ಸ್ನೇಹ ಎನ್ನುವುದು ಜೀವನದಲ್ಲಿ ಅತ್ಯಂತ ಮೌಲ್ಯವಾದ ಸಂಬಂಧ. ಹಲವರು ತಮ್ಮ ಜೀವನದ ಬಹುತೇಕ ವಿಷಯಗಳನ್ನು ತಮ್ಮ ಆಪ್ತ ಸ್ನೇಹಿತರೊಂದಿಗೆ ಹಂಚಿಕೊಳ್ಳುತ್ತಾರೆ. ಆದರೆ ಎಷ್ಟು ಆತ್ಮೀಯ ಸ್ನೇಹ ಇದ್ದರೂ, ಕೆಲವು ವಿಷಯಗಳು ನಿಮಗೇ ಸೀಮಿತವಾಗಿರಬೇಕು. ಸ್ನೇಹದಲ್ಲೂ ಅತಿ ಖುಲಾಸಿಯಾಗುವುದು ಕೆಲವೊಮ್ಮೆ ಸಮಸ್ಯೆಗಳಿಗೆ ದಾರಿ ಮಾಡಬಹುದು. ಇಲ್ಲಿದೆ ನಿಮಗೆ ಬೆಸ್ಟ್‌ ಫ್ರೆಂಡ್‌ಗೂ ಹಂಚಿಕೊಳ್ಳಬಾರದ ಕೆಲವು ವಿಷಯಗಳು.
ದೌರ್ಬಲ್ಯಗಳು ಮತ್ತು ಆತ್ಮೀಯ ಭಯಗಳು
ನಿಮ್ಮ ಭಯಗಳು ಅಥವಾ ದೌರ್ಬಲ್ಯಗಳನ್ನು ಹೇಳುವುದರಿಂದ ಬೆಂಬಲ ಸಿಗಬಹುದು ಎನ್ನುವ ಭಾವನೆ ಎಲ್ಲರಲ್ಲೂ ಇರುತ್ತದೆ. ಆದರೆ ಎಲ್ಲರೊಂದಿಗೆ ನಿಮ್ಮ ನಿಜವಾದ ಭೀತಿಗಳ ಬಗ್ಗೆ ಬಹಿರಂಗವಾಗುವುದು ಸರಿ ಅಲ್ಲ. ಕಾಲಬದಲಾಗಬಹುದು, ಸಂಬಂಧದಲ್ಲಿ ಬದಲಾವಣೆಗಳು ಬರುವ ಸಾಧ್ಯತೆ ಇರುತ್ತದೆ. ಆಗ ನಿಮ್ಮ ದೌರ್ಬಲ್ಯಗಳು ನಿಮ್ಮ ವಿರುದ್ಧ ಉಪಯೋಗವಾಗಬಹುದು.
ಹಣಕಾಸಿನ ಸಂಪೂರ್ಣ ವಿವರಗಳು
ಹಣ ಸಂಬಂಧಿತ ವಿಚಾರಗಳು ಸ್ನೇಹದಲ್ಲಿಯೂ ಎಚ್ಚರಿಕೆಯಿಂದ ನಡೆಯಬೇಕು. ಆದಾಯ, ಉಳಿತಾಯ, ಸಾಲ ಅಥವಾ ಹೂಡಿಕೆಗಳ ಬಗ್ಗೆ ಸಂಪೂರ್ಣ ವಿವರಗಳನ್ನು ಹಂಚಿಕೊಳ್ಳುವುದು ಕೆಲವೊಮ್ಮೆ ಸಂಧಿಗ್ಧ ಪರಿಸ್ಥಿತಿಗೆ ಕಾರಣವಾಗಬಹುದು. ಆದ್ದರಿಂದ ಹಣದ ವಿಷಯಗಳನ್ನು ಖಾಸಗಿಯಾಗಿ ಇಟ್ಟುಕೊಳ್ಳುವುದು ಉತ್ತಮ.
ಇತರರ ರಹಸ್ಯಗಳು
ಯಾರಾದರೂ ನಿಮ್ಮ ಬಳಿ ತಮ್ಮ ವೈಯಕ್ತಿಕ ರಹಸ್ಯವನ್ನು ನಂಬಿಕೆಯಿಂದ ಹಂಚಿಕೊಂಡರೆ, ಅದು ನಿಮ್ಮ ಮತ್ತು ಆ ವ್ಯಕ್ತಿಯ ನಡುವಿನ ವಿಚಾರ. ಅದನ್ನು ತೃತೀಯ ವ್ಯಕ್ತಿಗೆ ಹೇಳುವುದು ನೈತಿಕವಾಗಿ ತಪ್ಪು. ಬೆಸ್ಟ್‌ ಫ್ರೆಂಡಾಗಿದ್ದರೂ ಸಹ, ಇತರರ ನಂಬಿಕೆಯನ್ನು ಉಳಿಸಿಕೊಳ್ಳುವುದು ನಿಮಗೆ ಪ್ರತಿಷ್ಠೆ ನೀಡುತ್ತದೆ. ಇಲ್ಲವಾದರೆ, ನಿಮ್ಮ ನಂಬಿಕೆ ಕುಸಿದು ಹೋಗಬಹುದು.
ವೈಯಕ್ತಿಕ ಸಂಬಂಧಗಳ ತೀವ್ರತೆ
ನಿಮ್ಮ ಸಂಬಂಧಗಳು, ಮುನ್ನೋಟಗಳು ಅಥವಾ ವೈಯಕ್ತಿಕ ಬದುಕಿನಲ್ಲಿ ನಡೆಯುವ ಎಲ್ಲಾ ಘಟನೆಗಳನ್ನು ಸ್ನೇಹಿತನೊಂದಿಗೆ ಹಂಚಿಕೊಳ್ಳುವುದು ಸದಾ ಸರಿ ಎಂದೇನಿಲ್ಲ. ಕೆಲವೊಂದು ವಿಷಯಗಳು ವೈಯಕ್ತಿಕವಾಗಿಯೇ ಇರಬೇಕು. ಎಲ್ಲದನ್ನು ಬಹಿರಂಗ ಮಾಡುವುದು ನಿಮ್ಮ ವೈಯಕ್ತಿಕ ಗೋಪ್ಯತೆಯ ಮೌಲ್ಯವನ್ನು ಕಡಿಮೆ ಮಾಡಬಹುದು.
ಸ್ನೇಹ ಎಂದರೆ ವಿಶ್ವಾಸ, ಸಹಾನುಭೂತಿ ಮತ್ತು ಪ್ರಾಮಾಣಿಕತೆಯ ಸಂಬಂಧ. ಆದರೆ, ಎಷ್ಟೇ ಆಪ್ತ ಸಂಬಂಧವಿದ್ದರೂ ಕೆಲವೊಂದು ವಿಷಯಗಳನ್ನು ಗೌಪ್ಯವಾಗಿಡುವುದು ನಿಮ್ಮ ಬುದ್ಧಿವಂತಿಕೆಯ ಸಂಕೇತ. ಅದರಿಂದ ನಿಮ್ಮ ಸಂಬಂಧಗಳು ದೀರ್ಘಕಾಲ ಬದಲಾಗದೇ ಸುಗಮವಾಗಿ ಸಾಗಬಹುದು.
