ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌:
ಮರಾಠಿ ಮಾತಾಡು ಇಲ್ಲ ಅಂದ್ರೆ ದುಡ್‌ ಕೊಡೋದಿಲ್ಲ ಎಂದು ದಂಪತಿ ಪಿಝಾ ಡೆಲಿವರಿ ಬಾಯ್‌ಗೆ ಧಮ್ಕಿ ಹಾಕಿದ್ದಾರೆ. ದುಡ್ಡಿಲ್ಲದಿದ್ರೂ ಪರವಾಗಿಲ್ಲ ಮರಾಠಿ ಮಾತನಾಡೋದಿಲ್ಲ ಎಂದು ಪಿಝಾ ಡೆಲಿವರಿ ಬಾಯ್‌ ಹಾಗೇ ವಾಪಸ್‌ ತೆರಳಿದ್ದಾರೆ.
ಮುಂಬೈನ ಉಪನಗರ ಭಾಂಡಪ್‌ನಲ್ಲಿರುವ ಸಾಯಿ ರಾಧೆ ಕಟ್ಟಡದಲ್ಲಿ ಘಟನೆಯಾಗಿದೆ ಎಂದು ವರದಿಯಾಗಿದೆ. ಪಿಜ್ಜಾ ಡೆಲಿವರಿ ಬಾಯ್‌ ಆರ್ಡರ್‌ ಕೊಡಲು, ರೋಹಿತ್ ಲಾವಾರೆ ಅವರ ಮನೆ ಬಾಗಿಲಿಗೆ ಬಂದಾಗ ‘ಮರಾಠಿಯಲ್ಲಿ ಮಾತನಾಡು ಇಲ್ಲ ಅಂದ್ರ ಹಣ ಕೊಡಲ್ಲ ಎಂದು ಬೆದರಿಸಿದ್ದಾರೆ.
ಮರಾಠಿಯಲ್ಲಿ ಮಾತನಾಡಲೇಬೇಕು ಅಂತ ಕಡ್ಡಾಯ ಇದೆಯೇ? ಏಕೆ? ಎಂದು ಪಿಜ್ಜಾ ಡೆಲಿವರಿ ಬಾಯ್‌ ಕೇಳಿದ್ದಾನೆ. ಅದಕ್ಕೆ ಮರಾಠಿ ದಂಪತಿ, ಹೌದು ಇಲ್ಲಿ ಹಾಗೆಯೇ ಇದೆ ಎಂದು ಹೇಳುತ್ತಾರೆ.ಹೀಗೆ ಮರಾಠಿ ಭಾಷಾ ವಿಷಯವಾಗಿ ಡೆಲಿವರಿ ಬಾಯ್‌ ಜೊತೆ ದಂಪತಿ ಜಗಳ ತೆಗೆದಿದ್ದಾರೆ. ಈ ದೃಶ್ಯದ ವೀಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗಿದೆ.
