ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಸತತ ಮೂರನೇ ಬಾರಿಗೆ ಆಡಳಿತಾರೂಢ ಕಮ್ಯುನಿಸ್ಟ್ ಪಕ್ಷದ ನಾಯಕರಾಗಿ (ಪಕ್ಷದ ಪ್ರಧಾನ ಕಾರ್ಯದರ್ಶಿ) ಆಯ್ಕೆಯಾಗಿ ದಾಖಲೆ ಬರೆದಿದ್ದಾರೆ. ಈ ಹಿಂದೆ ಈ ದಾಖಲೆಯು ಕಮ್ಯುನಿಸ್ಟ್ ಪಕ್ಷದ ಸಂಸ್ಥಾಪಕ ಮಾವೋ ಝೆಡಾಂಗ್ ಅವರ ಹೆಸರಿನಲ್ಲಿತ್ತು. ಜಿನ್ ಪಿಂಗ್, ನವೆಂಬರ್ 15, 2012 ರಿಂದ ಚೀನಾದ ಕಮ್ಯುನಿಸ್ಟ್ ಪಕ್ಷ ಅವರು ಮುಖ್ಯ ಕಾರ್ಯದರ್ಶಿಯಾಗಿ ಮುಂದುವರಿದಿದ್ದಾರೆ. ಮುಂದಿನ ವರ್ಷ ಮಾರ್ಚ್‌ನಲ್ಲಿ ಮೂರನೇ ಬಾರಿಗೆ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಳ್ಳಲಿದ್ದಾರೆ.
ಮುಂದಿನ ಐದು ವರ್ಷಗಳ ಕಾಲ ಅಧ್ಯಕ್ಷರಾಗಿ ಮುಂದುವರಿಯಲಿದ್ದಾರೆ. ಚೀನಾದ ಕಮ್ಯುನಿಸ್ಟ್ ಪಕ್ಷದ 20 ನೇ ರಾಷ್ಟ್ರೀಯ ಕಾಂಗ್ರೆಸ್‌ನಲ್ಲಿ ಈ ಕುರಿತು ನಿರ್ಣಯವನ್ನು ಅಂಗೀಕರಿಸಲಾಯಿತು. ಇಂದು, ಸ್ಥಾಯಿ ಸಮಿತಿಯು ಕ್ಸಿ ಜಿನ್‌ಪಿಂಗ್ ಅವರ ಹೆಸರನ್ನು ತಮ್ಮ ನಾಯಕ ಎಂದು ಅಧಿಕೃತವಾಗಿ ಘೋಷಿಸಿತು.
ಜೊತೆಗೆ ತಮ್ಮೊಂದಿಗೆ ಸ್ಪರ್ಧಿಸುವ ಸಾಧ್ಯತೆಯಿರುವ ಇತರ ಮೂವರು ನಾಯಕರನ್ನು ತಮ್ಮ ಪಕ್ಷದ ಕೇಂದ್ರ ಸಮಿತಿಯಿಂದ ತೆಗೆದುಹಾಕಿದರು. ಪಕ್ಷದ ಕೇಂದ್ರ ಸಮಿತಿಯು 25 ನಾಯಕರೊಂದಿಗೆ ಹೊಸ ರಾಜಕೀಯ ಬ್ಯೂರೋವನ್ನು ಆಯ್ಕೆ ಮಾಡಿದೆ. ವಾಸ್ತವವಾಗಿ, ಚೀನಾದ ಅಧ್ಯಕ್ಷರು 68 ವರ್ಷವನ್ನು ತಲುಪುವವರೆಗೆ ಮುಂದುವರಿಯಬೇಕು. ಈಗ ಕ್ಸಿ ಜಿನ್‌ಪಿಂಗ್‌ಗೆ 69 ವರ್ಷ. ಜಿನ್ ಪಿಂಗ್ ಅವರೇ ಅಧ್ಯಕ್ಷರಾಗುವ ಮಹತ್ವಾಕಾಂಕ್ಷೆಯಲ್ಲಿ 2018 ಅಧಿಕಾರಾವಧಿಯನ್ನು ವಿಸ್ತರಿಸಿ, ಮೂರನೇ ಬಾರಿಯೂ ಪಕ್ಷದ ಅಧ್ಯಕ್ಷರಾಗಿ ಜವಾಬ್ದಾರಿ ಹೊರುವ ಹಾದಿಯನ್ನು ಸುಗಮಗೊಳಿಸಿದರು.
