ಹೊಸದಿಗಂತ ಡಿಜಿಟಲ್ ಡೆಸ್ಕ್:
ದಿನನಿತ್ಯ ಹೊಟೇಲ್ ತಿಂಡಿ-ತಿನಿಸುಗಳ ಮೇಲೆ ಅವಲಂಬಿತವಾಗಿರುವ ಸಾವಿರಾರು ಜನರಿಗೆ ಈಗ ವಾಣಿಜ್ಯ ಬಳಕೆಯ ಗ್ಯಾಸ್ ಸಿಲಿಂಡರ್ ಬೆಲೆ ಏರಿಕೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಮನೆಯಲ್ಲಿ ಅಡುಗೆ ಮಾಡಲಾಗದೆ ಅಥವಾ ಕೆಲಸದ ಒತ್ತಡದಿಂದ ಹೊಟೇಲ್ ನಂಬಿಕೊಂಡಿರುವ ಮಧ್ಯಮ ವರ್ಗದ ಜನರಿಗೆ ಇದು ಆರ್ಥಿಕ ಸಂಕಷ್ಟ ತಂದೊಡ್ಡಲಿದೆ.
ವಾಣಿಜ್ಯ ಸಿಲಿಂಡರ್ ದರ ಏರಿಕೆಯಾದಾಗ ಹೊಟೇಲ್ ಮಾಲೀಕರು ಲಾಭಾಂಶ ಸರಿದೂಗಿಸಲು ಅನಿವಾರ್ಯವಾಗಿ ತಿಂಡಿ ಮತ್ತು ಊಟದ ದರವನ್ನು ಹೆಚ್ಚಿಸಬೇಕಾಗುತ್ತದೆ.
ವಿಶೇಷವಾಗಿ ನಗರ ಪ್ರದೇಶಗಳಲ್ಲಿ ವಾಸಿಸುವ ಬ್ಯಾಚುಲರ್ಸ್ಗಳು, ಕೆಲಸಕ್ಕೆ ಹೋಗುವ ದಂಪತಿಗಳು ಮತ್ತು ಕಟ್ಟಡ ಕಾರ್ಮಿಕರಿಗೆ ಹೊಟೇಲ್ ಊಟವೇ ಆಸರೆ. ಈಗ ಅಲ್ಲಿಯೂ ಬೆಲೆ ಏರಿಕೆಯಾದರೆ ಅವರ ಮಾಸಿಕ ಬಜೆಟ್ ಬುಡಮೇಲಾಗಲಿದೆ.
ಬೆಲೆ ಏರಿಕೆಯ ಭೀತಿಯಿಂದ ಜನರು ಹೊಟೇಲ್ ಕಡೆ ಮುಖ ಮಾಡುವುದು ಕಡಿಮೆಯಾಗಬಹುದು ಅಥವಾ ಅನಿವಾರ್ಯವಾಗಿ ಹೆಚ್ಚಿನ ಹಣ ನೀಡಬೇಕಾಗಬಹುದು. ಇದು ಸಾರ್ವಜನಿಕರ ಜೀವನದ ಮೇಲೆ ನೇರ ಪರಿಣಾಮ ಬೀರಲಿದೆ.
