ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ನಟ ಆಮಿರ್ ಖಾನ್‌ ಜೊತೆಗೆ ಸಾಕಷ್ಟು ಹೀರೋಯಿನ್‌ಗಳ ಹೆಸರು ಕೇಳಿಬಂದಿದೆ. ಇದರಲ್ಲಿ ನಟಿ ಫಾತೀಮಾ ಶೇಖ್‌ ಕೂಡ ಒಬ್ಬರು. ಮಗಳ ವಯಸ್ಸಿನ ಹುಡುಗಿ ಜೊತೆ ಆಮಿರ್ ಡೇಟಿಂಗ್‌ನಲ್ಲಿ ಇದ್ದಾರೆ ಎಂದು ತಮಾಷೆ ಮಾಡಲಾಗುತ್ತಿತ್ತು. ಆದರೆ ಇದೀಗ ಆಮಿರ್ ಖಾನ್‌ ಗೌರಿ ಜೊತೆಗೆ ಡೇಟಿಂಗ್‌ನಲ್ಲಿದ್ದಾರೆ.
ಹೀಗಿರುವಾಗಲೇ ಫಾತಿಮಾ ಶೇಖ್‌ ನನ್ನ ಗರ್ಲ್‌ಫ್ರೆಂಡ್‌ ಅಲ್ಲ, ನಾನು ಅವಳಿಗೆ ತಂದೆ ಸಮಾನನೂ ಅಲ್ಲ ಎಂದು ಆಮಿರ್ ಹೇಳಿದ್ದಾರೆ.
ದಂಗಲ್ ಚಿತ್ರದಲ್ಲಿ ಫಾತಿಮಾ ಅವರ ತಂದೆಯ ಪಾತ್ರವನ್ನು ಅಮೀರ್ ನಿರ್ವಹಿಸಿದ್ದರು. ಥಗ್ಸ್ ಆಫ ಹಿಂದೂಸ್ತಾನ್ ಚಿತ್ರದಲ್ಲಿ ಆಮಿರ್ ಪ್ರೇಮಿಯ ಪಾತ್ರವನ್ನು ಅವರು ನಿರ್ವಹಿಸಿದ್ದಾರೆ. ಈ ಕಾರಣದಿಂದಾಗಿ, ನಿರ್ದೇಶಕ ವಿಜಯ್ ಅವರ ಒಂದು ಲವ್ ಸಾಂಗ್ನ ಚಿತ್ರದಿಂದ ತೆಗೆದುಹಾಕಿದ್ದರು. ಫಾತಿಮಾ ಅವರೊಂದಿಗಿನ ಸಂಬಂಧದ ಕಾರಣದಿಂದ ಆಮಿರ್ ಅವರು ಒಂದು ಪಾತ್ರವನ್ನು ಅವರಿಗೆ ನೀಡಿದ್ದಾರೆ ಎಂದು ಸಾಕಷ್ಟು ಚರ್ಚೆ ನಡೆದಿತ್ತು . ಇದಕ್ಕೆ ಆಮಿರ್ ಕೂಡ ತೀವ್ರವಾಗಿ ಪ್ರತಿಕ್ರಿಯಿಸಿದರು.
ಯಾವ ನಟಿಯೂ ಜಫೀರಾ ಪಾತ್ರಕ್ಕೆ ಹೌದು ಎಂದು ಹೇಳುತ್ತಿರಲಿಲ್ಲ. ದೀಪಿಕಾ, ಆಲಿಯಾ, ಶ್ರದ್ಧಾ ಈಗಾಗಲೇ ನಿರಾಕರಿಸಿದ್ದರು. ಇಡೀ ಚಿತ್ರರಂಗಕ್ಕೆ ಆ ಪಾತ್ರವನ್ನು ನೀಡಲಾಗಿತ್ತು, ಆದರೆ ಯಾರೂ ಅದನ್ನು ಮಾಡಲು ಸಿದ್ಧರಿರಲಿಲ್ಲ ಎಂದು ಆಮಿರ್ ಹೇಳಿದರು. ಆ ಪಾತ್ರಕ್ಕಾಗಿ ಫಾತಿಮಾ ಅವರನ್ನು ಆಡಿಷನ್ ಮಾಡಿದ ನಂತರ, ನಿರ್ಮಾಪಕರು ಅವರನ್ನು ಆಯ್ಕೆ ಮಾಡಿದರು. ಆದರೆ ಚಿತ್ರದಲ್ಲಿ ಫಾತಿಮಾ ಅವರೊಂದಿಗೆ ಒಂದು ಲವ್ ಸಾಂಗ್ ಮಾಡಲು ಆಮಿರ್ ನಿರಾಕರಿಸಿದ್ದರು.
