ಮೇಷ
ಇಂದು ನಿಮಗೆ ಪೂರಕವಾದ ದಿನ. ಹಾಗಾಗಿ ಎಲ್ಲ ಕಾರ್ಯಗಳು ಸಫಲ. ಕೌಟುಂಬಿಕ ಬಿಕ್ಕಟ್ಟು ಪರಿಹಾರ. ವೃತ್ತಿಯಲ್ಲಿ ಉನ್ನತಿ, ಮೆಚ್ಚುಗೆ.
ವೃಷಭ
ವಸ್ತು ಖರೀದಿಯ ಹುಮ್ಮಸ್ಸಿನಿಂದ ಜೇಬಿಗೆ ಕತ್ತರಿ ಬೀಳಬಹುದು. ಉಳಿತಾಯಕ್ಕೂ ಗಮನ ಕೊಡಿ. ಕುಟುಂಬ ಸದಸ್ಯರ ಜತೆ ಶಾಂತ ಮನಸ್ಸಿನಿಂದ ವರ್ತಿಸಿರಿ.
ಮಿಥುನ
ಪ್ರೀತಿಯ ವಿಷಯದಲ್ಲಿ ಉದ್ವಿಗ್ನತೆ ಹೆಚ್ಚಿಸುವ ಬೆಳವಣಿಗೆ ನಡೆದೀತು. ಪರಿಸ್ಥಿತಿಯನ್ನು ಸಂಯಮದಿಂದ ನಿಭಾಯಿಸಿ. ರೋಷಾವೇಶ ಬಿಡಿ.
ಕಟಕ
ಪ್ರೀತಿಪಾತ್ರರ ಜತೆ ವಾಗ್ವಾದ ನಡೆದೀತು. ಅವರ ಅಭಿಪ್ರಾಯಕ್ಕೂ ಮನ್ನಣೆ ನೀಡಲು ಕಲಿತರೆ ಇಂತಹ ಸಂಘರ್ಷ ನಿವಾರಿಸಬಹುದು.
ಸಿಂಹ
ಚಿಂತೆಗೆ ಕಾರಣವಾಗುವ ಪ್ರಸಂಗ ಉಂಟಾದೀತು. ಅದನ್ನು ಸಹನೆಯಿಂದ ನಿಭಾಯಿಸಿ. ಸಮಸ್ಯೆಗೆ ಪರಿಹಾರ ಕಷ್ಟವಲ್ಲ ಎಂಬ ಅರಿವು ನಿಮಗೆ ಆಗಲಿದೆ. ಖರ್ಚು ಅಧಿಕ.
ಕನ್ಯಾ
ಇಂದು ಮಹತ್ವದ ನಿರ್ಧಾರ ತಾಳಲು ಹೋಗದಿರಿ. ಅದು ನಿರೀಕ್ಷಿತ ಫಲ ನೀಡದು. ಧಾರ್ಮಿಕ ವಿಚಾರಗಳಲ್ಲಿ ಹೆಚ್ಚು ಆಸಕ್ತಿ ಮೂಡುವುದು.
ತುಲಾ
ಅತೀ ಆಪ್ತರ ಜತೆ ಭಿನ್ನಾಭಿಪ್ರಾಯ ಉಂಟಾದೀತು. ಅದನ್ನು ವಿಕೋಪಕ್ಕೆ ಕೊಂಡೊಯ್ಯದಿರಿ. ವೃತ್ತಿಯಲ್ಲಿ ಅನಿರೀಕ್ಷಿತ ಧನಲಾಭ.
ವೃಶ್ಚಿಕ
ದಿನವಿಡೀ ಕಾರ್ಯದ ಒತ್ತಡ. ಹೆಚ್ಚಿನ ಹೊಣೆಗಾರಿಕೆ. ನಿಮ್ಮ ಯೋಜನೆ ಸಫಲತೆ ಕಾಣುವುದು. ಕುಟುಂಬದ ಜತೆ ಹೆಚ್ಚು ಕಾಲ ಕಳೆಯುವಿರಿ.
ಧನು
ಹೆಚ್ಚು ಹೊಣೆಗಾರಿಕೆ. ಇತರರ ಕೆಲಸವನ್ನೂ ನೀವೇ ಮಾಡಬೇಕಾದ ಪ್ರಸಂಗ. ಆರ್ಥಿಕ ವ್ಯವಹಾರದಲ್ಲಿ ಲಾಭ. ಬಂಧುಗಳಿಂದ ಉತ್ತಮ ಸಹಕಾರ.
ಮಕರ
ಕೆಲಸದಲ್ಲಿ ಕಠಿಣ ಸವಾಲು ಎದುರಿಸುವಿರಿ. ನಿಮ್ಮ ಆತ್ಮವಿಶ್ವಾಸ ಕಳಕೊಳ್ಳದಿರಿ. ಅಂತಿಮವಾಗಿ ಎಲ್ಲವೂ ನಿಮ್ಮ ಪರವಾಗಿ ನಡೆಯುವುದು.
ಕುಂಭ
ಕುಟುಂಬ ಸದಸ್ಯರ ಬೇಡಿಕೆಗಳಿಗೆ ಆದ್ಯತೆ ಕೊಡಬೇಕಾಗುವುದು. ಬಂಧುಗಳ ಸಹಕಾರ ನಿರೀಕ್ಷಿಸಬೇಡಿ. ಕಠಿಣ ಕಾರ್ಯ ಸುಲಭವಾಗಿ ನೆರವೇರುತ್ತದೆ.
ಮೀನ
ವೃತ್ತಿಯಲ್ಲಿ ಯಶಸ್ವಿ ದಿನ. ವ್ಯವಹಾರ ವೃದ್ಧಿ. ಉದ್ದೇಶ ಈಡೇರಿಕೆ. ಕೌಟುಂಬಿಕ ಬದುಕು ಸಮಾಧಾನಕರ. ಪ್ರೀತಿಪಾತ್ರರ ಮನಸ್ಸು ಗೆಲ್ಲುವಿರಿ.
