ಇನ್ಮುಂದೆ ಲಾಲ್ ಬಾಗ್​ನಲ್ಲಿ ಪರಿಸರ ಸ್ನೇಹಿ ಎಲೆಕ್ಟ್ರಿಕ್ ಚಾರ್ಜಿಂಗ್ ಸೈಕಲ್ ಸೇವೆ

ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌: 

ಎರಡು ತಿಂಗಳ ಪ್ರಾಯೋಗಿಕ ಕಾರ್ಯಕ್ರಮದ ಯಶಸ್ಸಿನ ನಂತರ, ಲಾಲ್‌ಬಾಗ್ ಬೊಟಾನಿಕಲ್ ಗಾರ್ಡನ್ ಬುಧವಾರ ಸೈಕಲ್ ಮತ್ತು ಟ್ರೈಸಿಕಲ್ ಬಾಡಿಗೆ ಸೇವೆಯನ್ನು ಪ್ರಾರಂಭಿಸಿದೆ. ಇದರಿಂದ ಪ್ರವಾಸಿಗರು ತಮ್ಮದೇ ಆದ ವೇಗದಲ್ಲಿ ಸಂಪೂರ್ಣ ಉದ್ಯಾನವನವನ್ನು ನೋಡಲು ಸಾಧ್ಯವಾಗುತ್ತದೆ.

ಜೂನ್‌ನಲ್ಲಿ ವಿಶ್ವ ಪರಿಸರ ದಿನದಂದು ಆರಂಭದಲ್ಲಿ 10 ಎಲೆಕ್ಟ್ರಿಕ್ ಸೈಕಲ್‌ಗಳು ಮತ್ತು ಟ್ರೈಸಿಕಲ್‌ಗಳನ್ನು ಪರಿಚಯಿಸಿದ್ದ ತೋಟಗಾರಿಕೆ ಇಲಾಖೆ, ಪ್ರಾಯೋಗಿಕ ಅವಧಿಯನ್ನು ಜುಲೈ ವರೆಗೆ ವಿಸ್ತರಿಸಿತು. ಜೊತೆಗೆ ಸೈಕಲ್ ಗಳ ಸಂಖ್ಯೆಯನ್ನು 15 ಕ್ಕೆ ವಿಸ್ತರಿಸಿತು. ಇಲಾಖೆಯು ಈಗ 10 ಟ್ರೈಸಿಕಲ್‌ಗಳು ಮತ್ತು 20 ಬೈಸಿಕಲ್‌ಗಳು ಸೇರಿ ಒಟ್ಟು 30 ಎಲೆಕ್ಟ್ರಿಕ್ ವಾಹನಗಳನ್ನು ಹೊಂದಿದೆ.

ಪೂರ್ವ ದ್ವಾರ (ಡಬಲ್ ರಸ್ತೆ) ಮತ್ತು ಉತ್ತರ ದ್ವಾರ (ಮುಖ್ಯ ದ್ವಾರ) ಎರಡು ದ್ವಾರಗಳಲ್ಲಿ ಈ ಸೇವೆ ಲಭ್ಯವಿದೆ. 18 ವರ್ಷಕ್ಕಿಂತ ಮೇಲ್ಪಟ್ಟವರು 100 ರೂ. ಕೊಟ್ಟು ಸೈಕಲ್ ಬಾಡಿಗೆಗೆ ಪಡೆಯಬಹುದು, ಆದರೆ 12 ರಿಂದ 18 ವರ್ಷ ವಯಸ್ಸಿನವರಿಗೆ 50 ರೂ. ಶುಲ್ಕ ವಿಧಿಸಲಾಗುತ್ತದೆ. ಪ್ರತಿ ಸವಾರಿ 50 ನಿಮಿಷಗಳವರೆಗೆ ಇರುತ್ತದೆ, ಇದು 240 ಎಕರೆ ವಿಸ್ತೀರ್ಣದ ಲಾಲ್‌ಬಾಗ್ ಅನ್ನು ಸಂಪೂರ್ಣವಾಗಿ ನೋಡಬಹುದಾಗಿದೆ.

ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ

LEAVE A REPLY

Please enter your comment!
Please enter your name here

error: Content is protected !!