ನಮ್ಮ ನಗು ಸುಂದರವಾಗಿರಲು ಹಲ್ಲುಗಳ ಆರೋಗ್ಯ ಬಹಳ ಮುಖ್ಯ. ಅದಕ್ಕೆ ಬ್ರಷ್ ಮಾಡುವುದು ಮಾತ್ರ ಸಾಲದು; ಸರಿಯಾದ ಆಹಾರವೂ ಹಲ್ಲುಗಳನ್ನು ಬಲಪಡಿಸುತ್ತದೆ ಎಂದು ತಜ್ಞರು ಹೇಳುತ್ತಾರೆ. ದೈನಂದಿನ ಆಹಾರದಲ್ಲಿ ಕೆಲವು ಪೌಷ್ಟಿಕ ಪದಾರ್ಥಗಳನ್ನು ಸೇರಿಸಿದರೆ ಹಲ್ಲುಗಳು ಗಟ್ಟಿಯಾಗುವುದರ ಜೊತೆಗೆ ಹಲ್ಲುಗಳ ಸಮಸ್ಯೆಗಳನ್ನೂ ತಡೆಯಬಹುದು.
ಹಾಲು, ಮೊಸರು, ಚೀಸ್ಗಳಲ್ಲಿ ಕ್ಯಾಲ್ಸಿಯಂ ಸಮೃದ್ಧವಾಗಿದ್ದು, ಹಲ್ಲಿನ ಎನಾಮೆಲ್ ಬಲವಾಗಿರಲು ಸಹಕಾರಿ. ವಿಶೇಷವಾಗಿ ಚೀಸ್ ತಿಂದ ಬಳಿಕ ಬಾಯಿಯ ಆಸಿಡ್ ಪ್ರಮಾಣ ಕಡಿಮೆಯಾಗುತ್ತದೆ.
ಪಾಲಕ್, ಮೆಂತೆ, ಬಸಳೆ ಮುಂತಾದ ಸೊಪ್ಪುಗಳಲ್ಲಿ ಕ್ಯಾಲ್ಸಿಯಂ ಹಾಗೂ ಫೋಲಿಕ್ ಆಮ್ಲ ಇರುವುದರಿಂದ ಹಲ್ಲು ಹಾಗೂ ಒಸಡುಗಳ ಆರೋಗ್ಯ ಕಾಪಾಡುತ್ತದೆ.
ಇದನ್ನೂ ಓದಿ:
ಸೇಬು ಅಥವಾ ಕ್ಯಾರೆಟ್ ತಿನ್ನುವುದರಿಂದ ಸ್ವಾಭಾವಿಕವಾಗಿ ಹಲ್ಲುಗಳ ಮೇಲಿನ ಮಲಿನತೆ ಕಡಿಮೆಯಾಗುತ್ತದೆ. ಇವು ಲಾಲಾರಸ ಉತ್ಪತ್ತಿ ಹೆಚ್ಚಿಸಿ ಬಾಯಿಯನ್ನು ಸ್ವಚ್ಛವಾಗಿಡಲು ಸಹಾಯ ಮಾಡುತ್ತವೆ.
ಬಾದಾಮಿ, ಎಳ್ಳು, ಕುಂಬಳಕಾಯಿ ಬೀಜ ಮುಂತಾದವುಗಳಲ್ಲಿ ಖನಿಜಾಂಶಗಳು ಹೆಚ್ಚು. ಇವು ಹಲ್ಲುಗಳಿಗೆ ಪೋಷಕಾಂಶ ಒದಗಿಸುತ್ತವೆ.
ಅತಿಯಾದ ಸಕ್ಕರೆ ಮತ್ತು ಸಿಹಿ ಪಾನೀಯಗಳನ್ನು ಕಡಿಮೆ ಮಾಡುವುದು ಅತ್ಯಗತ್ಯ. ಪ್ರತಿದಿನ ಎರಡು ಬಾರಿ ಬ್ರಷ್ ಮಾಡುವುದು ಹಾಗೂ ನಿಯಮಿತವಾಗಿ ದಂತ ವೈದ್ಯರನ್ನು ಭೇಟಿ ಮಾಡುವುದು ಉತ್ತಮ.
