ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಗೂ ಮುನ್ನ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ 2025ಕ್ಕೆ ಕೇರಳ ತಂಡವು ಸಂಜುವನ್ನು ನಾಯಕರನ್ನಾಗಿ ಘೋಷಿಸಿದ್ದು, ಅವರ ಅಣ್ಣ ಸ್ಯಾಲಿ ಸ್ಯಾಮ್ಸನ್ ಕೂಡ ತಂಡದಲ್ಲಿ ಸ್ಥಾನ ಪಡೆದಿರುವುದು ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದೆ. ಐಪಿಎಲ್ 2026ಕ್ಕೆ ಮುನ್ನ ಸ್ಯಾಮ್ಸನ್ ಸಹೋದರರು ಮೊದಲ ಬಾರಿಗೆ ರಾಷ್ಟ್ರಮಟ್ಟದ ಟೂರ್ನಿಯಲ್ಲಿ ಒಂದೇ ತಂಡದಿಂದ ಆಡುತ್ತಿರುವುದು ಗಮನಸೆಳೆಯುತ್ತಿದೆ.
ನವೆಂಬರ್ 26ರಿಂದ ಆರಂಭವಾಗುವ ಟೂರ್ನಿಗೆ ಕೇರಳ ತನ್ನ 15 ಸದಸ್ಯರ ಶಕ್ತಿಶಾಲಿ ತಂಡವನ್ನು ಘೋಷಿಸಿದ್ದು, ಕೆಸಿಎಲ್ನಲ್ಲಿ ಮಿಂಚಿದ್ದ ಅಹ್ಮದ್ ಇಮ್ರಾನ್ ಉಪನಾಯಕತ್ವ ಸ್ಥಾನ ಪಡೆದುಕೊಂಡಿದ್ದಾರೆ. ವಿಷ್ಣು ವಿನೋದ್, ವಿಘ್ನೇಶ್ ಪುತ್ತೂರು, ಅಖಿಲ್ ಸ್ಕಾರಿಯಾ ಭಾಗವಾದರೂ, ಅನುಭವಿ ಸಚಿನ್ ಬೇಬಿಗೆ ಸ್ಥಳ ಸಿಕ್ಕಿಲ್ಲ. ಎಲೈಟ್ ಗ್ರೂಪ್–ಎಯಲ್ಲಿ ಸೇರಿರುವ ಕೇರಳಕ್ಕೆ ಮುಂಬೈ, ವಿದರ್ಭ ಮತ್ತು ಆಂಧ್ರ ವಿರುದ್ಧ ತೀವ್ರ ಸ್ಪರ್ಧೆ ಎದುರಾಗಲಿದೆ.
ಲಕ್ನೋದಲ್ಲಿ ನಡೆಯುವ ಲೀಗ್ ಹಂತದ ಪಂದ್ಯಗಳಲ್ಲಿ ಕೇರಳ ಅಗ್ರ ಎರಡು ಸ್ಥಾನಗಳಲ್ಲಿ ಮುನ್ನಡೆಸಿ “ಸೂಪರ್ ಲೀಗ್” ಹಂತಕ್ಕೆ ಪ್ರವೇಶಿಸುವ ಗುರಿ ಹೊಂದಿದೆ. ನಾಯಕತ್ವದ ಜವಾಬ್ದಾರಿ ಮತ್ತು ಅಣ್ಣನ ಜೊತೆ ಆಟ ಈ ಎರಡೂ ಸಂಜು ಸ್ಯಾಮ್ಸನ್ಗೆ ಈ ಬಾರಿ ಹೆಚ್ಚುವರಿ ಆತ್ಮವಿಶ್ವಾಸ ತುಂಬಿವೆ.
