ಅಬಕಾರಿ ಸುಂಕ ತಡೆ ಮುಂದುವರಿಕೆ, ರಾಜ್ಯದಲ್ಲಿ ʼಎಣ್ಣೆʼ ಶಾರ್ಟೇಜ್‌!

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌: 

ದೇಶಿ ನಿರ್ಮಿತ ಮದ್ಯದ ಕೊರತೆಯನ್ನು ಕರ್ನಾಟಕ ರಾಜ್ಯ ಎದುರಿಸುತ್ತಿದ್ದು, ಮದ್ಯಪ್ರಿಯರಿಗೆ ಬೇಸರತಂದಿದೆ. ಮಾರುಕಟ್ಟೆಯಲ್ಲಿ ತಮ್ಮಿಷ್ಟದ ಬ್ರ್ಯಾಂಡ್‌ನ ಮದ್ಯ ಸಿಗದೇ ಎಣ್ಣೆಪ್ರಿಯರು ಪರದಾಡುತ್ತಿದ್ದಾರೆ.

ಮದ್ಯ ಮತ್ತು ಆತಿಥ್ಯ ಉದ್ಯಮದ ಮೂಲಗಳ ಪ್ರಕಾರ, ಸರ್ಕಾರದ ಹೊಸ ಅಧಿಸೂಚನೆಯಲ್ಲಿ ಎಕ್ಸ್ ಡಿಸ್ಟಿಲರಿ ಪ್ರೈಸ್ ಸಲ್ಲಿಸುವಲ್ಲಿ ಡಿಸ್ಟಿಲ್ಲರ್‌ಗಳು ಮತ್ತು ಅಬಕಾರಿ ಇಲಾಖೆ ನಡುವೆ ವರದಿಯಾದ ಬಿಕ್ಕಟ್ಟನ್ನು ಶೀಘ್ರವಾಗಿ ಪರಿಹರಿಸದಿದ್ದರೆ ರಾಜ್ಯವು ದೇಶಿ ನಿರ್ಮಿತ ಲಿಕ್ಕರ್ ನ ಕೊರತೆಯನ್ನು ತೀವ್ರವಾಗಿ ಅನುಭವಿಸಬಹುದು.

ದೇಶಿ ನಿರ್ಮಿತ ಲಿಕ್ಕರ್ ಸ್ಥಗಿತದ ಹಿನ್ನೆಲೆಯಲ್ಲಿ, ಡಿಸ್ಟಿಲರ್‌ಗಳು ತಮ್ಮ ಆಲ್ಕೋಹಾಲ್ ನ್ನು ಕರ್ನಾಟಕ ರಾಜ್ಯ ಪಾನೀಯಗಳ ನಿಗಮ ಲಿಮಿಟೆಡ್‌ಗೆ ಪೂರೈಸಲು ಸಾಧ್ಯವಾಗಿಲ್ಲ, ಇದು ರಾಜ್ಯದಲ್ಲಿ ಅಬಕಾರಿ ಪರವಾನಗಿಗಳಿಗೆ ಸುಂಕ ಪಾವತಿಸಿದ ಮದ್ಯವನ್ನು ವಿತರಿಸುತ್ತದೆ.