ಸಾಮಾನ್ಯ ಮೊಮೊಸ್ ಗಿಂತ ಅಫ್ಘಾನಿ ಮೊಮೊಸ್ ರುಚಿ ಸಂಪೂರ್ಣ ವಿಭಿನ್ನ. ಹೊರಗೆ ಸಾಫ್ಟ್ ಸ್ಟೀಮ್ ಲೇರ್, ಒಳಗೆ ಕ್ರೀಮಿ ಫಿಲ್ಲಿಂಗ್ ಇದೇ ಇದರ ವಿಶೇಷತೆ. ಬೀದಿ ಆಹಾರ ಪ್ರಿಯರಿಗೂ, ಮನೆಯಲ್ಲೇ ಹೊಸ ಹೊಸ ಪ್ರಯೋಗ ಮಾಡುವವರಿಗೆ ಇದು ಸೂಪರ್ ಆಯ್ಕೆ.
ಬೇಕಾಗುವ ಪದಾರ್ಥಗಳು
ಮೈದಾ – 2 ಕಪ್
ಉಪ್ಪು – ರುಚಿಗೆ
ನೀರು – ಅಗತ್ಯಷ್ಟು
ತರಕಾರಿ ಮಿಶ್ರಣ – 1 ಕಪ್
ಈರುಳ್ಳಿ – 1 (ಸಣ್ಣ ಚೂರಾಗಿ)
ಬೆಳ್ಳುಳ್ಳಿ – 1 ಟೀಸ್ಪೂನ್ (ಪೇಸ್ಟ್)
ಮೆಣಸು ಪುಡಿ – ಅರ್ಧ ಟೀಸ್ಪೂನ್
ಉಪ್ಪು – ಸವಿಗೆ
ಆಯಿಲ್ – 1 ಟೀಸ್ಪೂನ್
ತಾಜಾ ಕ್ರೀಮ್ – 3 ಟೇಬಲ್ ಸ್ಪೂನ್
ಕ್ರೀಮ್ ಚೀಸ್ / ಮೇಯೋನೀಸ್ – 2 ಟೇಬಲ್ ಸ್ಪೂನ್
ಬೆಣ್ಣೆ – 1 ಟೇಬಲ್ ಸ್ಪೂನ್
ಮೆಣಸು ಪುಡಿ – ಸ್ವಲ್ಪ
ತಯಾರಿಸುವ ವಿಧಾನ
ಒಂದು ಬಾಣಲೆಗೆ ಮೈದಾ, ಉಪ್ಪು ಹಾಕಿ ನಿಧಾನವಾಗಿ ನೀರು ಸೇರಿಸಿ ಸಾಫ್ಟ್ ಹಿಟ್ಟಾಗಿ ನಾದಿ, 20 ನಿಮಿಷ ಮುಚ್ಚಿ ಇಡಿ.
ಫಿಲ್ಲಿಂಗ್‌ಗಾಗಿ ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಈರುಳ್ಳಿ, ಬೆಳ್ಳುಳ್ಳಿ ಹಾಕಿ ಸ್ವಲ್ಪ ಹುರಿದು, ಸಣ್ಣಗೆ ಕತ್ತರಿಸಿದ ತರಕಾರಿಗಳನ್ನು ಸೇರಿಸಿ, ಉಪ್ಪು–ಮೆಣಸು ಹಾಕಿ ಚೆನ್ನಾಗಿ ಬೇಯಿಸಿಕೊಳ್ಳಿ.
ಹಿಟ್ಟನ್ನು ಸಣ್ಣ ಉಂಡೆಗಳಾಗಿ ಮಾಡಿ, ಸಣ್ಣ ಪೂರಿಯಂತೆ ಲಟ್ಟಿಸಿ ಮಧ್ಯದಲ್ಲಿ ಫಿಲ್ಲಿಂಗ್ ಹಾಕಿ ಮೋಮೋಸ್ ಆಕಾರಕ್ಕೆ ಮಡಚಿ. ಎಲ್ಲ ಮೋಮೋಸ್‌ಗಳನ್ನು ಸ್ಟೀಮರ್‌ನಲ್ಲಿ 10–12 ನಿಮಿಷ ಬೇಯಿಸಿ.
ಇನ್ನೊಂದು ಪಾತ್ರೆಯಲ್ಲಿ ಬೆಣ್ಣೆ ಕರಗಿಸಿ, ಕ್ರೀಮ್, ಮೇಯೋನೀಸ್, ಉಪ್ಪು, ಮೆಣಸು ಸೇರಿಸಿ ಕಡಿಮೆ ಬೆಂಕಿಯಲ್ಲಿ ಗಟ್ಟಿಯಾಗದಂತೆ ಮಿಕ್ಸ್ ಮಾಡಿ ಅಫ್ಘಾನಿ ಸಾಸ್ ತಯಾರಿಸಿ. ಬೇಯಿಸಿದ ಮೊಮೊಸ್ಗಳ ಮೇಲೆ ಈ ಕ್ರೀಮಿ ಸಾಸ್ ಹಾಕಿ, ಮೇಲಿಂದ ಸ್ವಲ್ಪ ಮೆಣಸು ಪುಡಿ ಸಿಂಪಡಿಸಿ ಸರ್ವ್ ಮಾಡಿ.
