ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಇತ್ತೀಚಿಗೆ ಯೂಟ್ಯೂಬರ್ ರಣವೀರ್ ಅಲ್ಲಾಬಾಡಿಯಾ ಪೋಷಕರ ಕುರಿತಂತೆ ಕೊಳಕು ಜೋಕ್ ಮಾಡಿ ತೀವ್ರ ವಿವಾದಕ್ಕೆ ಗುರಿಯಾದ ಬೆನ್ನಲ್ಲೇ ಮಹಿಳಾ ಸ್ಟ್ಯಾಂಡ್-ಅಪ್ ಕಾಮಿಡಿಯನ್ ಸ್ವಾತಿ ಸಚ್‌ದೇವ ಸೆಕ್ಸ್ ಟಾಯ್ ಬಗ್ಗೆ ತನ್ನ ತಾಯಿಯ ಪ್ರತಿಕ್ರಿಯೆಯನ್ನು ಜೋಕ್ ಮಾಡಿರುವ ವಿಡಿಯೋ ವೈರಲ್ ಆಗಿದ್ದು, ಟೀಕೆಗೆ ಗುರಿಯಾಗಿದ್ದಾರೆ.
ಇತ್ತೀಚಿಗೆ ಮನೆಯಲ್ಲಿ ಸ್ವಾತಿ ಸಚ್‌ದೇವ ವೈಬ್ರೇಟರ್ (sex toy) ಇರುವುದು ಗೊತ್ತಾದ ಬಳಿಕ ತಾಯಿಯ ಪ್ರತಿಕ್ರಿಯೆ ಕುರಿತು ಹೇಳಿದ್ದು, ಈ ವಿಡಿಯೋ ಕ್ಲಿಪ್ ಶನಿವಾರ ವೈರಲ್ ಆಗಿದೆ. ಕೆಲವರು ಅದನ್ನು ಹಾಸ್ಯದ ರೀತಿಯಲ್ಲಿ ಸ್ವೀಕರಿಸಿದ್ದರೆ ಮತ್ತೆ ಕೆಲವರು, ಮಿತಿ ಮೀರಿದ ಹಾಸ್ಯ ಎಂದು ಟೀಕಿಸುತ್ತಿದ್ದಾರೆ.
ನನ್ನ ತಾಯಿ ಕೂಲ್ ಅಮ್ಮನಾಗಲು ಪ್ರಯತ್ನಿಸುತ್ತಿದ್ದಾಳೆ. ಆದರೆ ಅದು ಆಗುತ್ತಿಲ್ಲ. ನನ್ನ ವೈಬ್ರೇಟರ್ ನ್ನು ( sex toy)ಅವರು ನೋಡಿದ ನಂತರ ನನಗೆ ದೊಡ್ಡ ದುರಂತವೇ ಆಯಿತು. ಸಂಪೂರ್ಣ ಆತ್ಮವಿಶ್ವಾಸದೊಂದಿಗೆ ನನ್ನ ಬಳಿಗೆ ಬಂದು ಸ್ನೇಹಿತೆ ಜೊತೆಗೆ ಮಾತನಾಡುವಂತೆ ಮಾಡಿದಳು. ಆಕೆ ಖಂಡಿತವಾಗಿಯೂ ನನ್ನ ವೈಬ್ರೇಟರ್ ಕೇಳುತ್ತಾಳೆ ಅಂದುಕೊಂಡಿದ್ದೆ. ಆಕೆ ಅದನ್ನು ಗ್ಯಾಜೆಟ್, ಆಟಿಕೆ ಎನ್ನಲು ಶುರು ಮಾಡಿದರು.ನಾನು, ಅಮ್ಮಾ ಇದು ಅಪ್ಪಾನಿಗೆ ಸೇರಿದ್ದು ಅಂದೆ. ನಾನ್ ಸೆನ್ಸ್ ಆಗಿ ಮಾತನಾಡಬೇಡ, ಅವರ ಆಯ್ಕೆ ನನಗೆ ಗೊತ್ತು ಎಂದು ಹೇಳಿದರು. ತದನಂತರ ನನ್ನ ತಾಯಿ ಅದನ್ನು ಹೊರಗೆ ತಂದು ನನ್ನನ್ನು ಕೇಳಲು ಪ್ರಾರಂಭಿಸಿದರು ಎಂದು ಸ್ವಾತಿ ಸಚ್‌ದೇವಾ ವೈರಲ್ ವೀಡಿಯೊ ಕ್ಲಿಪ್‌ನಲ್ಲಿ ಹೇಳಿದ್ದಾರೆ.
ಈ ವಿಡಿಯೋ ವೀಕ್ಷಿಸಿದ ಎಕ್ಸ್ ಬಳಕೆದಾರರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
