ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ದೇಶದಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಚರ್ಚೆ ಆಗುತ್ತಿರುವ ಏಕರೂಪ ನಾಗರಿಕ ಸಂಹಿತೆ (ಯುಸಿಸಿ) ಕುರಿತಾದ ಮೆಗಾ ಸಮೀಕ್ಷೆ ನಡೆದಿದ್ದು, ಈ ಆಧಾರ 67.2 ಪ್ರತಿಶತದಷ್ಟು ಮುಸ್ಲಿಂ ಮಹಿಳೆಯರು ಯುಸಿಸಿ ಅನ್ನು ಬೆಂಬಲಿಸುತ್ತಾರೆ ಎಂದು ತಿಳಿದುಬಂದಿದೆ.
25 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಂದ 8,035 ಕ್ಕೂ ಹೆಚ್ಚು ಮುಸ್ಲಿಂ ಮಹಿಳೆಯರು ಸಮೀಕ್ಷೆಯಲ್ಲಿ ಭಾಗವಹಿಸಿದ್ದರು.
ಯುಸಿಸಿ ಪ್ರಕಾರ ಎಲ್ಲಾ ಭಾರತೀಯ ನಾಗರಿಕರಿಗೆ ಅವರ ಧರ್ಮವನ್ನು ಲೆಕ್ಕಿಸದೆ ಅನ್ವಯವಾಗುವ ಒಂದು ಕಾನೂನನ್ನು ಅರ್ಥೈಸುತ್ತದೆ. ಈ ಕಾನೂನುಗಳು ಮದುವೆ, ವಿಚ್ಛೇದನ, ದತ್ತು ಮತ್ತು ಉತ್ತರಾಧಿಕಾರದಂತಹ ವೈಯಕ್ತಿಕ ವಿಷಯಗಳನ್ನು ಒಳಗೊಳ್ಳುತ್ತವೆ.
ಸಮೀಕ್ಷೆ ವೇಳೆ ಏಕರೂಪ ನಾಗರಿಕ ಸಂಹಿತೆ ಕಾನೂನುಗಳನ್ನು ನೀವು ಬೆಂಬಲಿಸುತ್ತೀರಾ ಎಂದು ಕೇಳಿದಾಗ, ಒಟ್ಟು ಮಹಿಳೆಯರಲ್ಲಿ 67.2 ಪ್ರತಿಶತದಷ್ಟು ಜನರು ‘ಹೌದು’ ಎಂದು ಉತ್ತರಿಸಿದರೆ, 25.4 ಪ್ರತಿಶತದಷ್ಟು ಮಹಿಳೆಯರು ‘ಇಲ್ಲ’ ಎಂದು ಉತ್ತರಿಸಿದರೆ, 7.4 ಪ್ರತಿಶತದಷ್ಟು ಮಹಿಳೆಯರು ‘ಗೊತ್ತಿಲ್ಲ ಅಥವಾ ಹೇಳಲು ಸಾಧ್ಯವಿಲ್ಲ’ ಎಂದು ಹೇಳಿದರು.
ಶೈಕ್ಷಣಿಕ ಅರ್ಹತೆಗೆ ಸಂಬಂಧಿಸಿದಂತೆ, 68.4 ಪ್ರತಿಶತ ಅಥವಾ 2,076 ಪದವಿ ಪಡೆದ ಮಹಿಳೆಯರು ಯುಸಿಸಿಯನ್ನು ಬೆಂಬಲಿಸುವುದಾಗಿ ಹೇಳಿದರೆ, 27 ಪ್ರತಿಶತದಷ್ಟು ಜನರು ಅದನ್ನು ಬೆಂಬಲಿಸುವುದಿಲ್ಲ ಎಂದು ಹೇಳಿದರು.
