ಹೊಸ ದಿಗಂತ ಡಿಜಿಟಲ್ ಡೆಸ್ಕ್:
ಮ್ಯಾಂಚೆಸ್ಟರ್ ಟೆಸ್ಟ್‌ನಲ್ಲಿ ಟೀಂ ಇಂಡಿಯಾ, ನಾಲ್ಕನೇ ಟೆಸ್ಟ್ ಪಂದ್ಯವನ್ನು ಡ್ರಾನಲ್ಲಿ ಅಂತ್ಯಗೊಳಿಸುವಲ್ಲಿ ಯಶಸ್ವಿಯಾಗಿದೆ.
ಭಾರತ ಪರ ನಾಯಕ ಶುಭಮನ್‌ ಗಿಲ್(103), ರವೀಂದ್ರ ಜಡೇಜಾ(107*) ಮತ್ತು ವಾಷಿಂಗ್ಟನ್ ಸುಂದರ್(101*) ಶತಕ ಬಾರಿಸಿ ಪಂದ್ಯದ ಚಿತ್ರಣವನ್ನೇ ಬದಲಿಸಿದರು.
ಇಂಗ್ಲೆಂಡ್ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 311 ರನ್ಗಳ ಮುನ್ನಡೆ ಸಾಧಿಸಿತ್ತು. ಆ ಬಳಿಕ ಭಾರತದ ಎರಡನೇ ಇನ್ನಿಂಗ್ಸ್ನ ಮೊದಲ ಓವರ್‌ನಲ್ಲಿಯೇ ಎರಡು ವಿಕೆಟ್‌ಗಳನ್ನು ಪಡೆದುಕೊಂಡಿತು. ಇಲ್ಲಿಂದ, ಟೀಂ ಇಂಡಿಯಾದ ಸೋಲು ಖಚಿತವೆಂದು ತೋರುತ್ತಿತ್ತು. ಆದರೆ ಪಂದ್ಯದ ಕೊನೆಯ 5 ಸೆಷನ್ಗಳಲ್ಲಿ, ಶುಭ್ಮನ್ ಗಿಲ್, ರವೀಂದ್ರ ಜಡೇಜಾ ಮತ್ತು ವಾಷಿಂಗ್ಟನ್ ಸುಂದರ್ ಶತಕ ಅವರ ಶತಕದ ಇನ್ನಿಂಗ್ಸ್ ಹಾಗೂ ಕನ್ನಡಿಗ ಕೆಎಲ್ ರಾಹುಲ್ ಅವರ 90 ರನ್ಗಳ ಕೊಡುಗೆ ತಂಡವನ್ನು ಸೋಲಿನ ದವಡೆಯಿಂದ ಹೊರತಂದಿತು.78 ರನ್ ಗಳಿಸಿದ್ದ ಶುಭಮನ್‌ ಗಿಲ್ 103 ರನ್ ಗಳಿಸಿ ಶತಕ ಸಂಭ್ರಮಿಸಿ ಔಟಾದರು.
ಜಡೇಜಾ-ಸುಂದರ್ ದಿಟ್ಟ ಹೋರಾಟ
ರಾಹುಲ್ ಮತ್ತು ಗಿಲ್ ವಿಕೆಟ್‌ ಪತನಗೊಂಡಾಗ ಭಾರತ ಇನಿಂಗ್ಸ್‌ ಸೋಲು ಕಾಣಬಹುದು ಎಂದು ನಿರೀಕ್ಷೆ ಮಾಡಲಾಯಿತು. ಆದರೆ ಸ್ಪಿನ್‌ ಆಲ್‌ರೌಂಡರ್‌ಗಳಾದ ಜಡೇಜಾ ಮತ್ತು ಸುಂದರ್ ಸೇರಿಕೊಂಡು ತಂಡದ ರಕ್ಷಣೆಗೆ ಟೊಂಕ ಕಟ್ಟಿದರು. ಆಂಗ್ಲರ ಎಲ್ಲ ಬೌಲಿಂಗ್‌ ಅಸ್ತ್ರವನ್ನು ವಿಫಲಗೊಳಿಸಿ ಅಜೇಯ ಶತಕ ಬಾರಿಸಿ ಐತಿಹಾಸಿಕ ಡ್ರಾ ಸಾಧಿಸಿ ಮೆರೆದಾಡಿದರು.
ಸುಂದರ್ ಚೊಚ್ಚಲ ಶತಕ
ವಾಷಿಂಗ್ಟನ್ ಸುಂದರ್ ಭಾರತ ಪರ ಚೊಚ್ಚಲ ಅಂತಾರಾಷ್ಟ್ರೀಯ ಟೆಸ್ಟ್ ಶತಕ ಬಾರಿಸಿದ ಸಾಧನೆ ಮಾಡಿರು.
ಅಂತಿಮವಾಗಿ ಭಾರತ 4 ವಿಕೆಟ್‌ಗೆ 425 ರನ್ ಗಳಿಸಿತು.
