ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಪ್ರೀತಿಯಲ್ಲಿ ಬೀಳುವುದು ತುಂಬಾ ಮಧುರವಾದ ಭಾವನೆ. ಕೆಲವೊಮ್ಮೆ ಪ್ರೀತಿ ವಿಫಲಗೊಂಡಾಗ ಭಾವನಾತ್ಮಕ ಯಾತನೆ ಇರುತ್ತದೆ. ಅಂತಹ ಪರಿಸ್ಥಿತಿಗಳು ದೈಹಿಕವಾಗಿ ಮತ್ತು ಮಾನಸಿಕವಾಗಿ ಬಹಳ ತೀವ್ರವಾದ ಪರಿಣಾಮವನ್ನು ಬೀರುತ್ತವೆ.
ಈ ಯಾತನೆಯ ಹಿಂದೆ ವಿಜ್ಞಾನವಿದೆ ಎನ್ನುತ್ತಾರೆ ವಿಜ್ಞಾನಿಗಳು. ಇಂಗ್ಲೆಂಡ್‌ನಲ್ಲಿರುವ ಡಾ. ಫಾಕ್ಸ್‌ನ ಆನ್‌ಲೈನ್ ಫಾರ್ಮಸಿಯ ವೈದ್ಯಕೀಯ ಬರಹಗಾರರಾದ ಡಾ. ಡೆಬೊರಾ ಲೀ ಅವರ ಪ್ರಕಾರ, ನೀವು ಪ್ರೀತಿಯಲ್ಲಿ ಬಿದ್ದಾಗ ಕೆಲವು ಹಾರ್ಮೋನುಗಳು ಸ್ವಾಭಾವಿಕವಾಗಿ ಹೆಚ್ಚಾಗುತ್ತವೆ. ಇವುಗಳಲ್ಲಿ ‘ಕಡ್ಲ್’ ಹಾರ್ಮೋನ್ ಆಕ್ಸಿಟೋಸಿನ್ ಮತ್ತು ‘ಫೀಲ್ ಗುಡ್’ ಹಾರ್ಮೋನ್ ಡೋಪಮೈನ್ ಸೇರಿವೆ. ಇವು ಮನಸ್ಸಿಗೆ ಬಹಳ ಸಂತೋಷವನ್ನು ತರುತ್ತವೆ. ಆದರೆ ಲವ್ ಫೇಲ್ಯೂರ್ ಆದಲ್ಲಿ ದೇಹದಲ್ಲಿ ಈ ಎರಡು ಹಾರ್ಮೋನ್ ಗಳ ಪ್ರಮಾಣ ಕಡಿಮೆಯಾಗುತ್ತದೆ. ಅಂತೆಯೇ, ಒತ್ತಡವನ್ನು ಉಂಟುಮಾಡುವ ಹಾರ್ಮೋನ್‌ಗಳಲ್ಲಿ ಒಂದಾದ ಕಾರ್ಟಿಸೋಲ್ ಮಟ್ಟವು ಹೆಚ್ಚಾಗುತ್ತದೆ.
ಕಾರ್ಟಿಸೋಲ್ ಹಾರ್ಮೋನ್ ಅಧಿಕ ಬಿಪಿ, ತೂಕ ಹೆಚ್ಚಾಗುವುದು, ಮೊಡವೆ ಮತ್ತು ಆತಂಕವನ್ನು ಉಂಟುಮಾಡುತ್ತದೆ. ಪ್ರೇಮಿಯೊಂದಿಗಿನ ವಿಘಟನೆಯ ಸಮಯದಲ್ಲಿ ಸಾಮಾಜಿಕ ನಿರಾಕರಣೆಯು ದೈಹಿಕವಾಗಿ ನೋವನ್ನು ಅನುಭವಿಸುವ ಮೆದುಳಿನ ಪ್ರದೇಶಗಳ ಮೇಲೆ ಪರಿಣಾಮ ಬೀರುತ್ತದೆ. ಕೆಲವು ಸಂದರ್ಭಗಳಲ್ಲಿ, ಈ ಪರಿಸ್ಥಿತಿಗಳು ಹೃದಯದ ಮೇಲೆ ಪರಿಣಾಮ ಬೀರಬಹುದು ಎಂದು ಲೀ ಹೇಳಿದರು. ಟುಕೋಟ್ಸಾಬೊ ಕಾರ್ಡಿಯೋಪತಿಯು ‘ಬ್ರೋಕನ್ ಹಾರ್ಟ್ ಸಿಂಡ್ರೋಮ್’ ಎಂಬ ಸ್ಥಿತಿಯನ್ನು ಉಂಟುಮಾಡುತ್ತದೆ. ಇದನ್ನು ಪತ್ತೆಹಚ್ಚಲು ಆಂಜಿಯೋಗ್ರಾಮ್ ಕೆಲಸ ಮಾಡುತ್ತದೆ.
ಸಾಮಾನ್ಯವಾಗಿ, ‘ಬ್ರೋಕನ್ ಹಾರ್ಟ್ ಸಿಂಡ್ರೋಮ್’ ತೀವ್ರ ಒತ್ತಡದಿಂದ ಉಂಟಾಗುತ್ತದೆ. ಸಾಮಾನ್ಯವಾಗಿ ಒಮ್ಮೆ ಮಾತ್ರ ಸಂಭವಿಸುತ್ತದೆ. ಆದರೆ ಕೆಲವು ಸಂದರ್ಭಗಳಲ್ಲಿ, ಈ ಸ್ಥಿತಿಯಿಂದ ಸಾವು ಕೂಡ ಸಂಭವಿಸಬಹುದು. ವಿಜ್ಞಾನಿಗಳ ಪ್ರಕಾರ, ಸಂಬಂಧಗಳು ಮುರಿದುಹೋದಾಗ ಅನುಭವಿಸುವ ನೋವು ಮಾನವ ಜೀವನದ ವಿಕಸಿತ ಲಕ್ಷಣವಾಗಿರಬಹುದು.
