ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಚಾಂಪಿಯನ್ ಟ್ರೋಫಿಯ ಫೈನಲ್ ಪಂದ್ಯದಲ್ಲಿ ಟೀಮ್ ಇಂಡಿಯಾ ಹಾಗೂ ನ್ಯೂಜಿಲೆಂಡ್ ನಡುವೆ ಪೈಪೋಟಿ ನಡೆಯುತ್ತಿದೆ. ದುಬೈ ಯಲ್ಲಿ ನಡೆಯುವ ಈ ಪಂದ್ಯ ನೋಡಲು ಭಾರತದ ಸ್ಪಿನ್ನರ್ ಯಜುವೇಂದ್ರ ಚಹಲ್, ಯುವತಿಯೊಬ್ಬರ ಜೊತೆ ಆಗಮಿಸಿರುವುದು ಸಖತ್ ವೈರಲ್ ಆಗುತ್ತಿದೆ.
ಟೀಮ್ ಇಂಡಿಯಾದ ಸ್ಪಿನ್ನರ್ ಯಜುವೇಂದ್ರ ಚಹಲ್ ತನ್ನ ಪತ್ನಿ ಧನಶ್ರೀ ವರ್ಮಾರಿಂದ ಬೇರೆ ಆಗಿದ್ದಾರೆ ಎನ್ನವುದು ಎಲ್ಲರಿಗೂ ಗೊತ್ತಿರುವ ಸಂಗತಿ. ಏಕಾಂಗಿಯಾಗಿರುವ ಕುರಿತು ಚಹಲ್ ತಮ್ಮ ಇನ್ಸ್ಟಾದಲ್ಲಿ ದಿನಕ್ಕೊಂದು ಪೋಸ್ಟ್ ಶೇರ್ ಮಾಡುತ್ತಿರುತ್ತಾರೆ. ಮುಂಬೈನ ಬಾಂದ್ರಾ ಫ್ಯಾಮಿಲಿ ಕೋರ್ಟ್‌ ಅರ್ಜಿ ಪುರಸ್ಕರಿಸಿ ಧನಶ್ರೀ-ಚಹಲ್ ವಿಚ್ಛೇದನ ಮಂಜೂರು ಮಾಡಿದೆ. ಇದೀಗ ಚಹಲ್ ಇನ್ನೊಬ್ಬ ಯುವತಿ ಜೊತೆ ಕಾಣಿಸಿರುವುದು ಸುದ್ದಿಯಾಗಿದೆ.
ಫೈನಲ್ ಪಂದ್ಯವನ್ನು ಗ್ಯಾಲರಿಯಲ್ಲಿ ಕುಳಿತು ಯಜುವೇಂದ್ರ ಚಹಲ್ ವೀಕ್ಷಣೆ ಮಾಡುತ್ತಿದ್ದಾರೆ. ಆದ್ರೆ ಪಕ್ಕದಲ್ಲಿ ಬ್ಯೂಟಿಫುಲ್ ಯುವತಿ ಇದ್ದು ಅವರ ಜೊತೆ ಮಾತಿನಲ್ಲಿ ತೊಡಗಿದ್ದಾರೆ. ಚಹಲ್ ಜೊತೆ ಇರುವ ಯುವತಿ ಹೆಸರು ಆರ್.ಜೆ ಮಹ್ವಾಶ್ ಎನ್ನುವುದು ಗೊತ್ತಾಗಿದೆ.
ಚಹಲ್- ಆರ್.ಜೆ ಮಹ್ವಾಶ್ ಅವರ ಫುಲ್ ವೈರಲ್ ಆಗಿರುವ ಫೋಟೋಗಳಿಗೆ ನೆಟ್ಟಿಗರು ವಿಧ ವಿಧವಾದ ಕಮೆಂಟ್ಸ್ ಮಾಡುತ್ತಿದ್ದಾರೆ. ಇವರು ನ್ಯೂ ಬಾಬಿ ಎಂದು ಕಮೆಂಟ್ ಮಾಡಿದ್ರೆ, ಬ್ರೋ ಮತ್ತೆ ಸೆಟ್ ಮಾಡಿಕೊಂಡ ಎಂದು ಇನ್ನೊಬ್ಬರು ಹೇಳಿದ್ದಾರೆ.
