸಿಂಗ್, ಪಿಂಚಣಿದಾರರು ಮತ್ತು ನಿವೃತ್ತ ಹಿರಿಯ ನಾಗರಿಕರಿಗೆ ಸಹಾಯ ಮಾಡಲು ‘ಏಕ ಗವಾಕ್ಷಿ’ ಪೋರ್ಟಲ್ ಸ್ಥಾಪಿಸುವುದಾಗಿ ಘೋಷಿಸಿದ್ದಾರೆ.
ಈ ಪೋರ್ಟಲ್ ದೇಶಾದ್ಯಂತ ಪಿಂಚಣಿದಾರರು ಮತ್ತು ಅವರ ಸಹವರ್ತಿಗಳೊಂದಿಗೆ ನಿರಂತರ ಸಂಪರ್ಕವನ್ನ ಕಾಯ್ದುಕೊಳ್ಳಲು ಸಹಾಯ ಮಾಡುವುದಲ್ಲದೇ, ತ್ವರಿತ ಪ್ರತಿಕ್ರಿಯೆಗಾಗಿ ಅವ್ರ ಸಲಹೆಗಳು ಮತ್ತು ದೂರುಗಳು ಇತ್ಯಾದಿಗಳನ್ನ ನಿರಂತರವಾಗಿ ಸ್ವೀಕರಿಸಲು ಸಾಧ್ಯವಾಗುತ್ತದೆ ಎಂದು ಸಿಂಗ್ ಹೇಳಿದರು.
ಪಿಂಚಣಿದಾರರ ಎಲ್ಲಾ ಸಮಸ್ಯೆಗಳನ್ನ ಒಂದೇ ಸ್ಥಳದಲ್ಲಿ ಡಿಜಿಟಲ್ ಮಂತ್ರಗಳ ಮೂಲಕ ಪರಿಹರಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳುವುದು ಸಾಮಾನ್ಯ ಪಿಂಚಣಿ ಪೋರ್ಟಲ್‌ನ ಉದ್ದೇಶವಾಗಿದೆ. ಪಿಂಚಣಿ ಬಾಕಿಯನ್ನು ಸಂಸ್ಕರಿಸಲು, ಮಂಜೂರು ಮಾಡಲು ಅಥವಾ ವಿತರಿಸಲು ಜವಾಬ್ದಾರರಾಗಿರುವ ಎಲ್ಲಾ ಸಚಿವಾಲಯಗಳನ್ನ ಈ ಡಿಜಿಟಲ್‌ಗೆ ಲಿಂಕ್ ಮಾಡಲಾಗಿದೆ
. ಇನ್ನು ಮೌಲ್ಯಮಾಪನದ ನಂತ್ರ ಸಮಸ್ಯೆಯನ್ನು ಪರಿಹರಿಸಲು ಸಂಬಂಧಿಸಿದ ಸಚಿವಾಲಯ ಅಥವಾ ಇಲಾಖೆಗೆ ದೂರುಗಳನ್ನ ಕಳುಹಿಸಲಾಗುತ್ತದೆ ಎಂದು ಜಿತೇಂದ್ರ ಸಿಂಗ್ ಹೇಳಿದರು. ಪಿಂಚಣಿದಾರರು ಮತ್ತು ನೋಡಲ್ ಅಧಿಕಾರಿಗಳು, ವ್ಯವಸ್ಥೆಯಲ್ಲಿ ವಿಲೇವಾರಿಯಾಗುವವರೆಗೆ ಆನ್ಲೈನ್ ದೂರಿನ ಸ್ಥಿತಿಯನ್ನು ನೋಡಬಹುದು ಎಂದು ಹೇಳಿದರು.
