ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಬಾಲಿವುಡ್ ನಟಿ, ಸಲ್ಮಾನ್ ಖಾನ್ ಅವರ ಮಾಜಿ ಗೆಳತಿ ಸೋಮಿ ಅಲಿ ಮತ್ತೆ ಸುದ್ದಿಯಲ್ಲಿದ್ದಾರೆ.
1990 ರ ದಶಕದಲ್ಲಿ ಬುಲಂದ್, ಅಂತಾ ಮತ್ತು ಯಾರ್ ಗದರ್ ಚಿತ್ರಗಳಲ್ಲಿ ಕಾಣಿಸಿಕೊಂಡಿರುವ ಸೋಮಿ ಅಲಿ ಎಂಟು ವರ್ಷಗಳಿಗೂ ಹೆಚ್ಚು ಕಾಲ ಸಲ್ಮಾನ್ ಖಾನ್ ಜೊತೆ ಡೇಟಿಂಗ್ ಮಾಡಿ ನಂತರ ದೂರವಾಗಿದ್ದರು.
ಆ ಬಳಿಕ ಸಲ್ಮಾನ್ ಖಾನ್ ಕುರಿತು ಹಲವು ನಟಿಯರು ಆರೋಪ ಮಾಡಿದ್ದು ಇದೆ. ಸದಾ ಲವ್ ಅಫೇರ್ಸ್ (Love Affair)ಗಳಿಂದ ಸುದ್ದಿಯಾಗುತ್ತಲೇ ಇದ್ದಾರೆ. ಈಗ ಸೋಮಿ ಅಲಿ.
ಬಾಲಿವುಡ್ ಅಂಗಳದಲ್ಲಿ ಸೋಮಿ ಮತ್ತು ಸಲ್ಮಾನ್ ಸುದ್ದಿ ಹಾಟ್ ಟಾಪಿಕ್ (Hot Topic) ಆಗಿದೆ. ಸಲ್ಮಾನ್ ವಿರುದ್ಧ ಸೋಮಿ ಮಾಡಿರುವ ಗಂಭೀರ ಆರೋಪಗಳು ಕೆಲ ದಿನಗಳಿಂದ ಭಾರಿ ಚರ್ಚೆಯಲ್ಲಿತ್ತು. ಈ ಹಿಂದೆ ಸೋಮಿ ಎಲ್ಲರ ಮುಂದೆ ಒಂದು ಕೋರಿಕೆ ಇಟ್ಟಿದ್ದರು. ಅದೇನೆಂದರೆ, ತನಗೆ ಚಿತ್ರಹಿಂಸೆ ಕೊಟ್ಟು ಬದುಕನ್ನು ನರಕ ಮಾಡಿರುವ ಸಲ್ಮಾನ್ ಖಾನ್ ಸಾರ್ವಜನಿಕವಾಗಿ ಕ್ಷಮೆ ಕೋರಬೇಕು ಎಂದು. ಒಂದು ವೇಳೆ ಹೀಗೆ ಮಾಡದಿದ್ದರೆ ನಾನು ಏನು ಮಾಡಬೇಕೋ ಅದನ್ನು ಮಾಡುತ್ತೇನೆ ಎಂದೂ ಬೆದರಿಕೆ ಹಾಕಿದ್ದರು.
ಆದ್ರೆ ಇದೀಗ ಇದುವರೆಗೂ ಸಲ್ಮಾನ್ ಖಾನ್ (Salman Khan) ಅವರಿಗೆ ಏನೂ ಶಿಕ್ಷೆಯಾಗಿಲ್ಲ, ಬದಲಿಗೆ ತಾವೇ ನೋವು ಅನುಭವಿಸುತ್ತಿರುವುದಾಗಿ ಮತ್ತೆ ಸಾಮಾಜಿಕ ಜಾಲತಾಣದಲ್ಲಿ ನೋವಿನ ನುಡಿಗಳನ್ನಾಡಿದ್ದಾರೆ .
ಅತೀವ ನೋವಿನಿಂ ಪೋಸ್ಟ್ ಮಾಡಿದ್ದು, ಅದ್ರಲ್ಲಿ ‘ಈ ಪೋಸ್ಟ್‌ಗಳನ್ನು ತೆಗೆದುಹಾಕುವಂತೆ ನನಗೆ ಒತ್ತಡ ಬರುವುದನ್ನು ನಾನು ಬಲ್ಲೆ. ಹಾಗೆ ಮಾಡದಿದ್ದರೆ ನನ್ನ ವಿವೇಕವನ್ನೂ ಪ್ರಶ್ನೆ ಮಾಡಲಾಗುತ್ತದೆ ಎನ್ನುವುದೂ ನನಗೆ ಗೊತ್ತು. ನಾನು ಕುಡಿದು ಮನಸ್ಥಿತಿ ಕಳೆದುಕೊಂಡು ಈ ರೀತಿ ಬರೆಯುತ್ತಿದ್ದೇನೆ ಎಂಬ ಗಂಭೀರ ಆರೋಪ ನನ್ನ ಮೇಲೆ ಬಂದರೂ ಅಚ್ಚರಿಯೇನಿಲ್ಲ. ಯಾರು ಏನೇ ಹೇಳಿದರೂ ನಾನು ಈ ವಿಷಯವನ್ನು ಬರೆಯಲೇ ಬೇಕು. ಯಾರು ಏನೇ ವ್ಯಂಗ್ಯ ಮಾಡಿದರೂ ನಾನು ಅನುಭವಿಸುತ್ತಿರುವ ನೋವು ಅವರಿಗೆ ಕಾಣುವುದಿಲ್ಲ. ಏಕೆಂದರೆ ನೀವು ಆ ಅವಮಾನವನ್ನು ಅವರು ಅನುಭವಿಸಿಲ್ಲ. ಎಲ್ಲ ರೀತಿಯ ಚಿತ್ರಹಿಂಸೆ ತಡೆದುಕೊಳ್ಳುತ್ತಿದ್ದೇನೆ’ ಎಂದು ನಟಿ ಸೋಮಿ ಹೇಳಿದ್ದಾರೆ.
ಸಲ್ಮಾನ್ ಖಾನ್ ಅವರ ಹೆಸರನ್ನು ನೇರವಾಗಿ ಹೇಳದ ಸೋಮಿ, ‘ನನಗೆ ಗೊತ್ತು. ನನಗೆ ಹಿಂಸೆ ಕೊಟ್ಟ ಆ ನಟನಿಗೆ ಏನೂ ಆಗುವುದಿಲ್ಲವೆಂದು. ಏಕೆಂದರೆ ಆತ ದೊಡ್ಡ ಸ್ಟಾರ್. ಆತ ಯಾರ ಜೀವನವನ್ನಾದರೂ ಹಾಳು ಮಾಡಬಹುದು. ಸ್ನೇಹಿತರೆಂದು ನಂಬಿ ಹೋದವರನ್ನು ಕಾಲ ಕಸದಂತೆ ನೋಡಿ ಅವರನ್ನು ಬಳಸಿ ಬೀಸಾಡಬಹುದು. ಆದರೆ ಅವರಿಗೆ ಏನೂ ಆಗುವುದಿಲ್ಲ ಎನ್ನುವುದು ಗೊತ್ತಿದೆ’ . ಸಲ್ಮಾನ್ ಖಾನ್ ಅವರ ಬಗ್ಗೆ ಬರೆದ ಕಾರಣ, ಆನ್ಲೈನ್ ಮೂಲಕ ತಮಗೆ ಬೆದರಿಕೆಗಳು ಬರುತ್ತಿದ್ದು, ಅದನ್ನು ನಿಲ್ಲಿಸಿ ಎಂದು ನಟಿ ಹೇಳಿಕೊಂಡಿದ್ದಾರೆ.
ಸೋಮಿ, ಮೂಲತಃ ಪಾಕಿಸ್ತಾನ(Pakistani) ಕರಾಚಿಯಲ್ಲಿ ಹುಟ್ಟಿದ್ದು. 1976ರಲ್ಲಿ ಹುಟ್ಟಿರುವ ಈಕೆಗೆ ಈಗ 47 ವರ್ಷ ವಯಸ್ಸು. ಸೋಮಿ 16ನೇ ವಯಸ್ಸಿನಲ್ಲಿಯೇ ಸಲ್ಮಾನ್ ಖಾನ್ ಅಭಿಮಾನಿಯಾಗಿದ್ದರಂತೆ. ಸಲ್ಮಾನ್ ಖಾನ್ರನ್ನು ಹುಚ್ಚು ಹುಚ್ಚಾಗಿ ಪ್ರೀತಿಸುತ್ತಿದ್ದ ಈಕೆ ಅವರನ್ನು ಮದುವೆಯಾಗುವುದಕ್ಕಾಗಿಯೇ ಅಮೆರಿಕದಿಂದ ಬಂದಿದ್ದೆ ಎಂದಿದ್ದಾರೆ. ಕೊನೆಗೂ ಅವರ ಆಸೆ ಈಡೇರಿದ್ದು, ಸಲ್ಮಾನ್‌ರೊಂದಿಗೆ ತೆರೆ ಹಂಚಿಕೊಂಡರು. 1993ರಲ್ಲಿ ಕ್ರಿಶನ್‌ ಅವತಾರ್‌ ಸಿನಿಮಾ ಮೂಲಕ ಬಾಲಿವುಡ್‌ಗೆ ಬಂದ ಸೋಮಿ, ಅದಾದ ಬಳಿಕ ಅಂತ್‌, ಯಾರ್ ಗದ್ದಾರ್‌, ತೀಸರಾ ಕೌನ್‌, ಆವೋ ಪ್ಯಾರ್‌ ಕರನೇ, ಆಂದೋಲನ್‌ ಸೇರಿ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ.
1993ರಿಂದ 1999ರ ವರೆಗೂ ಇವರು ರಿಲೇಷನ್‌ಶಿಪ್‌ (Relationship) ನಲ್ಲಿದ್ದರು. ‘ಸಲ್ಮಾನ್ ಖಾನ್ ತನ್ನನ್ನು ಬೇಕೆಂದ ಹಾಗೆಲ್ಲಾ ಬಳಸಿಕೊಂಡ, ಅತ್ಯಾಚಾರ ಮಾಡಿದ, ಸಿಗರೇಟ್‌ನಿಂದ ಸುಟ್ಟು ಖುಷಿಪಡುತ್ತಿದ್ದ, ನನ್ನ ಮೇಲೆ ಮದ್ಯವನ್ನು ಸುರಿದಿದ್ದ. ಹಲ್ಲೆ ನಡೆಸಿದ್ದ. ಆತನ ಹೊಡೆತದಿಂದ ಗಾಯಗಳಾಗಿದ್ದವು’ ಎಂದು ಅವರು ಹೇಳಿದ್ದರು. ‘ಸಲ್ಮಾನ್ ಖಾನ್ ಹೊಡೆದಾಗ ಆದ ಗಾಯಗಳನ್ನು ಮೇಕಪ್‌ನಿಂದ ಮುಚ್ಚಿಕೊಳ್ಳುತ್ತಿದ್ದೆ. ನಾನು ಸ್ಟುಡಿಯೋಗೆ ಹೋದಾಗ ನಿರ್ಮಾಪಕರು ಗಮನಿಸುತ್ತಿದ್ದರು. ಬೇಕಿದ್ದರೆ ಅವರನ್ನೇ ಕೇಳಿ” ಎಂದಿರೋ ಸೋಮಿ “ಅವನೊಂದಿಗೆ ಎಂಟು ವರ್ಷ ಕಳೆದಿದ್ದೆ. ಅವುಗಳು ನನ್ನ ಪಾಲಿಗೆ ಅತ್ಯಂತ ಕೆಟ್ಟ ದಿನಗಳು. ಆತನಿಗೆ ಹಲವಾರು ಅಫೇರ್‌ಗಳಿವೆ. ಆದರೂ ನನ್ನನ್ನು ಬಳಸಿಕೊಂಡ’ ಎಂದಿದ್ದರು.
