ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಟೆಸ್ಲಾ ಸಿಇಒ ಎಲೋನ್ ಮಸ್ಕ್ ಅವರು ಟ್ವಿಟರ್ ನ ಮಾಲೀಕತ್ವ ಪಡೆದರೆ ಶೇ.75 ರಷ್ಟು ಟ್ವಿಟರ್ ಸಿಬ್ಬಂದಿಯನ್ನು ಕಡಿತಗೊಳಿಸಲು ಯೋಜಿಸಿದ್ದಾರೆ ಎಂದು ದಿ ವಾಷಿಂಗ್ಟನ್ ಪೋಸ್ಟ್ ವರದಿ ಮಾಡಿದೆ.
ಟೆಕ್ ಉದ್ಯಮದಲ್ಲಿನ ಆರ್ಥಿಕ ಕುಸಿತದಿಂದಾಗಿ ಟ್ವಿಟರ್ ನೇಮಕಾತಿಯನ್ನು ಈಗಾಗಲೇ ನಿಧಾನಗೊಳಿಸಿದೆ. ಜೊತೆಗೆ ಅನೇಕ ಕಂಪನಿಗಳು ಇತ್ತೀಚಿನ ನೇಮಕಾತಿ ಪ್ರಕ್ರಿಯೆಗಳನ್ನು ತಡೆಹಿಡಿದಿದ್ದು, ಜೊತೆಗೆ ಅನೇಕ ಉದ್ಯೋಗಿಗಳ ವಜಾ ಘೋಷಿಸಿದೆ. ಇದೀಗ 75 ಪ್ರತಿಶತದಷ್ಟು ಉದ್ಯೋಗಿಗಳನ್ನು ತೆಗೆದುಹಾಕಲಿದ್ದಾರೆ ಎಂಬ ವರದಿಗಳು ಉದ್ಯಮ ವಲಯದಲ್ಲಿ ತಲ್ಲಣ ಸೃಷ್ಟಿಸಿದೆ.
ಟ್ವಿಟರ್ ಖರೀದಿ ಒಪ್ಪಂದದ ಕುರಿತು ಎರಡೂ ಪಕ್ಷಗಳು ನ್ಯಾಯಾಲಯದ ಹೋರಾಟದಲ್ಲಿ ತೊಡಗಿರುವ ಸಮಯದಲ್ಲೇ ಈ ವರದಿ ಬಂದಿದೆ. ಟೆಸ್ಲಾ ಸಿಇಒ ಏಪ್ರಿಲ್‌ನಲ್ಲಿ ಟ್ವಿಟರ್ ಖರೀದಿಸಲು ಒಪ್ಪಿಕೊಂಡಿದ್ದರು. ಆದರೆ ಜುಲೈನಲ್ಲಿ ಟ್ವಿಟರ್ ನಲ್ಲಿ ನಕಲಿ ಖಾತೆಗಳ ಸಂಖ್ಯೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಮಸ್ಕ್ ಅವರು ಒಪ್ಪಂದವನ್ನು ಮುಕ್ತಾಯಗೊಳಿಸಲು ಮುಂದಾಗಿದ್ದರು. ಆದಾಗ್ಯೂ, ಕಂಪನಿಯು ಈ ವಾದವನ್ನು ತಿರಸ್ಕರಿಸಿತ್ತು. ಮತ್ತು ಒಪ್ಪಂದವನ್ನು ಜಾರಿಗೆ ತರಲು ಒತ್ತಾಯಿಸುವ ಪ್ರಯತ್ನದಲ್ಲಿ ಬಿಲಿಯನೇರ್ ವಿರುದ್ಧ ಮೊಕದ್ದಮೆ ಹೂಡುವ ಮೂಲಕ ಪ್ರತಿಕ್ರಿಯಿಸಿದೆ.
ಟ್ವಿಟ್ಟರ್ ಖರೀದಿ ವಿಚಾರವನ್ನು ಫೈನಲ್‌ ಮಾಡುವ ಕುರಿತು ಅಕ್ಟೋಬರ್ 28 ರವರೆಗೆ ಎರಡೂ ಕಡೆಯವರಿಗೆ ಕಾಲಾವಕಾಶ ನೀಡಿದೆ. ಎರಡೂ ಪಕ್ಷಗಳು ಒಪದಪಂದಕ್ಕೆ ಬರಲು ವಿಫಲವಾದರೆ, ನವೆಂಬರ್‌ನಲ್ಲಿ ವಿಚಾರಣೆ ನಡೆಯಲಿದೆ.
ಟ್ವಿಟರ್ ಒಡೆತನ ಸಿಕ್ಕರೆ 75% ಸಿಬ್ಬಂದಿ ವಜಾಗೊಳಿಸಲು ಯೋಜಿಸಿದ ಎಲಾನ್‌ ಮಸ್ಕ್: ವರದಿ
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ
